سجل دخولك ببيت شعر

[مسگ]

أساير الوقت أحسب الوقت مملوك
أثره علينا شيخ والصمت سيفه

[غَيْم..!]

؛

علّم فراغك ، لا يجي بوقت إنشغالي
‏ما جيت أكمّل في حياتك فراغات..

؛

[* السلطان *]

لاتخاطر من اجلي يانحيل القوام
أنتظر لاتعجل لين تصفي الامور

[احساس خالد]

ياعشيري كل جرح وله طبيب
واليالي بالسعاده ماتدوم

[مسگ]

لا غبت عني وانا مشتاق وش عذرك
-------يوم انت حالف بربك .. ما تخليني !!

نذر على رقبتي .. ونذرا مهو نذرك
--------انك ما حسيت في شوقي ولا فيني

[* السلطان *]

حان وقت السفر والعين عيت تنام
ول ياالصيف كم فرق محب وحبيب

[غَيْم..!]

؛

لاتجبر الناس بالدنيا على قربك
‏يبقى لعمرك ثمن مهما تساهلته

‏البعض تهتم له بـس ماهو يحبك
‏والبعض يبدأ يحبك لاتجاهلته ..!
؛

[غَيْم..!]

رافق أصيلٍ في زمانك يصافيك
‏لا شاف زلاتك عن الناس غطاك

‏ترا الصديق اللي يحبك ويغليك
‏تلقاه عونك على الشدّه ويمناك ..

[AL-PRINCE]

العمر لحظات وأحلى العمر مع من له الخاطر شفوق
والكلمات حروف وأحلى الحروف اللي ينبض بالخفوق

بوح رونق

[* السلطان *]

عقب ماكنتي أمل صرتي سراب
كل ماقرب منك فجأه تبعدين

[عزف منفرد]

..


يدك التي حطت على كتفي
كحمامة . . نزلت لكي تشرب
عندي تســاوي ألف مملكة
يا ليتهـــــــا تبقى ولا تذهب
تلك السبيكة . .كيف أرفضها

...من يرفض السكنى على كوكب
لهث الخيال على ملاستها

وأنهار عند سوارها المذهب
الشمس نائمة على كتفي
قبلتهــــا ألفــا ولم أتعب

[آناة]

كون اعله النحبهُم ينكتب
مَعشوگ چا كُلمن بقه لخِله

[* السلطان *]

عفت الحياة ومنوتـي ليتنـي ميـت
خلاص يكفي مامضى مـن غرابيـل
ماعاد اطيق العيش بالسوق والبيـت
لابالنهـار ادله..ولاارتـاح بالليـل

[آناة]

بقينه عالجبل رماية اسهام
ونزلت غيرنه تلم الغنايم

[آناة]

صوتك حنان الماي....
وأحنه إشگد عَطش بينة الفرح....
صوتكَ سمار الگاع.... وأحنه گلوبنة جفوف الفلّح....
صوتك خمر....
وأحنه سكارى أبلا خمر.....
صوتك شِعر وأحنه قصايدنه الصَبّر... !

[سحآب]

‏حـلاوة الشـوق مثل الشعر ما مله
‏وانت غلاك مثل شعر الغزل راقي
‏'
‏إن غبت يومين أو غبت العمر كله
‏يبقى الولاء للمحبه داخل أعماقي ..

[غَيْم..!]

أحيان أعسف الصعب وأعقده وأحلّه
‏وأحيان حتى الهبُوب يجرّح فؤادي ..

[غَيْم..!]

ترا ما أقسى من الجرح غير الجرح لا جاك
‏من شخص ضيعت عمرك تمسح جروحه..

[غَيْم..!]

جيتك وفي صدري من البعد ضيقه
‏واقفيت أخاوي ضيقتي مثل ماجيت

[غَيْم..!]

معـذور من غاب ،، والايام فيها سعه
‏كثـر المشاريه صاحبها قليل الوعـي
‏،
‏قد قالو الناس ،، من غاب عذره معه
‏وازيد في قولهم من غاب عذره معي ..

[* السلطان *]

بياع من يشتري حزني ومماويلي
ينطيني قلب خالي وياخذ سهر ليلي

[سرالهوى]

الناس فيها غالـي وفيها رخيص=مثل السّلع بالسوق افهم يابعدي
.
باختيارك أنتبـه .. ! خلك حريص=لازم تميّــز بيـن الاصـلي والردي

[غَيْم..!]

ناس وش عاد يرضيها ويقنعها
‏لو تقطع البحر "شرهانه ولـوّامه..

[* السلطان *]

خل الزعل والعتاب والوم
اشقيت حالي يوم تجفاني

[سرالهوى]

أصبر على الدنيا ونكبات الأيــــام=وأتبع طريق الحـــــــق جره بجرّة
.
عن واقعك لاياخذك طيش الأحلام=وأعرف ترى حاجتك للناس مـــرّة

[غَيْم..!]

من باع كل الناس من شان عينك
حطه بـ عينك ..واجعله نور دنياك ..!

[غَيْم..!]

‏سامح الله كل غالي ماحشم قيمة غلاه
‏ماحفظ بالود قدري ولاعرف حقي عليه..!

[* السلطان *]

رحتي سارت علي درب الضياع
مابغالي فوق ارض الله خليل

[غَيْم..!]

القلوب اللي نجيها ولا نلقى مكان
‏ لو تعرّينا الليالي .. ما عاد نمرّها ..

[عشق]

شفني على خبرك ابد ماتغيرت
كل المشاعر في غيابك يتيمه ٰ
مهما غيابك طال ومهما تأخرت
معزتك تبقى بصدري مقيمه.

[يقين]

ترى من حب مايقدر على النسيان
اقول انّي نسيت ، وما تهيّالي

من الضيقه احس اني بدون لسان
من يقول الكلام اللي على بالي ؟

معي زحمة مشاريه وعتب خلّان
عتب خلاّن من غالي الى غالي

مثل ما كان الابيض سيّد الالوان
ترى للحين قلبه .. سيّد آمالي

[غَيْم..!]

والف الناس عن الناس أعديها
‏ياكم هالناس جابوا لي وودوا لي

‏ والكذبه أدري إنها كذبه وأمشيها
‏ أحيان حتى ظلالي يكذب بطولي ..!

[غَيْم..!]

مدري نعاملكم على اللي تقولون
‏والا نعاملكم .. على اللي نشوفه !

[غَيْم..!]

ياخاطري لا تضيق الله موسعها
‏اضرب فجوج الوسيعة والله الواقي ..!

[غَيْم..!]

حاول تعيش الحياة بعيشة الراضي
‏لا ضاق " عنده يقين بتنفرج بكره ".

[* السلطان *]

مافيني قلبين حتي تسكن الثاني
لي قلب وحد ولااحدن ساكنه غيرك

[غَيْم..!]

انا الواعي اللي مابعد فات ذهني شي
‏لو ان التغاضي عن بعضهم يلاحظ بي

‏اعرف الوجيه اللي تمنى السعاده لي
‏مثل ما أبخص اللي مايداني يرحب بي
؛

[* السلطان *]

ان طلبت الغلا قلت الغلا جاك
وان شكنت الخفوق البيت بيتك

[غَيْم..!]

يالله عسى كل الليالي لنا خير
‏وفيها الحظوظ الطيبه تحترينا ..

[يقين]

ان ما جبرك الغلا ما اقدر على جبـرك
ياللي على ارض الوفا ما شبرك بشبري
تزعل وترجع وتلقانـي علـى خبـرك
وانا انكسر لك واجيـك ادوّر لجبـري
طيفك وذكراك طيلـة غيبتـك سبـرك
وشوقي لشوفتك طيلة غيبتـك سبـري
امحق وليف ومحبه...والا اقول..ابرك
حسبي عليك اعشقك وانت اتحفر قبري

[احساس خالد]

ضمني بحرفك اذا صدرك بعيد
‏ وانااكتفي بحروف احاسيسك دفا

‏ انت الغلا والشوق والحب الوحيد
‏ ولافيه احد غيرك به القلب اكتفى

[سرالهوى]

أرخص علاقات الحياة المجامل
و أقوى علآقات الحَياة التجـمل
الأولَـه من باب خبـث التعـامل
والثـانيَـة من بآب قـو التـحمـل

[عاشق الغيم]

ان شكيتي صرت انا و الموت دونك
لو فديت العمر لك ،‘تستاهلينه
هي حلاة الحب كله في جنونك
أو جنون الحب ... انتي تملكينه
يشهد الله اني ما احيا .. بــ دونك
ذا شعوري لك ليتك تفهمينه

[عاشق الغيم]

أشتقت لك واللي خلق حلو الإحساس
يامشغل قلبي و روحي وعيني
حبي لك أكبر من هوى الناس للناس
تبعد ..تقرب أنت موجود فيني
أنت الحبيب اللي على العين والرآس
قربك هوقلبي وأحـــــــلى سنيني

[يقين]

عيب المحبّه لو تسبب لنا جرح
نحب راعي الجرح ونحب جرحه

[عاشق الغيم]

كنت أفكــر فــ الهوى يومي صغــــير
كنت أقــــول إنشاالله باكبر وأحب
وقبل مـــــدة صرت أحــــس إني كبير
ومالقيت ألا أنت قلت أهديك قلب

[عاشق الغيم]

كل التعـــابير بـ جـــــمالــك لايـــــقه
تجمع اوصـــــاف الحســن وتصبها
مستغــــربه مستــــانسه متضـــايقه
عيـــونك بـ كل الظروف : آحبها

[هجران]

‏أغليــــه لو إنه بعيدٍ عن ، العين
دام المشاعر في غرامه رهيـنه

الحب عند الناس كلمه وحرفين
والحب عندي له معـاني ، ثمينه

[احساس خالد]

هنيكم ياللي تنامون بالليل
‏ اكيد ماتطري عليكم طواري

‏وانا من الايام شفت الغرابيل
عفت المنام وصار ليلي نهاري

[لهفة شوق]

جيت لهفة سؤال ورحت لوعة اجابه
واكتفيت بضياعي بين جمع الحروف

[احساس خالد]

الحروف تزين بالوان وشكل
والجواب الصمت يعني لرضا


بوح / احساس خالد

[لهفة شوق]

لا تقرب الخيل دامك تخاف الصهّيل
‏اللي ما يقدر فالأصَايل لا يجيّ حولها

[احساس خالد]

طبعنا دايم على العليا نحوم
وفي مهور الخيل نعرف امها

بوح / احساس خالد

[لهفة شوق]

من كثر ماجاني ومن كثر ماراح
ماعاد أميّز مبغضي، من خليلي.

[* السلطان *]

يالله تجعل صبح من يذكرك خيـر
وتختم بعفوك ليل مستغفر الليـل
عذري من ذنوبي على كبرها صغير
ورحمتك تعتق من رحمتة من الويل

[عاشق الغيم]

لو يجتمع في داخــــــل الصــــدر قلبين
ماغير نبضــــك في حشا الروح لايق
وان كان روحـــــك ضيعتها العناوين
تعال تلقى في ضميري الحقــــــــــايق
أغليــــــك انا من بــــــد ناس كثيرين
والقلب لك ديــــرة ان كنت ضايق

[يقين]

أحـب يوم اناديـك وتقـول عيونـي
جعل عيونك غير عيني ما تحب

[* السلطان *]

من يقول انساك في يوم وتهون
ومن يقول انساك ياعمري كذب

[يقين]

ودي اعيش ابداخلك واندفـن فيـك
وقطف زهور الياس ومحـي اثرهـا

ودي اكـون الظـل......اللـي يماشيـك
واصون قلبك من الدروب وخطرهـا

ودي اكون النبض... منـك واحاكيـك
واقـول اشواقـي... معـك ياكثرهـا

تغيب عن عيني.. وفكـري يخاويـك
والدمـع بعيونـي..... قلـل نظـرهـا

[* السلطان *]

خوذي لك الجنه وخليلي النار
لاصار هذا كل ما تشتهينه

[مسگ]

