كل درب ٍ منك يتمنـى أثر

كل درب ٍ منك يتمنـى أثر

انتظرتك بالوعد كلي عتاب
ويوم شفتك صرت انا كلي عذر

صاحبي واللي خلق يوم الحساب
مالقيت الا انت لي منك مفر

لي سؤال ٍ في عيونك له جواب
وفي عيوني من عيونك له قهر

ليه أحبك ؟ وانت لي هم وعذاب
ليه قربك نار وفراقك جمر

ليه أشوف الكون من دونك خراب
ليه اشوف اليوم بغيابك دهر


ليه اصدقك ومواعيدك ..سراب
ليه أكذّب جيّـتك لي وانتظر !!


ظالمي حلـّفتك بـ ربّ الكتاب
ليه كل ماجيت اعاتبك ..اعتذر ؟!


السمـا لاجلك تغـار من التراب
كل نجمة ودهـا بـ ارضك حجر


كل زين ٍ من حلا زينك يهـاب
وكل عطر ٍ وده انك لـه عطـر !


وكل عمر ٍ لك يبي عمره شباب
وكل درب ٍ منك يتمنـى أثر !


الحضور ان غبت غار من الغياب
والغياب ان جيت رافقك وحضر


علّ قلبي لانسيتـك للذهــاب
وعلّ عيني لاسليتـك للسهـر


ليتني مابين كفـّك والخضـاب
وليتني أبعد عليك من القمر


وليتني لك جرح وازيدك صواب
وللعذاب اهديك من عمري عمر


كيف افسّر لك شعوري في خطاب
كيف احسسك بعذابي بالشعر ؟!


كل حرف ٍ لانزفتـه منك ذاب
وكل قاف ٍ لاصرخته يـ نـ كـ سـ ر


صاااحبي .. بموووت من كثر العتاب
إلتفت لي , واعتبرها لك عذر !!

حـُـلم معجب بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

;g ]vf S lk; djlkJn Hev

بارك الله فيك...

جزاك الله خير الجزاء,

ولك الشكر والامتنان,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.

انتقاء مميز
يعطيك العافية على جمال طرحك
تقديري ..

صح لسان شاعرها وسلمت

سلمت يمينك..
طرح فاائق الجمال ..والروعه
تحياتي لك..

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
ودي وعبق وردي

ليه أحبك ؟ وانت لي هم وعذاب
ليه قربك نار وفراقك جمر


يعطيك الف عاافيه ل انتقائك محمد .

طرح رآقي وأنتقـــاء مميـــز ومجهود رائـــع
الله يعطيكـ العافيه

انتقاء في غايه الروعه
سلمت يمناك
الله يعطيك الف عافيه