ياصاحبي خل العلاقة بيننا حسب الاصول !!

ياصاحبي خل العلاقة بيننا حسب الاصول !!

ياصاحبي خل العلاقة بيننا حسب الاصول
علاقة الاجواد واصحاب الوجيه المنورة

علاقةٍ تبقى على مرَ اليالي ماتزول
تزيد زود الطيب من فوق الجمر فالمبخرة

خلك معي مانسمتع ياصاحبي في كل قول
بالذات من ناسٍ تحب التفرقة والشوشرة

العالم اللي مالها مع حضرة الطيب قبول
ماعاد يفرق هرج واحدهم عن آهروج المره

مدري يشيلون الحمول إليا اوكلوهم بالحمول ؟!!
اللي امتوكد منه : ياطيب العرب فالثرثرة

لو كان ما كل الحكي راعيه لاقاله يطول
مثل الحياض اللي تخرخر : فرَغتها الخرخرة

تعال ابشرح لك ظروفي بعد ماحان الحلول
نويت اعبر عن شعوري يازميلي وانشره

انا انهبت عقلي هنوفٍ عند لحظات الوصول
فدبي وانا واقفٍ فالصف وسط الجمهرة

تبسمتلي بالغنج ثم لفت الوجه الخجول
بلثامةٍ فتنة تزيّنها العيون المبهرة !!

تمشي مثل مشي القطا // وانا وقفت امن الذهول
تقول واقف فوق روضة تحت مزنة ممطرة

ثم اوقفت وقفة آناقة .. واهرجت هرج امعسول
امصارحة بالعشق واعيون المحب امعبرَه

ثم اطلبت تبغا تشوف التذكرة وشبي عجول ؟!!
والعشر عندي عودت ثمان ماهي بعشره !!

عطيتها لو كنت اداري سيرتي عرضٍ وطول
ولافقت غير ابعطرها مسكوب فوق التذكرة

من يومها سهم الغلا ماله وسط قلبي نزول
عدّا على الرقم القياسي فالجنون وكسّره

هي سلوة المشتاق مدري ويش اوصف ويش اقول
كل الحلا والزين في عيني نصيب : الجوهرة !!

خوفي ظروف الدايرة من بيننا يومٍ تحول
لا طاحت اوراق الوصال // وطار فالجو اغبره

صحيح مومن واتبع السنَة وماجا اعن الرسول
من شان هذا : باسئل الرحمن ربي واذكره

يستر عليها امن الحسد واضعاف الانفس والعقول
اللي يحسبون الغصون اليابسة كالمثمرة !!

مدري من اجروح الهوا // ولا من اهروج الخبول ؟!!
قمت اتغاضى عن بعض .. والبعض ارده وادحره

ولاشك ما للناقصة في ديرة الحكمة ذلول
والذنب ما هو شرط عذر الجاهلين ايكفَره

حـُـلم ,عاشق الغيم ,عطر المساء و 1 آخرون معجبون بهذا

لمس الروح

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

dhwhpfd og hgughrm fdkkh psf hghw,g !!

اختيار رائع
ربي يسلم يمناااك

سلطان الزين معجب بهذا

كل الشكر لمرورك

خوفي ظروف الدايرة من بيننا يومٍ تحول
لا طاحت اوراق الوصال // وطار فالجو اغبره

صحيح مومن واتبع السنَة وماجا اعن الرسول
من شان هذا : باسئل الرحمن ربي واذكره



^^


شكرا لك

سلطان الزين معجب بهذا

كل الشكر لمرورك

انتقاء جميل
يعطيك العافيه على جمال طرحك
تحياتي لك

سلطان الزين معجب بهذا

كل الشكر لمرورك

موضوع رااائع بروعة حضورك
يعطيك العافية ولا عدمناك

اختيار انيق ومميز
وابيات غاية في الجمال
يسلم الذوق الراقي

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري