سجل دخولك ببيت شعر

[يقين]

دايم يقولون عقب الشينه الزينه
وانا تعبت انتظر شيٍ يقولونه

والله م ابي منه شي ان كانه مقفي
م غير أبدري عقب فرقاي شلونه

إن كانه بخير قلت الله يسهل له
ماني بقايل عساها تدمع عيونه

وإن عاش من دوني الله يحفظه لكن
المشكلة صدق كيف اعيش من دونه .

[غَيْم..!]

دوّر رضا ربك وريّح ضميرك
‏مافي رضا الناس لا نارٍ ولا جنة ..!

[غَيْم..!]

العمر مرة والقلوب البيض ماتبغي دليل
‏والناس لا طابت نواياها تطيب حظوظها ..!

[عذب]

https://i.imgur.com/7zHxxDT.jpg

[يقين]

المحبّه أنت وأنـت الغير عادي
من عرفتك و المشاعر مستقرّه

يبتسم يومي و يطرب بك فؤادي
راحتي بـرضـاك حلّت كـل مُرّه

هاك قلب وهاك عين وهاك غادي
دلّه لـ دربك و خذ خيـره و شرّه

وش أبي بـ وجيه خلق الله و أنادي
وجهك الله خالقه طيب و مسرّه ..

[غَيْم..!]

؛

أن جيتني في ضيق ، ولا في سّعه
‏فالحالتين ان شفت وجهك بَبتسم ..!

[يقين]

خذاني الشوق لعيونك وجيتك
طرى لي شي ما عمره طرى لي
على بالي ولا لحظة نسيتك
أسولف، أسولف فيك من حالي لحالي

[احساس عاشق]

ما خاب منهو يحسن ألظن بالله
وما ضاق صدرٍ يذكر الله دايم

[غَيْم..!]

توي عرفت إن الاماكن بالأحباب
‏ أثر الاماكن دون أحبّة حزينة ..!

[يقين]

اغصُ بالحرف شوقا حين اذكرهُ
واكتفي بلقاءٍ في خيالاتي
وما تمنيت شيئاً مثل رُؤيتهِ
حلما احقق فيه كل غاياتي
اضم روحي لصدري بعد غربتهِ
واستلذُ بحضن الذات ل الذاتِ
لعل نبض فؤادي بين اضلعه
يبوح انْ قصرتْ في البوح ابياتي

[غَيْم..!]

ما كل خاطر نبي نتبع مراعاته
‏بعض الخواطر حرام انك تراعيها

‏اللي يقدمك عن كل اهتماماته
‏حاول تقدم له الدنيا بما فيها ..!

[يقين]

علاجي مَن الجفا في نظرة عيونك
عيونك اللي تداوي علة المرضئ
'
بـجيك .. لو الليالي وقفت دونـك
ماهو بكيف الليالي يوم ماترضئ

[غَيْم..!]

يامحسن الظـن لا تندم على طيبك
‏طيـب النوايا فضيله لاتخليها

‏الله على فعلك المعـروف ،، يدري بك
‏واللي زرع كذبةٍ بالشر يجنيها ..!

[غَيْم..!]

إنَّ الرضا عند النوائبِ سلوَةٌ
‏والصبر إنْ حل الأسى تطبيبُ

‏ما طالَ ليل، أو تداعَت كربة
‏إلا ولطف الله منك قريبُ ..!

[زهرة الشمس]

‏عَيْنَاكِ مِن فَرْطِ الجَمالِ كَأَنَّها
‏حَبَّاتُ دُرٍّ زَيَّنَتْ وَجْه القَمَر

[دانه البحر]

للبوح لذه ولذة الصمت تغري
جميل واجمل يا شعوور الكتابه


تسوقني رجلي بمداهيل صدري
اكتب واعانق فيه صدر السحابه

[يقين]

أخبّي غلاتك عن عيون العرب بإحسان
و أشوف بوصالك عمري وعلاج لجروحي

أحسك من غيوم السماء وأنخلقت إنسان
وأشوفك غلاي وكل كلّي مع طموحي

فلا يخدعك مني هدوئي وصمت اللسان
علي نذر إني حافظك مثل حفظي لروحي"

[غَيْم..!]

احب الوجيه اللي تواجه بدون احراج
‏تقول الصحيح و كلمة الحق تبديھا ..!

