{ ســـــــــــــــــــ ياقلــــم ــــــــــــــــر }
سر ياقلم واكتب على بيض الأوراق
إحساس قلبٍ من عنا البعد مخنوق
يسري مع الهاجس ليا لاح براق
ويجر باحزانه مواويل وطروق
كنت أحسب إن الليل يقفي بالاشراق
لكن ليلي طال ماجاني شروق
أنا أشهد إن البعد قاسي وحراق
همٍ وضيقة بال والفكر مسروق
في غيبتك هالكون ياصاحبي ضاق
شف نظرتي تكفيك عن كل منطوق
الحزن في عيني مع نار الاشواق
والقلب عقبك ياهوى القلب محروق
ليت الذي قدر مع حبنا فراق
يكتب لنا وصلٍ ويرقا بنا فوق
عزالله إني يالغلا حيل مشتاق
وان مت والله ماذبحني سوى الشوق
لاصار حبك ساكنٍ وسط الأعماق
كنه معي ياغاية الروح مخلوق
ماهو على قولة سواليف عشاق
ولا هو تسلي باسم عاشق ومعشوق
إي والله أحبك بها القلب خفاق
والحب يسري في شرايين وعروق
إي والله أحبك غلا ماهو نفاق
وإي والله إني بالهوى صرت مصفوق
أسري مع الهاجس ليا لاح براق
وأجر باحزاني مواويل وطروق
إحساس عاشق من عنا البعد مخنوق
أحترامي وتقديري
sv dhrgl ,H;jf ugn fdq hgh,vhr >>!!?
الإهداءات
19-May-2023, 06:23 PM
ام ام اس ~
سر ياقلم وأكتب على بيض الاوراق ..!!؟
العرض الشجري