تبقى رفيقي مثل ماكنت أناديك
وتبقى حروف اسمك بقلبي معاني
إن جيتني باقول يامرحبا فيك
وبحرسك بعيوني وداخل كياني
وإن رحت عني بادعي الرب يحميك
ويحفظ رفيقي لوغبت عنه ونساني

[يقين]

غيرك من الناس غالي و محشوم
بس أنا ما اجامل / بـ حب و غلا

انت عندي بـ كوم والعالم بـ كوم
انت لك لـبّيه .. و ( البااقي هلا )

[احساس خالد]

خذيت فـ الماضي بـ الافكار جولھ
‏ورجعت للحاضر " وعندي قناعات

‏اجمل " سنين العمر " سن الطفولھ
‏واجمل سنين الحب وقت البدايات

[سرالهوى]

احتـرام المحتـرم فـى عـيـون الـنـاس واجــب=محترم والمحترم يفـرض على الناس احترامـه

والمثـل معـروف عمر العيـن ماتعـلا لحـاجـب=والعرب تعرف رجال العــــرف ورجال الزعامه

يعجـب اهـل الطيـب و النخـوه ولشعار عـاجـب=كـل قافا"فـى سـلــوم الطـيـب للطـيـب عـلامـه

[عشق]

لاصار طبعي ياأبيض الوجه دمّاح
لاتحسـبني "ميت القلب" والـروح
بعض الخطايا موجعه كـنها رمـاح
وبعض الخطايا تأخذ شوي وتروح

[غَيْم..!]

يـالله جـمّلـنا مـعـا كـل طيّب
‏واجعل لنا منزال في كل قمّه

‏مافيه غيرك لا دعـينا قريّب
‏ومافيه غيرك نلفت الشوف يمّه

[يقين]

يعني جميع الغلا اللي جاه ماسده

ولا كفـاه ان حبـه شــرب شريـانـي


جعل الحزن والسهر والضيقه تحده

يطلـع ارقـام ربعـي واصغـر اخـوانـي


ثم يتصل بي واشوف الرقم واسـده

اقـول يامـوت ذق مـاذقـت بلسـانـي


وانا تراني من الشحنـه علـى حـده

لكّـن خلـه يتسـلـى يــوم يجفـانـي

[مستثناه]

جعل الليالي من حلا الحظ تعطيك..

تامر وتنهى وتخضع الناس لرضاك..

وجعل السعاده في حياتك تباريك..

والبخت يضحك لك في كل ممشاك..

[لهفة شوق]

الوقت قاسي والليالي حزينه
والقلب يشتكي من فراق المحبين

والحب دوله والمشاعر مدينه
وللشوق جمره والجفا طعن سكين

[سرالهوى]

حط الكـلام اللـي يهمـك بصنـدوق = اقفـل عليـه وباقـي الهـرج لابــاس
سرك إليا ابديتـه علـى اعـز مخلـوق = بكره يسولف به عليـك امحـق النـاس

[يقين]

ان كنت تقراني.. فنا احفظك صم
واحفظ تفاصيلك.....من الف للياء
وان كنت ماتدري...... بحبي وتعلم
تموت في صمت المحبين الاحياء

[عاشق الغيم]

على ضفاف الصمت لاتقتل البوح
خلّـه يسولـف عـن غـلاك بصراحـة
صوتك نغم ينساب دافيء ومبحوح
يسـعـد مـسـاه ويسـعـد الله صـبـاحـه

[الحر]

محبة الناس راس المال واكبر رصيد
‏السمعة الطيّبه ما خاب كسابها

[الحر]

تطيب لحظاتي معك وانت تدري
‏اني معك .. حتى لو اني مع الناس

[غَيْم..!]

الارض تفنـى .. والملذات بـ تزول
‏والعمر فرصة ماتعوض .. ثمينه

‏احرص على الجنه مدام الله يقول
‏{ إِنَّـا جَعَلْنَا مَـا عَـلَى الْأَرْضِ زِينَةً }

[غَيْم..!]

تربينا على العز و كِلن على مرباه
‏عشقنا المبادي "مـا عشقنا مصالحنا ..

[يقين]

الطيب غاية طيّب الساس والراس
ولا يذخر من الطيب مثقال ذره
واللي ما يقدر يفعل الطيب للناس
على الأقـل يكافي الناس شره .

[احساس خالد]

الطيب قصر ما يشوبه عذاريب
‏والتربيه هي سور قصرك وساسه ..

‏ومن لا تربى في شبابه على طيب
‏ما هو بـ متربي ليا شاب راسه ..

[احساس خالد]

الطيب قصر ما يشوبه عذاريب
‏والتربيه هي سور قصرك وساسه ..

‏ومن لا تربى في شبابه على طيب
‏ما هو بـ متربي ليا شاب راسه ..

[رااامز]

الوقت قاسي والليالي حزينه
والقلب يشتكي من فراق المحبين

والحب دوله والمشاعر مدينه
وللشوق جمره والجفا طعن سكين



والقلب يشكي من فراق المحبين
(يشتكي) تكسر البيت

[رااامز]

نسيتك ماتذكرتك نسيتك وانا افكر فيك
ولامني تناسيتك لقيتك كل تفكيري
راا

[غَيْم..!]

صرنا نجامل بالخطا كل غلطان
‏لين اكثر الغلطات صارت مباحه ..!

[غَيْم..!]

ماندري متى الايام تقفي بنا ونروح
‏عسى ذكرنا بالطّيب يبقى ليا رحنا ..!

[* السلطان *]

باين عليك اليوم زعلان مني
حبيب قلبي قلي وش فيك زعلان
لايكون اجد جاك او حكى شي عني
غلطان لو صدقت والله غلطان

[لحن]

على العموم الشوق ماله مواعيد
‏اذا شعرت بشوق دربي تـدله

[غَيْم..!]

والله إني فوق هقوة كل غالي
‏لو قريب الظن بـ ظنونه ظلمني

‏و العمر مرّة و لو عشته لحالي
‏ما أحترمت انسان ماهو محترمني ..!

[الحر]

جيتني في زحام العمر صدفة
‏واختلف عمري من لقيتك.

[غَيْم..!]

ما خاب منهو يحسن الظن بالله
‏وما ضاق صدرٍ يذكر الله دايم ..!

[الحر]

ابيك حولي كل ما خاطري ضاق
‏مابيك مع جور المقادير ضدّي

[هجران]

أول ايام المحبه مثل لطف الملوك
‏واخر ايام المحبّين مثل سيوفها

[يقين]

عطني اثبآت اني على البال مازلت
وآعطيك مـن روح . . الـوفآ ما تهيّا

لو مآلت ظنونك فـ انا عنك مامِلت
عندي على صـدق المشااعـر حميّا

[سلطان الزين]

يـا مســـاء الخيـر ياكــل الاحبه
يامساء الطيب و الـــورد وعبيــره

المشاعــــر كلـهـا . ورد ومحبـــه
وأنتم إحساس الغلا من كل ديـره .

[أصاايل]

يــــا ألــــم اكـــتــب مـــواجـــعـنـــا
ويـــــا وهــــم احـــكي مـــشـاعــــرنـــــا
نبــــني أبـيــــات الــــقــــصيــــد
نــــرســــــم الشـــوقـــ البــــعــــــيد
بـــس للأســـف مـــحـــد عــــرف
إنــــ الـــــوهــــــم يـــبقـــى وهــــــــم

[سلطان الزين]

مسامير السهر تركز بعيني .. وأبلع الأحزآن ..!
واجي بـ طعون .. يا والله عليها .. من التعب قيمه ..!

[رااامز]

لقيتها صدفه على غير ميعاد
وتعانقت ارواحنا لين ذبناااا
راا✍️

[flowers]

لو ممتلي صدري مشاريه و عتاب
قافله على أبواب الزعل و التراضي

و الخاطر المجروح يلقى له أطباب
لازم يداري خاطره .....بالتغاضي

[وهــــــــــــــm]

بَح صوٍت ، وٍجف رٍيق ، وٍضآق خآطرٍ
.......... بَ إختصآرٍ : آلحآل عن حآله تبدّل

آيه آخآف من آلمخآطرٍ / ليه آخآطرٍ ؟
.......... دآإم حآليَ لو ٍعدلتـَه مآإ تعـّدل !!!

[غَيْم..!]

بعض النساء تسوى ثمانين رجال
‏وتسواگ ياراعي الردا والنميمه
‏تاقف مواقيف الزحازيح الابطال
‏وفي صدرها تلقى معزة وشيمه

[سلطان الزين]

عايش رتابة شكل والداخل كسور
ضجيج مزعج ساكن شخص هادي !

[سلطان الزين]

تدري بأن الشوق مافيه حيلة
يرسم تفاصيلك وأنا بزحمة الناس

[عطر المساء]

بعض البشر تغليه لو ما تشوفه
يجذبك له شيٍ غريبٍ بالأحساس

[سلطان الزين]

"ارى جمالكِ فوق كلّ جميلةٍ،
وجمال وجهكِ يخطفُ الابصارَ"

[عطر المساء]

قالوا تشوفه قلت اشوفه في حلوم النايمين ..
اصحى على شوفه وانا خدران واصحى واخدر ..

[سلطان الزين]

الكتآبة تفضح إحسآس السكوت
السكوت : شعـور غربة وإغتراب

[الحر]

تدمى وجيهن ماتهاب المواجه
‏وتسلم وجيهن همها كيف تسلم

[وهــــــــــــــm]

يمر البال ناس يشبهونك
كثر ما مر غيرك ما ذكرته

[الحر]

ليِت الأماني كل ماجّت على البال
‏يضحك لها الحظ الجميل وتحقق .

[عاشق الغيم]

نم يا قمر دنياي تصبح على خير
خل النهار يحس بإنه بقى حي
كل يوم أحبك غير والبارحة غير
بديت أحس ان الخلايق ولا شيء

[غَيْم..!]

الزعل عندي مرادف لـ المحبه
‏مستحيل أزعل على إنسان عادي ..

[مستثناه]

السكوت أحيان من باب العفو
والـعـفـو ما يـملكه غيـر الحليم

والنعم ما يكسبه غيـر الـكـفـو
والعطا ما يبـذله غيـر الـكريـم؟!

[غَيْم..!]

رافق أصيلٍ في زمانك يصافيك
‏لا شاف زلاتك عن الناس غطاك

‏ترى الصديق اللي يحبك ويغليك
‏تلقاه هو عونك على الشدة ويمناك ...

[مستثناه]

العمرمره والقلوب البيض ما تبغي دليل،
و الناس لاطابت نواياهاتطيب حظوظها

[غَيْم..!]

من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير ..!

[مستثناه]

حاولت اعديها مع الصدر الوسيع
و ارسم على وجه الزعل وجه الرضا
.
لكن بعض الأحيان قلبي ما يطيع
بعض الخطأ يضيق به وسع الفضا

[احساس خالد]

تحسب إني سالي مثلك وأنا
في هواك الله حسيبك مبتلى
ما يسليني مكان ولا زمان
لا ولا غيرك حبيباً لا ولا

[مستثناه]

البعد وظروف الزمن هدت الحيل
وغير الصبر مافيه للشخص حييله

اللي بقى شعر و قصيد وسهر ليل
بعض الاماني يا عـرب مستحيله

[احساس خالد]

آه لو تعرف معاناة الليال
والعنا والشوق في قلبٍ يبيك

ما تركته يحلم بلحظة وصال =
كنت جيته قبل ما يفكر يجيك

[مستثناه]

خـسـرظ؛ فـي دنياي ظ±شياء كثيرھ
والـلـي صفولي بـيـن بايع وجاحد

كسبت (واحد )يسوا مليون ديره
وخسرت ديره فيها مليون (واحد)

[احساس خالد]

ما جت لي الدنيا علـى كيفـي وفـى
الحظ عاثر والشقى صـار الحصيـل

[مستثناه]

ياليل سولف لي بعيدٍ عن الناس
وانـــا بـسـولـف لــــك خـفـايــا سْــــدودي

بـ اشكي لك هْمومي من الرااس للـراس
أمــــــا يــــــزوول الـــهــــم والا يـــــــزودي

[احساس خالد]

كل ما نويت أكتب حكايات عمري
تثقل بي أوجاعي وأخاف الكتابة
أدري بأن العمر يمضي بهذري
لكن وش سواتي ذبحني صوابه

[احساس خالد]

كل ما نويت أكتب حكايات عمري
تثقل بي أوجاعي وأخاف الكتابة
أدري بأن العمر يمضي بهذري
لكن وش سواتي ذبحني صوابه

[أصاايل]

لبيـه يا ذوُق الغـلا وين م كنت
لبيـه ياللـي تحَسبنـيّ نسَيتـكْ
لبيه مخصوصة تنادي عليك انت
لو كان ما تسَمعْ وربي فديتك

[غَيْم..!]