[يقين]

أغليه وسنافي ومرفوع هامه
ومنصى لمن لحقه من الوقت خلّه

كل مانصيته مايغيّر كلامه
يبرك لحملٍ مايشال ويشلّه

أعرف ظروفه زين وأعرف نظامه
مايرتكي بعزومه الا على الله

له في محلّي كبر قدر وكرامه
ولي في محلّه دولةٍ مستقلّه"

[غَيْم..!]

سامح الله كل غالي ما حشم قيمة غلاه
‏ماحفظ بالودّ قدري ولا عرف حقي عليه ..!

[يقين]

تعمدت الغياب وغبت عن دنياه
تجاهلت الحنين الي عثى فيني
تحايلت التناسي علّني انساه
يمر البال و الذكرى تعنيني
قويت أبعد عن دروبٍ تضم خطاه
و لكني بديت أجهل عناويني
وصلت لمبتغى الهجر وقدرت أجفاه
ولكن..ما نزعته من شراييني
وليف البعد ياربي شلون انساه
اذا حتى مرور اسمه يبكيني

[غَيْم..!]

اكرم جناب النفس وتعيش مرتاح
‏شخصٍ بلا عزه حياته .. خساره ..!

[يقين]

جعل ربي من حلآ الحظ يعطيك
وجعلك تذوق من الليآلي حلآها
وليتك تهنى جعل ربي يخليك
وترتآح نفسك مآ تحس بعنآهآ
ويبعدك ربي عن دروب التهآليك
وعسى دروب الخير يمك خطآهآ

[احساس]

ياللي غلاك اغلى من الروح فيني
ياللي سكنت اعماق قلبي ونبضه
.
أشوفك ملاك الكون كله بعيني
ودونك رفضت الكون طوله وعرضه

[يقين]

الشوق ماهو بوح همس وتعابير
الشوق رعشة خافق ولهفة شعور
الشوق لامن هب جوه ترى غير
احساس طاغي يحرق القلب ويثور

[احساس]

‏يهمّني همّك وأحاتي محاتاك
أنا معك في كل فرحك وهمّك

لا خان وقتك وأقرب الناس خلّاك
تلقاني أقرب من وريدك .. لدمّك

[غَيْم..!]

ودعتك الله وانا على البعد مجبور
‏لكن عسى لنا في هالبعد خيره ..!

[يقين]

تعــال ياضيف المحبــه اقهــويــك
في جو خالي من عيون الملاقيف
دلة غلآ تروي شعـورك وتـرويـك
بهارها راقي ع الــذوق والكيــف

[غَيْم..!]

جعلني لاتبت عن شي و خسرته
‏يرزق الله خاطري في شي غيره ..!

[غَيْم..!]

؛

انا على كف الزمن .. عايش الجو
‏لو الظروف اقسى من اللي تجينا

‏عشت الحياه وقلت ياخاطري سو
‏محدٍ تفضل .. بـ الوناسه علينا ..!

؛

[نبض راقي]

بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه

[غَيْم..!]

والله يا بعض الذكريات القديمه ..
‏على كثر ماهي جميله تـبكّي ..!

[نبض راقي]

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

[يقين]

ياحبيبي كان شوفك ما تهّيا
‏لا يغيب الصوت يامال الغنيمه
‏الجفا ممنوع ياسمح المحّيا
‏والعذر مرفوض والشرهه قديمه
‏كل شيٍ ينهضم كون الجفيّا
‏والله أنها منك في حقي جريمه

[نبض راقي]

ياللي عليك القلب ، يوله ويشتاق
أنت الغلا والحب وآجمل حكايه

قربك ، دواء قلب المولع إذا ضاق
وبعدك ، يشب النار داخل حشايه

[يقين]

لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق و غرام..

[نبض راقي]

تمطـــر مشاعـرنا مــن الود مالاق
لاهـل النفـــوس الطيبــة والانيقة

اللي غلاهم في صميمي والأعماق
ومكانهم وسـط الخفوق العميقه

يسعد مساكم بالمحبه والاشواق
واطيب ورد الكون واجمل رحيقه

[غَيْم..!]

ماتمللت من صبري ولا ضاق بالي
‏كل ما لاح برقً فالسما قمت اخيله

‏من قسى لوعة الايام جيتك لحالي
‏ما معي شي غير الذكريات الجميله ..

[عساف]

خنت العهد ياخاين العهد واقفيت
‏من بعد ماحطمت معنى حياتي

[يقين]

تعال ونلم النسايم في وعدك
‏ونحني الريضان ونكحل هلا
‏ -
‏ريح ملائكتك ولاتكلف جهدك
‏والله لاقبلك ولابعدك ولاا
‏ -
‏ماعندي احلى من شهدك الا شهدك
‏ولا عندي اغلى من غلاك غلا

[غَيْم..!]

