مراحب يابنونات

مراحب يابنونات

مرحبااااا يا بنوتات

كيف تصطادين المعرس دون اللجوء الى الاساليب السقيمة الي مالها سنع والترزز بالاسواااق ......الخ

اليك ...فتاتي العزيزة...الخلطة السرية والسحرية :

اول شي خذي لك كوب شاي ثقيل او قهوه تركيه خليك من القهوه العربي وركزي معي:

اولا: على العجوز الي حاطه عينك على ولدها ثم نفذي مايلي:

1-خليكي مع امك ...ولا تروحين...ولا تجين مع البنات ...وتتهبلين ..اصبري عنهم كم شهر...لين تتم العملية بنجاح

2-امشى وانتي حاطه راسك بين كتوفك....ولا ترفعينه ابد...حتى لو عورك ...خلي الفكس دائما في متناول يدك

3-كلمة خااااله....خليها دائما على لسانك...خاصة لام المعرس..علشان تحس بنوع من التميزعن باقي العجايز.

ملاحظة:لا مانع تنادين عجوز ثانية بخالة.. علشان..اذا ما انجحت الخطةمع العجوز :نمبر ون..تو الاحتياط واجب.

4- اذا بدت امك تتكلم ..انغزيها بكوعك علشان تدخلك بالسالفه ...تطبيقا للمثل:كثر الدق يفك الحام...ادري المثل ماله داعي بس ما لقيت غيره

5- اخوانك الصغار لاحقيهم ...وطامري معهم وين ما يروحون حتى لوماهي عادتك ....بس تصرفي معهم كانك امهم...علشان العجيز ...تاخذ فكره انك حريصة على ذريتك

6-كل ما اكلت امك اكله زينه...خليها تقول:..نفس الاكله الي تسويها بنتي ...حتى لو الاكل ..من مطعم صيني..او مكسيكي

7-اذا جيتي بتمدين ايدك...توجعي..وخلي امك تقول:...ماله داعي تنظفين البيت وملاحقه الخارجيه(اقول: نظفي غرفتك اول الي تقولين ثايره فيها قنبله نوويه)

8-اذا تكلموا الحريم عن العرس.....اكتمي نفسك....لين تحمر خدودك... علشان يقولون العجايز : البنت تستحي ومالنا حق نتكلم عندها...( بس لا تكتمي مفسك مره اخاف تروحين فيها واصير جنيت عليك)

9-مهما كام موضوع الحوار حماسي لا تبدين رايك خليك مثل :..البكما..لان اللقافه ..تجيب اجل الخطة

10-شعرك افرديه ...لا تخلينه طاير....ولا تجعدينه....مهما كانت الموضه...لان العجايز ما يدورون الا اللي شعورهم ناعمه

11-اذا ادلت العجوز..ام المعرس المتوهق.. باي راي سواء سياسي والا اجتماعي او اقتصادي ....وافقي عليه...حتى لو كان ماسخ وماله داعي

مثال: تقول العجيز: بوش متقهوي عندنا اليارح.........قولي لها:يا خاله ..نجي نساعدكم

12-في العرس...اضغطي على نفسك ..واقضبي ارضك...ولا ترقصين........واعتبري الرقص عيب وشق جيب

13-اذا جاء طاري السوق...وهو لازم يجي طاريه...لانه ملح الجلسه عند الحريم...خلي امك تقول:...بناتي ما يحبون يطلعون السوق ابوهم يجيب اغراضهم

الحين تكون العجوز وقعت في الفخ



ثانيا: نروح للمعرس الحين

1- اهجدي في بيت هلك ولا عاد تطلعين واذا جا المعرس...يبي يشوفك خلي ابوك يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه




ما تقول: غشيتوني( ايه هين يا الشايب ودك تحط مكانها باسكال مشعلاني مدري شسمها)




2- قبل يجي اليوم الي يبي يشوفك..بحوالي اسبوع او اكثر ( حسب شين الوجه) طامري من صالون لصالون ..صبغ ..فرد..تنظيف بشرة..الخ



3- اذا جاء المعرس خلي اخوكي يوقف جنبه علشان ما يطيل التبحلق . ..ويبان المستخبي ...وذلك تطبيقا للمقوله المشهورة(...اللمحة...ذبحة...)



4- في نهاية المشهد..خلي ابوك يقول:..معليش وانا عمك....ترى البنت شويه محيوسه..( ماعليه يالشايب تنصب على المسكين )



وبها الحظه الولد الافدغ..بينط على راس عمه ويبوسه ...لين يشفط مخه ..ويقول ..متى العرس يا عم



( تحذ يــــــــــــــــــــــــــــــــــــــــــــــ ــر مهـــــــــــــــــــــــــــــــــم)

ابتعدي عن امهات العيال المتعلمات ....راعيات الشنطه نفس لون الجزمة

هذولا يبي لهم خطط بعيدة المدى

حـُـلم ,سلطان الزين معجبون بهذا

المصدر: منتديات أحاسيس الليل - من قسم: •₪• يحكى أن •₪• م

---

lvhpf dhfk,khj

جميلة ورااائعه لك الورد

ابدعت في انتقاء موضوعك
سلمت اناملك ع الطرح الراقي
راق لي ما راق لك
ربي يعطيك الف عافيه
في انتظار كل جديدبكل شوق
تحيتي ...

انتقاء جميل
يعطيك العافية
تحياتي ..

كل الشكر على اختيارك المميز
تحيتي

قصة جميلة
يعطيك العافيه عل طرحك.

أنتقآآء رووعه
لآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق

سلمت يمناك
الله يعطيك الف عافيه