كل درب ٍ منك يتمنـى أثر
 

انتظرتك بالوعد كلي عتاب
ويوم شفتك صرت انا كلي عذر

صاحبي واللي خلق يوم الحساب
مالقيت الا انت لي منك مفر

لي سؤال ٍ في عيونك له جواب
وفي عيوني من عيونك له قهر

ليه أحبك ؟ وانت لي هم وعذاب
ليه قربك نار وفراقك جمر

ليه أشوف الكون من دونك خراب
ليه اشوف اليوم بغيابك دهر


ليه اصدقك ومواعيدك ..سراب
ليه أكذّب جيّـتك لي وانتظر !!


ظالمي حلـّفتك بـ ربّ الكتاب
ليه كل ماجيت اعاتبك ..اعتذر ؟!


السمـا لاجلك تغـار من التراب
كل نجمة ودهـا بـ ارضك حجر


كل زين ٍ من حلا زينك يهـاب
وكل عطر ٍ وده انك لـه عطـر !


وكل عمر ٍ لك يبي عمره شباب
وكل درب ٍ منك يتمنـى أثر !


الحضور ان غبت غار من الغياب
والغياب ان جيت رافقك وحضر


علّ قلبي لانسيتـك للذهــاب
وعلّ عيني لاسليتـك للسهـر


ليتني مابين كفـّك والخضـاب
وليتني أبعد عليك من القمر


وليتني لك جرح وازيدك صواب
وللعذاب اهديك من عمري عمر


كيف افسّر لك شعوري في خطاب
كيف احسسك بعذابي بالشعر ؟!


كل حرف ٍ لانزفتـه منك ذاب
وكل قاف ٍ لاصرخته يـ نـ كـ سـ ر


صاااحبي .. بموووت من كثر العتاب
إلتفت لي , واعتبرها لك عذر !!

رد: كل درب ٍ منك يتمنـى أثر
 

بارك الله فيك...

جزاك الله خير الجزاء,

ولك الشكر والامتنان,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.

رد: كل درب ٍ منك يتمنـى أثر
 

انتقاء مميز
يعطيك العافية على جمال طرحك
تقديري ..

رد: كل درب ٍ منك يتمنـى أثر
 

صح لسان شاعرها وسلمت

رد: كل درب ٍ منك يتمنـى أثر
 

سلمت يمينك..
طرح فاائق الجمال ..والروعه
تحياتي لك..

رد: كل درب ٍ منك يتمنـى أثر
 

رد: كل درب ٍ منك يتمنـى أثر
 

ليه أحبك ؟ وانت لي هم وعذاب
ليه قربك نار وفراقك جمر


يعطيك الف عاافيه ل انتقائك محمد .

رد: كل درب ٍ منك يتمنـى أثر
 

طرح رآقي وأنتقـــاء مميـــز ومجهود رائـــع
الله يعطيكـ العافيه

رد: كل درب ٍ منك يتمنـى أثر