؛

كنا بلا جناحين واليوم طرنا
‏و اثر السما يا صاحبي برد و غبار

‏ياما حلمنـا نكبر ... ومن كبرنا
‏صارت أعز أحلامنا نرجع صغار ..!

[نبض راقي]

خذيت بالـماضي والافكار جـوله
ورجـعت للحاضر وعنـدي قناعات
.
اجمـل سنين العمـر سـن الطفـوله
واحلى سنـين الحب وقـت البدايات

[غَيْم..!]

مـا يواسي خاطري صبراً جميل
‏فاقد اللي كنت خايف لـ أفقده ..!

[يقين]

قلب يحبك يا عجب كيف تشقيه
‏وانا احسب إنك بالمحبه ضمادي؟.

[غَيْم..!]

أبتسم ماكني إللي من شقى الأيام شاقي
‏و إبتسامات الحزين أشد وأقسى من دموعه ..

[نبض راقي]

أنا مفادي وهو مثلي مفادي
وأخذت أنا ويّاه بالحب سجات

في عشرة ما هي بعشرة فسادي
لكن حدتني في زماني غيارات

وعيا يحقق لي زماني مرادي
حب وراه فراق ما فيه لذات

[غَيْم..!]

؛


اذكرني ليا خاب فالناس ظنك
‏الذكريات ؟ تودي لعالمٍ غير

‏وبتعلمك الايام لا كبر سنك
‏معنى الفراق اللي يجي بعد تفكير

‏قدرت عشرتنا وصديت عنك
‏عشان تذكرني وأنا أذكرك بالخير ..!

[يقين]

وشلون بخفي سر حبك ي مهجة الروح
‏وحبك ب قلبي كالطيب ب الجمر يفوحي

‏قد قالوا العرب العاشق دايم وهو مفضوح
‏لو م تكلم شي بفمه عينه ب الأمر توحي

[غَيْم..!]

؛

ماكل ضحكه عليها لـ السعاده ضمان
‏ولا كل وجهٍ بشوش مخليته الظروف ..!

[نبض راقي]

الود ما يعطى جميع المخاليـق
الود يعطى فالمخاليـق واحـد

الود يعطى حافظيـن المواثيـق
واللي يخون الود ذا الوقت واجد

ياكثر نـاسٍ ودهـا بالتوافيـق
ويا كثر ناسٍ عشقها عند جاحـد

[غَيْم..!]

مغتني بالله لامن عطا يغني " عطاه "
‏كل مده من طرف ، بحر جوده وافيه

‏والنفوس اليا استعزت تعلمها " الغناه "
‏" مكسب الإنسان فالوقت ستر وعافيه "

[نبض راقي]

حظي تعثر مثل حظ الشـــــقاوي
‏والقلب من غدر المحبين مجروح

‏ياقلـب قلي ويـــن بالروح نــاوي
‏ارجوك صارحني وانا اقول مسموح

‏ماني على الصدات والهجر قاوي
‏مدري متى يتركني الهم ويروح

[لمس الروح]

كل أبن أنثى وإن طالت سلامته.
يومآ على آلة حدباء محمول

[غَيْم..!]

يعيش الغلا بـ اسباب ولا بدون اسباب،،
‏ لو اقدر اتوب من الغلا ، ماهو بـ تايب ،،

‏تقول الحنين اسبابه الفقد والغيّاب ؟،،
‏انا احن لك موجود واحن لك غايب ..!

[غَيْم..!]

أتذكر ايامك بأدق التفاصيل
‏وانا مع النسيان عندي مشاكل ..

[نبض راقي]

لاقام صدرك بالهواجيس يكتظ
سبح وهلل واذكر الله وترتاح

لاتشتكي وتقول انا مامعي حظ
الله هو اللي يرفع الحظ لاطاح

[يقين]

سلم على اللي لا طرت لي مواريه
‏أتـذكـر إن كـفـوف لأيـام دسـمـه ،.
‏تعطيك شخصٍ لو يجيبون طاريه
‏يرسم على مـحيا مـلامحك بـسمه ،

[غَيْم..!]

؛

أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بـ كل حبي وتعظيمة غلاك
‏قبل أصدّ بـ قلب عايف وحالٍ منقلب ..!

[غَيْم..!]