نشوم بنفوسنا ونعز صاحبنا
‏نذكر مزاياه مانذكر عذاريبه

‏واللي بهرجه لا غبنا يعذربنا
‏ماغرنا يوم نقبل كثر ترحيبه

‏اللي مايرضى علينا الهرج لا غينا
‏حنا مانرضى عليه الهرج للغيبه ..!

[غَيْم..!]

الصمت عن بعض البشر يعتبر جود
‏" ما كل هرجٍ يستحق ،، الأجابه ..!

[غَيْم..!]

لا شفت برق الحسد بعيون حسادي
‏تقوى عزومي وعين الحاسد اعميها ..!

[عاشق الغيم]

يقـول وش زودي على الناس عندك
واقول: كلـك يا هوى خاطري زود
نصيب قلبي: قادني لين حــــدك
مآكَن غــــــيرك بالمخالييق موجــــود

[الحر]

وخذاني خيّاله بين قمرا و شِبة ضوء
‏و سِرى بي مثل مسرى الهبّوب الشماليه

[الحر]

جعل ما حنا على الشامتين بشامتين
‏و جعلنا واللي نحبّه . . من النار اعتقا

[الحر]

الطيب طيب الذكر والعز عز النفوس
‏والجود جود الرجال وفعل ماجوبها .

[احساس خالد]

العيون اللي تراقب من بعيد
‏ياعساها ماتشوف الا الهنا

‏استريحي يالغلا مامن جديد
‏" العهد باقي وأنا مازلت أنا "

[مستثناه]

الليل ( سكه ) مـن حنــين وتنـاهيد،
وأشـواق تعــزف نايهـآ بـ المحاني،
وشريط ذكـرى لـ اللقــى والمواعيـد،
واحساس شعر وضحكتين وأماني

[احساس خالد]

اجمل ثلاثه شـفتهم في حياتي
الورد والبسمه وطيش المحبين
واسوأ ثـلاثه ياعساها ما تاتي
الضيق والدمعه وتفريق شخصين

[مستثناه]

ودي أرحـــل وامتطـــي بعـــد المسافــــــــة
واصـــل المقصـــود لـــو خـــان الزمـــــان

واعشـــق التجديـــف لـــو جانـــي كلافـــــه
واجعـــل مــن الخـــوف فــي ليلــي أمــــان

واسقـــي العطشـان فــي صحـــرا جفافـــــه
واتعنــــا لـــــه ولـــو باقصــــى مكــــــــان

[سلطان الزين]

كيف أنشغل عنك؟ أنا منشغل فيك
ليت الشعور اللي بقلبي وصلك

[عطر المساء]

على البال كل التفاصيل على البال

[سلطان الزين]

ورأيت حُلمًا أني التقيتكِ
فيا ليت أحلامُ المنامِ يقين

[الحر]

خلق ربي جمالك ياعفيف العرض
‏عشان اللي يشوفه يتعض .. منّه !

‏اذا هذا شكل واحدٍ من اهل الأرض
‏اجل وشلون شكل الحور فالجنّه ؟

[الحر]

طيفك اشوفه في زواياي لامع
‏مدري معاه انساك ولا مع الوقت

‏غيري على اسمه تسيل المدامع
‏وانا اعاتبك فـ قصيده .. وصفقت :)

[عاشق الغيم]

مدامني ويّاك راح أشعـــــر بخيــــــر
لا تنشد : شلوني ويدّك فــ يدّي ؟
لوني : فرح .. ورد وغناوي عصافير
يعني : محد بالكون الحيـن : قـــــدّي
يازينها الدنيــــــا وأنا وأنــت لا غـــير
وضحك السحاب اللـي علينـا يعـدّي

[الحر]

احرص على كاسب العليا ونازلها
‏اللي معه يرفعك لا طاب بـ افعاله

[سلطان الزين]

والله انك في عيوني مثل ما انت
في جيتك في غيبتك تبقى حبيب

[الحر]

بعض الرضا مايغيّر نظرة الناس
‏حتى لو اعطيه وحده من عيوني

[لهفة شوق]

لك في عيوني يانظرها مكانه
ماطالها قبلك ولا بعدك إنسان

أنت الغلا كله ونبضه وشانه
تفداك عيني يابعد كل الاعيان

[* السلطان *]

تكفيني الذكري دور بدنياك
دور علي غيري ولاتلتفت لي

[احساس عاشق]

‏الجو غيم وخابرك تعشق الغيم
دايم تقول أن المطر لمة أحباب

[احساس عاشق]

‏لانامت الناس قمنآ بالهوى نسريّ ،
ناسٍ تبوح المواجع غˆناسٍ تخفيها..!

[سلطان الزين]

اجمع علومك من هِناك وهناك
والله لو إنها تنشرى لـ أشتريها

[لهفة شوق]

ياما حسدت ربوعك اللي حـــواليك
بالشوف يوم الله بقربك عطاها

[وهــــــــــــــm]

قل للشتاء لا رجع لك يرحم احساسك
و ان كان ذنبي غيابي ياحلو ذنبي
مريت بك وانت لاهي في هوى ناسك
ماقلت حتى من اللي مر من جنبي

[غَيْم..!]

تعبنا من الايام ، والعالم الفاضين ..
‏نجامل واثر ساس البلا ، يوم جاملنا ..!

[غَيْم..!]

و مـا نـدوّر بالجمايـل على ردّ الجميـل
‏نعتبرها لا جحدها الردي ( دفعة بلا ) !

