منتديات أحاسيس الليل - مراحب يابنونات

مرحبااااا يا بنوتات

كيف تصطادين المعرس دون اللجوء الى الاساليب السقيمة الي مالها سنع والترزز بالاسواااق ......الخ

اليك ...فتاتي العزيزة...الخلطة السرية والسحرية :

اول شي خذي لك كوب شاي ثقيل او قهوه تركيه خليك من القهوه العربي وركزي معي:

اولا: على العجوز الي حاطه عينك على ولدها ثم نفذي مايلي:

1-خليكي مع امك ...ولا تروحين...ولا تجين مع البنات ...وتتهبلين ..اصبري عنهم كم شهر...لين تتم العملية بنجاح

2-امشى وانتي حاطه راسك بين كتوفك....ولا ترفعينه ابد...حتى لو عورك ...خلي الفكس دائما في متناول يدك

3-كلمة خااااله....خليها دائما على لسانك...خاصة لام المعرس..علشان تحس بنوع من التميزعن باقي العجايز.

ملاحظة:لا مانع تنادين عجوز ثانية بخالة.. علشان..اذا ما انجحت الخطةمع العجوز :نمبر ون..تو الاحتياط واجب.

4- اذا بدت امك تتكلم ..انغزيها بكوعك علشان تدخلك بالسالفه ...تطبيقا للمثل:كثر الدق يفك الحام...ادري المثل ماله داعي بس ما لقيت غيره

5- اخوانك الصغار لاحقيهم ...وطامري معهم وين ما يروحون حتى لوماهي عادتك ....بس تصرفي معهم كانك امهم...علشان العجيز ...تاخذ فكره انك حريصة على ذريتك

6-كل ما اكلت امك اكله زينه...خليها تقول:..نفس الاكله الي تسويها بنتي ...حتى لو الاكل ..من مطعم صيني..او مكسيكي

7-اذا جيتي بتمدين ايدك...توجعي..وخلي امك تقول:...ماله داعي تنظفين البيت وملاحقه الخارجيه(اقول: نظفي غرفتك اول الي تقولين ثايره فيها قنبله نوويه)

8-اذا تكلموا الحريم عن العرس.....اكتمي نفسك....لين تحمر خدودك... علشان يقولون العجايز : البنت تستحي ومالنا حق نتكلم عندها...( بس لا تكتمي مفسك مره اخاف تروحين فيها واصير جنيت عليك)

9-مهما كام موضوع الحوار حماسي لا تبدين رايك خليك مثل :..البكما..لان اللقافه ..تجيب اجل الخطة

10-شعرك افرديه ...لا تخلينه طاير....ولا تجعدينه....مهما كانت الموضه...لان العجايز ما يدورون الا اللي شعورهم ناعمه

11-اذا ادلت العجوز..ام المعرس المتوهق.. باي راي سواء سياسي والا اجتماعي او اقتصادي ....وافقي عليه...حتى لو كان ماسخ وماله داعي

مثال: تقول العجيز: بوش متقهوي عندنا اليارح.........قولي لها:يا خاله ..نجي نساعدكم

12-في العرس...اضغطي على نفسك ..واقضبي ارضك...ولا ترقصين........واعتبري الرقص عيب وشق جيب

13-اذا جاء طاري السوق...وهو لازم يجي طاريه...لانه ملح الجلسه عند الحريم...خلي امك تقول:...بناتي ما يحبون يطلعون السوق ابوهم يجيب اغراضهم

الحين تكون العجوز وقعت في الفخ

ثانيا: نروح للمعرس الحين

1- اهجدي في بيت هلك ولا عاد تطلعين واذا جا المعرس...يبي يشوفك خلي ابوك يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه

ما تقول: غشيتوني( ايه هين يا الشايب ودك تحط مكانها باسكال مشعلاني مدري شسمها)

2- قبل يجي اليوم الي يبي يشوفك..بحوالي اسبوع او اكثر ( حسب شين الوجه) طامري من صالون لصالون ..صبغ ..فرد..تنظيف بشرة..الخ

3- اذا جاء المعرس خلي اخوكي يوقف جنبه علشان ما يطيل التبحلق . ..ويبان المستخبي ...وذلك تطبيقا للمقوله المشهورة(...اللمحة...ذبحة...)

4- في نهاية المشهد..خلي ابوك يقول:..معليش وانا عمك....ترى البنت شويه محيوسه..( ماعليه يالشايب تنصب على المسكين )

وبها الحظه الولد الافدغ..بينط على راس عمه ويبوسه ...لين يشفط مخه ..ويقول ..متى العرس يا عم

( تحذ يــــــــــــــــــــــــــــــــــــــــــــــ ــر مهـــــــــــــــــــــــــــــــــم)

ابتعدي عن امهات العيال المتعلمات ....راعيات الشنطه نفس لون الجزمة

هذولا يبي لهم خطط بعيدة المدى