تخيب هقواتك مع الناس وتصيب
‏" الا مع الله ما تخيب الهقاوي ..!

[نبض راقي]

ترا جمال الشخص في حسن الاخلاق
‏وشخصٍ بدون اخلاق ماله محبه

‏لو تختلف عند العرب بعض الاذواق
‏تلقى خفيف النفس كلن يحبه .

[غَيْم..!]

وإن جات من دون العشم ما علينا
‏يمكن عشمنا فوق طاقات الإنسان ..!

[غَيْم..!]

؛
تجي و تروح و كأنك بالغلا واثق
‏مزاجيتك بالوصل ترا ماعاد ادانيها ..!

[غَيْم..!]

؛
ان كنت تجهلّني فـ أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع و البهّرجه و الزيف
‏لا غبْت أنفقد وإن جيت ربي مجملّني ..!

[يقين]

لي صاحب بيني وبينه خصوصيه
‏ماودي الناس تدري بي وتدري به

‏ دايم على البال فـ الروحه وف الجيه
‏اغليه واشفق على شوفه واهذري به

[زهرة الشمس]

جعل القلوب اللـي لها القلب يشتاق
تصبـح وتمسـي.. بالهنـاء والسعـادة
وجعــل النفوس اللي تحلّت بالأخلاق
تصبـح وتمسـي ... ما تشوف النكادة

[دانه البحر]

تقرا قصيدي و تسأل انت تقصدني
ماتدري كل القصايد فيك منسابه



عليك ياراس مـالي خايف احسدني
مايحسد المـال دايم غـير اصحابه

[غَيْم..!]

؛



؛




وأنا غيابي في غيابي حضوري
‏في كل قلب لي تواجد و تذكار

‏لا زلت أرد الحزن وأبدي سروري
‏وأضحك بوجه اللي يدور على ثار

‏فارقت يوم إن المفارق ضروري
‏وخليتهم للوقت والوقت دوار

‏لله در الكبرياء في شعوري
‏كبير وجروحه بعد مثله كبار

‏ما عاد يرضينا الهوى يا غروري
‏خل الهوى للي يجيدون الأدوار ..!

[يمك دروبي]

صديت عنك وخاطري منك ماطاب
غصب علي ان كان تبغى الحقيقه

[يقين]

لابد من عقب المطاريش معواد
‏ولابد من عقب المواجع عوافي..
‏ولابد من عقب السهر لذة ارقاد
‏ولابد من عقب الكدر جو صافي

[غَيْم..!]

ماعاد يهمني لو باقي العمر صدمات
‏ماتوجع الضربه . . على صدر ميّت ..!

[يقين]

نهيت قلبي عن وصالك ولاطاع
‏غلاك تهمة والمفراق عذوبه
‏وفي كل مصياف وفي كل مرباع
‏وفي كل وقت وكل لحظة ونوبة
‏من حقي اطمع فيك واصير طماع
‏لو دون وصلك ياحبيبي صعوبة
‏صحيح من ينهل من الشوق يلتاع
‏يشرب ولايقطع ظماه بشروبه

[نبض راقي]

يارب صبرك يامعين الصابرين
فرّج عـن اللي لا تضايق ما هرج

تسوقه الدنيا وهو جرحه دفين
ويخفي دموعه لاتسبب له حرج

[زهرة الشمس]

ما عليك من الحكي دقّه و جلّه
إفهم المعقول واحكم من خلاله

الخبـل لـو كـان لـه عـقـلٍ يدّله
كـان عـقـله دلّه يخلّـي خبـاله

[نبض راقي]

نواعس رموشك راسمه فالخدود ظلال
الى شفتها روقتّ لو كنت متعكرّ
.
خلقك الله لبسمة زماني .. وراحة بال
احبك كثر ما تشغل البال وافكرّ
.
يا قهوة محبة ماهي تصب في فنجال
تقهواك شوقٍ لا تقهواك .. ما شكرّ

[زهرة الشمس]

ابقى مع اللي تحبه لآخر انفاسك
العمر من دون غالي ما هو بغالي

[نبض راقي]

يارب صبرك يامعين الصابرين
فرّج عـن اللي لا تضايق ما هرج

تسوقه الدنيا وهو جرحه دفين
ويخفي دموعه لاتسبب له حرج

[يقين]

سلم على اللي لا طرت لي مواريه
‏أتـذكـر إن كـفـوف لأيـام دسـمـه ،.
‏تعطيك شخصٍ لو يجيبون طاريه
‏يرسم على مـحيا مـلامحك بـسمه

[نبض راقي]

محلا اللقى وياك يا شوق محلاه
محلا نهاره و يا حلاها لياليه

ألقاك و كل الود في قربك القاه
و كل الهنا و الحب عندك ألاقيه

[غَيْم..!]