[مسگ]

‏يمر الزمان وكل حاجه تجي وتروح
‏و يا نعمة النسيان مكبر مكاسبها ٰ
‏تعالج صويب البعد وتعالج المجروح
‏و تختار لـ قلوب العرب ما يناسبها

[أصاايل]

غلاك في قلبي مثل مآنت خابر
كل آربع و عشرين ساعه يحدث

آخفي غلاك بوسط قلبي و آكابر
ولسآن حالي عن غلاك يتحدث

[الحر]

ليت العُمر طوله على قد الأفعال
‏حتى الردي يفنى ويبقى هل الطيب

[الحر]

الطيّب نعاونه لا خانه حصانه
‏الوقفة الي مع الطيب تشرفنا

[غَيْم..!]

مافيني الا الخير ، أضحك و أسولف
‏ ومن خاب ظني فيه سديت بآبه ..!

[* السلطان *]

لمن ترقع الشكوي لمن تشكي النوي
لمن تبدي الاسرار بين المخاليق

[غَيْم..!]

خلك جبل في وجه الأيام عاتيّ
‏وأحذر تكون إنسان والعالم سيوف ..!

[سلطان الزين]

الله ي مگثر "الأسرآر " في صدري
مع التفآصيل يسري ليلي السآري

[غَيْم..!]

احذر تغش الناس لو كان غشوك
‏غادر بصمت وخل خاطرك صافي

‏والدرب خله سمح لا تزرعه شوك
‏يمكن يجيك يوم .. وتمر حافي

[أصاايل]

أنا اصدق من أحساسي على حبك
و أقرب كثر م : قربك يبعدني

تكذبني ؟ تظن يهمني ( كذبك ) !
( أحبك ) حتى لو أنك .. تكذبني

[غَيْم..!]

في راسي الثابت شموخ المماليك
‏بدري على الدنيا تزعزع ثباتي ..!

[غَيْم..!]

لولا الجمر ما بينت ريحة العود
‏ولولا المواقف ما تبين المعادن..
ان اشهد ..

[غَيْم..!]

الناس ماتملك مفاتيح الارزاق
‏قسمك يجيك وماقسم لي يجيني ..!

[غَيْم..!]

ترا الوجيه اللي تربت ع العيب !
‏حتى مشاريهك عليها خساره ..!

[سلطان الزين]

خلك أول قلب يعرفني صحيح
وخلك آخر ظن يفهمني خطأ

[الحر]

اكثر ما يرهق الساكت سوالف عقله
‏يشكي لنفسه من جروحه وهو ساكت .

[مستثناه]

عليك باللي حزة الضيق .. يفداك
لاشانت الدنيا ... ودارت رحاها

لامن زهمته لو على الموت .. لبّاك
عيني لاجل عينك وروحي فداها !

[الحر]

كل ماذكرت انك هديّة زماني
‏تطيح من عيني جميع الهدايا .

[مستثناه]

امس ضقت ورحت اقلب ذكرياتي وانتهيت
عند صورة طفل صوته مثل صوتي لا انجرحت


وش مثل لا والله الا هذا انا يوم ابتديت
انطق حروف تلعثم في لساني لاانمدحت


هذا انا يوم الحياة بنظرتي عشرين بيت
ومسجدين ومدرسه من طين كم فيها اصطبحت


هذا انا واصبحت اتمتم هذا انا حتى بغيت
اختنق بس القدر عيا على موتي وطحت

[الحر]

غلطان من قال البشر ما بهم فرق
‏أحدٍ دوا للقلب .. وأحدٍ يعلّه !

[مستثناه]

العز للنفس واجب والحياء سنـة
وانا يديني من الثنتيـن مليانـه




ابدي شعور السعادة واخفي الونة
حتى ولـو الدهر بي مال ميزانـه

[الحر]

سلم على اللي يفعل الطيب بسكات
‏ما هو بـ يّم الفخفخه والمظاهر

‏اما الوجيه اللي تحب الفلاشات
‏الله لا يحرمها من فلاش ساهر .

[مستثناه]

مدري رجا مدري وفا مدري احساس
انظرك وادري قلت لي منت راجع



يامن سوت عينه مخاليق واجناس
داخل على الله لا تزيد المواجع

[مستثناه]

لا تلتفت حولك مادام السما فوق
لو هو لك اللي راح ما راح منك
خل المحبه لك وانا لي الشوق
و بكل يوم اشتاق عني و عنك

[الحر]

ولو حن لك قلبه ورفّت عليك العين
‏يده سكرت عينه ورجله وطت قلبه

[الحر]

وسام المعزّه ما يناله قصير اشبار
‏" يناله رفيعٍ … هامته ما ينزلها " .

[غَيْم..!]

تعايش مع العالم وطنش كثير علوم
‏” وبابٍ تحس إنّه وراه الغثا سده ..!

[سلطان الزين]

ماني ب خايف من صواديف الايام
خايف تجيك ايام ، ماني ( حبيبك )

[الحر]

امسح خطاياك وانت تعد غلطاتي
‏واكحل عيون المحبه وانت تعميها

[الحر]

تضيع المحبه بين الاحباب بالهجران
‏مثل .. مايضيع أجر المعاريف بالمنّه

[الحر]

من لا حشم روحك وقلبك وذاتك
‏على مدارى خاطره منت محتد .

[عاشق الغيم]

دونكـ الدنيا قل لي وش تكون
وش حلاها غير شوفتكـ بـ سلام
يشهد الله مسكنكـ وسط العيون
و انكـ أول من صحى فيها و نام

[أصاايل]

كل الخطاوي على دربك (توديني)
حتى النواظر تودك وانت (غاليها )
لوقلت اعزك قليله (ماتكفيني )
(كلمة احبك : ) اكبر من الدنيا ومافيها

[احساس خالد]

من يشتري قلبٍ همومه ملايين
‏ويبيعني قلبٍ من الهمّ خالي

‏عجَزت أعدّل مايلات الموازين
‏أليّا اعتدل ميزان ميزان مالي..

[مستثناه]

للصمت بوح وللمواجع مراسيل
‏وانا على صمت الرساله تعودت
‏.
‏اكتب من احساس العنى والمواويل
‏على صحاف الشعر من خاطري جبت

[* السلطان *]

ناس (ن) في هالدنيا للصبر ضارين
وناس (ن) تشوف الموت قبل الوداعي

[أصاايل]

ياوقت طمـني عـلى نــاس غالـيـن
واحمل مع نبض المشاعر سلامي

اللي لهم موقـع بقلـبي وفي العين
يسعدهم الله دون ذكـر الاسـامي

[احساس خالد]

تطيب لحظاتي معك وأنت تدري
‏إني معك .. حتى لو إني مع الناس

[مستثناه]

جاني مثل حلمٍ تمنيت شوفه
‏وجيته مثل غيمٍ تباريه الأمطار

[لمس الروح]

الصبح يضحك ..
ليا من شعشع .. بنوره ..
وانا تمنيت .. صبحي .. يضوي بنوري ..
..

[مستثناه]

صباح الخير دامك في حياتي غير
‏صباح النور وانت اللي تشع النور

‏صباحي أنت واجمل من صباح الخير
‏صباحي طلتك في نظرتك بشعور

هلا بك عد ماغرد ملاك وطير
هلا بك كثر مااحبك بكل سطور

[لمس الروح]

لعينك بعت هذا الكون ابي هالقلب يصفى لك
غلطت وضاع كل الكون وضيعتك من يديني..!!
بغيتك عون في دنياي بغيتك لي ولحالـــــك..
لقيتك عاشق ٍ نفسك مريحها ! وناسيني!!

[غَيْم..!]

نبتسم في وجه الايام لو مابه حصيل
‏خاطر الطيّب ما كل الظروف تكدره ..!

[عاشق الغيم]

عطني وعد نبقى على الحب ماشين
مهمـا حصـل درب الغـلا مارجعته
عشـان لا منـك تغيـرت بعـديـن
اذكـرك فـي وعـدك اللـي قطعـته

[احساس خالد]

أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ

[غَيْم..!]

يالله برزقٍ ما حسبنا له حساب
‏ولا وقفو قطاعة الرزق دونه

‏تفتح لي البيبان لا قفل الباب
‏وتبسط لي الراحه بكفٍ حنونه ..!

[عطر المساء]

صحيح عند الضيق تحتاج للبوح
بس الأصح تواجه الضيق بالصمت
كم كلمة تنطق بها وأنت مجروح
واذا سلى الخاطر عليها .. تندمت

[غَيْم..!]

لا صار ساس البيت مبني على طيب
‏كثرة " عواصيف الزمن " ما تضره ..

[أصاايل]

جيت لك ..والشوق فيني ماله حدود ونهايه
وتدري إني غيرك أنت.. ماتمنيته عيوني..

[غَيْم..!]

فيك الرجاوي يا إلهي ما تخيب
‏انت الستر يا خالقي وانت الذرا

‏اغفر ذنوبي كلها عن ظهر غيب
‏انا وابوي وامي وكل اللي قرا ..!

[غَيْم..!]

الكفو مهما يسوي من جميل
‏تشكره ويقول ما سويت شي ..!

[* السلطان *]

شوقي ل ساعات القي والمواصيل
شوق الغريق الي تحراء سفينه

[مستثناه]

ماكل شــــي ٍ فــــي هالــــدنيــــا يجــــي هيّن
لكــــن بــــأذن اللــــه كل صــــعــــب ٍ ايــــهون

يالله يــــا جــــاعــــل ٍ كــــل قاسي ٍ لــــيّن
يسّر امور الناس وفــــرجــــها عــــلى هــــون

[احساس خالد]

كأنك تبي تطعن تعال أطعن الحين
‏خلّ الطعون بـ أوّل الحب: مُرّة ،

‏خايف أحبّك وآتعلّق، وبعدين:
‏تطعن، وأموت بـ طعنتك ألف مرّة

[غَيْم..!]

لاتعطي أكثر من المطلوب واللازم !
‏تراك لا طحت بيشوفونك مقصّر ..!

[مستثناه]

تدري أنك عندي أغلى من الغالي و زود
‏وان لك فالقلب جره .. و لك ماطى قدم
‏'
‏جعلني ماذوق حزنك وجعلك فالوجود
‏وجعلني ما أعتاااض ! ولا خلا ولا عدم

[مستثناه]

حنا لنا فيكم من الحب خاطر
‏في ذمتي لو نملك الريش طرنا
‏.
‏صحيح ماجانا من الغيم ماطر
‏لكن ترانا من غلاكم مطرنا

[غَيْم..!]

عليك باللي " ما يقوده مزاجه "
‏من وين مالقّيت وجهك بـ تلقاك .

[غَيْم..!]

سلامي على اللي ماتغيّر مع الايام
‏ولا زال يذكرنا ، ولا زال صاحبنا .

[* السلطان *]

ما همني طول السفر و النزوحي
الصقر يكفخ من مكانه و ينصاه

[الحر]

احبك كثر ما احب طاريك لا من مر
‏واحبك كثر ما احب صوتك ولا امله

[غَيْم..!]

إما تـقول الشي وكـفك تـطـوله
‏ولا إحشم لسانك ولاتنـطق بشي ..!

[غَيْم..!]

مانعلم الغيب بس ظنوننا حسنة
‏ونفوسنا لو يضيّقها الزمن رحبة ..!

[* السلطان *]

‏لوْ شِئْتِ مَا عَذَّبتِ مُهْجةَ عَاشِقٍ
مُسْتَعذِبٍ في حُبِّكِ التعذِيبَا

وَلَزُرتِهِ ، بَلْ عُدْتِهِ إنَّ الهَوى
مَرَضٌ يكونُ لَهُ الوِصالُ طَبِيبَا

[بندر الروقي]

مخنوق لكن مآ ادري ليه مخنووووق ,
ضايق وَ لآ ادري ليه .. بــ الحيل ضآيق !

ثوب الصبر من حزن الأيآم مشقووووق
........ وَ اليآ سألوني ,
قلت : بالحييييييييل رآآآآآآآيق !

احيآن ودك ترتفع لــ السمآء فوووووق ..
........ تطييييييير /
تبــعد , مآ تشوف الخلآآآآآآآآآآآآيق..!!

[مستثناه]

ارسِم َلي سَمَا .. بِكَذّب عَلَى ِنفسَي وَاطِيّر
وِازَرَع َلِي َبصدِريَ سَّحَاب .. وغَمَامِه
لَوَّلِا الْفَضـِا / مُا تـم ُحلمِ الْعَصَافِيـَر
لِيَه َأنحِبسَ ! مـا ِدامَ صَدْرِي َ( حَمـامَّه ) !

[غَيْم..!]

المحبه زايله والليالي ما تدوم
‏لاتعلق نفسك بناس بكره راحله ..!

[الحر]

تسوقنا الاقدار ونسوق الاقدام
‏يومٍ لنا يحسب ويومٍ علينا

‏للخلف ماننظر والارزاق قدام
‏ومقسومنا الطيّب تحوشه يدينا .

[غَيْم..!]

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده ..!

[عاشق الغيم]

الناس ما تدري عن القلب وش فيه
ربي خلقني كتـــوم و ما اعـرف ابوح
يعني إذا ابـي شيء ما اقـــــول ابيه
شفني ابيك وإذا تبـي تروح روووح

[* السلطان *]

لاتتصل ماهو لزوم اتصالك
حتي الرسايل خاطري طاب منها

[الحر]

ولا لي بالبشر غاية ولا لي بالثرى أوتاد
‏خفوقي حر واتبع ما يعز النفس وارضيها

[غَيْم..!]

صوت المطر غطا على كل الألحان
‏تبطي مزامير البشر ما تعزّفه ..!

[عاشق الغيم]

تدري اعزك موت , واموت بك زود
واغليك اكــــــثر لو تحــــس بــ غلاتي
اوعـدني ان الـوصـــــل دوم موجـود
واوعـــدك لحـــــظة ما تفـارق حيـاتي

[الحر]

حي الصباح اللي على خده الغيم
‏وريح المطر يضفي على الصبح عطره .

[عاشق الغيم]

قرب شويه وافتح ايدينك وهاك
روح وشعور وقلب وانفاس وعيون
اما اكون في باقي سنيني معاك
ولا عساني في حياتي ما اكون

[غَيْم..!]

ما نلتفت لـ الكلام اللي يجي فينا
‏نفوسنا عن كلام الناس مرتفعه ..!

[عاشق الغيم]

أن غـــآآب صوتي عنـــ كـ ماغاب الأحســـاس
تـــذكـــر إنــــ كـ بالإحســـاسيــس يمي
لك موقعـــن ماهووو لغيــركـ من النــآآس
ولك وحشـــــه تجـــري بشريـــان دمي

[غَيْم..!]

يطيبون في وقت الشدايد خيار القوم
‏مثل ما يطيب العود الازرق على الجمره ..

[* السلطان *]

ودي أرحـــل وامتطـــي بعـــد المسافــــــــة
واصـــل المقصـــود لـــو خـــان الزمـــــان

[غَيْم..!]

من يلوم الغيم لا غطى الرياض
‏من بياض قلوبهم جاهم شبيه ..!

[غَيْم..!]

احلى لقى لا صار من دون ميعاد ..
‏صدفه كذا مثل السماء يوم ترعد !

‏رشة مطر : ودك بهـا دوم تنعاد ..
‏احيّت جفاف الأرض من دون موعد ..!

[* السلطان *]

يـا بعدهم كلهم .. يـا سراجي بينهم
عطني من دنياك حبك .. واترك الباقي لهم

[عاشق الغيم]

صاحبي محتاج لك شعر وشعور
وأحتياجي شي ما كان أختياري
من متى والغصن يختار الطيور
من متى والبال يختار الطواري

[غَيْم..!]

من حبه الله سخر لحبه الناس
‏والله يخص بنعمته من شكرها ..

[* السلطان *]

ما فاق حبي لك إلا حبي .. لـ ذاتي ..
‏يعني أحبك محبـه .. ما تصورها

[غَيْم..!]

نبقى على وضح النقى مستمرين
‏حتى لو إن الوقت عقد حجاجه ..

[عاشق الغيم]

الشوق لِك مَخلوق في قَلب وعيون
والحِب لِك مَزروع بين الحَنَايَا
يَعني انَا في حِبكـ إنسَان َمجنون
وحبكـ سَبب إحياء كُل الخَلايَا

[* السلطان *]

يوم شفتك خفت من عيني عليــــك
كأن حسن الكون كله بين يديــــــك
في عيونك شي يا عمري ابيـــــــه
لا تلوم اللي تولع حيل فيــــــــــــك

[غَيْم..!]

ان شفت بعيوني حكي افهمه زين
‏واذا امتلى صدري من الشوق ضمه ..

[* السلطان *]

لاتغيب وَرَد قَلْبِي فِي مَكَانِهِ
مَعَك أَمَانَةٌ لاتفرط فاالامانه

[لمس الروح]

لا تقارن " نفسك " .. ( بهذا و ذاك )
ولايحز بْـ خاطرك | بعض الحكي
جيت أمسح دمعتك وأضحك [ معاك ]
لأن من [ عينك ] يضايقني البكي

[غَيْم..!]

ليل الشتاء يشبه مواعيد الأحباب
‏ياطول ليله والدقايق ثقيله

‏يا اللي عليك القلب مغرم ومنصاب
‏في غيبتك كل الليالي طويله ..

[سلطان الزين]

الأفعال دائماً أبلغ من الأقوال
صدق ما تراه ، وانسى ما تسمعه

[عطر المساء]

مدري وش اللي في عيوني محليك
وإلا وش اللي شيخك في فؤادي

سبحان من حلاك بـ عيون ( مغليك )
مع انك بـ عين المخاليق عادي

[سلطان الزين]

نبقى على وضح النقى مستمرين
‏حتى لو إن الوقت عقد حجاجه ..

[عطر المساء]

إن جيتني باقول يامرحبا فيك
وبحرسك بعيوني وداخل كياني
وإن رحت عني بادعي الرب يحميك
ويحفظ رفيقي لوغبت عنه ونساني

[* السلطان *]

تأخذين العقل وانتي ساكته يانور عيني ،
كيف أجل لوتسكت الدنيا عشان تسولفين