ماني من اللي يمّر بناظرك عادي
‏ علم عيونك تحط لشوفتي قيمة ..!

[يقين]

لجل الغلا الأولي ، وأحساسه الباقي
‏كل الأماكن معك .. تستاهل العنوه

‏لا زلت بـ أعماق من بمحبتك شاقي
‏ولا زال قدرك عزيز .. و شوفتك منوه

[سرالهوى]

قالت واش اكثر شي لا كنت مقهـور..
يريـح اعصـابك و يغسـل همـومـك

قلت بصراحـه دمعةٍ تكسـر السـور..
تسيـل من خدي تغـرق هـدومـك

[زهرة الشمس]

من يعزّك مايشوف الردى فيك
ومن يكرهك حتى بخيرك يذمك

[نبض راقي]

أبيك تعطيني مثـل مانـي ا عطيـك
شوق الهوى ياشوق لك ساقني سوق

على القرا يـب وا لبعيديـن أبديـك
والحال من بعدك غدى شبه مدقـوق

[زهرة الشمس]

ارخي رسنها واتركها على اطباع أصلها
أن كانت أصيله تخون الدنيا وتصونك

[غَيْم..!]

يدور الزمان ويلتقي كل حي بـ حي
‏عسى الله يحقق ما تعبنا على شانه ..!

[نبض راقي]

الـنـاس يرضيـهـا قلـيـلٍ من الـقـوت
وانا بجوعك عشق واعشـق سنينـك

اهديت لك قلبـي وهو وسط تابوت
شوفـي عروقـه ناشفـه مـن حنينـك

[زهرة الشمس]

في وجه تتقهوى قباله ، و في وجه
لا جاء قبالك من جماله يقهويك

[نبض راقي]

ياللي عليك القلب ، يوله ويشتاق
أنت الغلا والحب وآجمل حكايه

قربك ، دواء قلب المولع إذا ضاق
وبعدك ، يشب النار داخل حشايه

[زهرة الشمس]

‏حطني في وجه الأقدار و كبار الظروف
(واسترح في ظل وجهي وسندها علي)

[سيف الحزن]

من مد لي طيبه على نص فنجال
‏مديت له من صادق الطيب دله .

[غَيْم..!]

ياكبر ، هقواتي وياكثر . . صدماتــي
‏فـ اصحابي اللي من اول هاقيٍ فيها

‏الضاهر ؛ اني تعمّقت ، ف علاقاتـي
‏واليوم ؛ قررت اقلّلها . . واصفيهــا

‏محتاج لي ، فتره اراجع .. حساباتي
‏واختار صدقاني ، بدقّه . . وانقّـيها ..!

[نبض راقي]

عادك بعد ما اقفيت وانازع الروح
وشلون اوصف بالجفاء حالتي لك

يعني طريح فراش والحظ مطروح
باقي علي شوي واصبح قتيلك

مهما خفيت الجرح للناس مفضوح
وكلن درى بالجرح من نظرتي لك

[زهرة الشمس]

المدح ما يحضى به الا الاصيلين
وانت الكفو اللي بطيبه شملها .

[يقين]

ياصاحبي ماني براعي مهاداه
‏إما ارضني والا اجفني واستخيري
‏إما تعال وماطلبناك عطناه
‏والا تروح وجعل دربك سفيري

[نبض راقي]

وانت عندي شي لايمكن يهوني
وانت عندي شي غالي مستواه

وانت عندي من تربع في جفوني
وانت عندي من سكن قلبي غلاه

[غَيْم..!]

الكبر لله . . لكن الحق ينقال
‏أنا على بعض المخاليق واجد ..!

[سرالهوى]

وكل ما قلت له يا ابن الحلال = المحبة عطا وانت بخيل

*التفت يمي وهو عجل وقال = لذة الحب في الشي القليل

[غَيْم..!]

وانا في رجا الله .. واطلبه كل ماصَليت ،
‏عن الناس واللي من ورا الناس يغنينيّ ..!

[نبض راقي]

مَن يطلب الودّ ممن لا يُقدّرُه
كطالبِ البردِ عند القيظِ من نارِ

فكن على حـذرٍ ،، ممن تُقرِّبُه
و امنحه ودّكَ ،، مِقداراً بمقدارِ

فإن حبَاكَ ببعضٍ منه ذو ثقةٍ
فجازِ عن كلّ مثقالٍ ،، بقنـطارِ

[زهرة الشمس]

ف سـاعـة الـشـدة تبين الاجـاويـد
ويظهر بوقت الضيق راعي الشهامه
/
ومن عود اليمنى ع الطيب تعويد
يفرض ع كـل الـوجـود احترامه

[رااامز]

واللي يحب الطيب عنه ولايحيد
غانم ودايم في دروب السلامه
راا..

[زهرة الشمس]

الصبر زين وعزت النفس تغنيك
عن منة العربان قاصي وداني
&
أن ماعطاك الله فلا احد(ن) بمعطيك
اقنع بمقسومك ترى العمر فاني ...

[نبض راقي]

ياوجودي وجد من راح في غلطة رفيق
غرته ضحكات الاصحاب في ظل الثقة

مادرى ان الوقت لا شان واشتد المضيق
تصبح حبـال الصداقات حبل المشنقة

[زهرة الشمس]

قانع من الدنيا مثل منت شايف
لو هي تجي وتقول طب وتخيّر
.
ما فيه حاجه تستحق الحسايف
غير الرفيق الطيب إليـا .. تغيّر

[نبض راقي]

‏إن جلسنا معزه وإن رحلنا إكرام
وإن حكينا جزاله وإن سكتنا بحر

[زهرة الشمس]

خلك مثل رش المطر تشرح البال
لا هلت مزونه " تسر الخواطر "

[نبض راقي]

ماهو صحيح القلب للقلب شاهد
لو هو صحيح اصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لا صار واجد
وليتك تعرف اوجاع كثر الحنيني

[زهرة الشمس]

لا ،، تغيب ،، وكل مآبي ،،، يتبعك
في .. غيآبك كل ما فيني ،، يبيك

أبرك السآعآت سآعة ،، اسمعك
واصعب الاوقآت لاصرت احتريك

[نبض راقي]

قبل اعرفك حالتي حالة عدوّي
تايه ومشغول من حالي فـ حالي

وصرت متماسك بقربك ومتقوّي
وصار حبك عزّي .. وعزّ انشغالي *

[زهرة الشمس]

يارب لاتحــرم حياتـــي من اثنين
اللي بقاهــــم فـي حياتي حياتي

ابوي الي حبه سكن داخل العين
وامي اللي تسكن بروحـي وذاتي

يارب تحفظهـم على مر الاسنين
هذه امانــي خاطــري وأمنياتي

وارزقني الطاعه على البر واللين

[نبض راقي]

القلب من بـين الحنـايـا سـرقـته
والعين هامت بك وطيفك سرقها

وان كان دم الوصـل بالبين ارقـته
عـين الهـوى بالشـوق طوّل ارقها

قلـبـك بكف الحب جيت وطرقته
يوم المشـاعـر بـرق عينـك طرقها

[زهرة الشمس]

انـا ودي احـطك بـعيني واغـمض فـيك
ولاعـاد بــشوف الــبشر كان يـــمديني

هذا حلمي الصادق ولايقبل التشكيك
انا ويش ابي في وجيهم وانت في عيني

بعد فرصه اشوفك بنومي عسى مابكيك
تـرى الوقت فـي شوفك ماعاد يـكفيني

[نبض راقي]

انتي هنا ❤️ مسكنك جوف الشرايين
وعيني لك فراشٍ ورمشي لك لحاف

مابين قلبي والشرايين والعين
هذا مكانك دام الاشواق ميلاف

تربعت ف القلب ست المزايين
الجادل اللي ف الحلا مالها اوصاف

[زهرة الشمس]

في رموشك .. ليل الأشواق ..ارتما
................. وفي شفاتك .. أشرقت شمس الخجل

[نبض راقي]

صدري سما والامر عندي سهالات
مدام ذكر الله ، يرطب لساني ..

ماهمني وقتي ، ولو زاد عثرات
دام الرجا في واحدٍ مانساني .

[زهرة الشمس]

جعل زولك عن عيوني ما يغيّب
يا بعد شُوف العرب و أزوالها

[غَيْم..!]

؛

الله يسامح من ذكـرت ونسانـي
وانا ادري انـي لاذكرتـه تجملـت ..!
؛

[غَيْم..!]

؛

لو يركض العبد بيدينه ورجلينه
‏الصفقه الخاسرة ماهو برابحها
‏ِ
‏إن كان مالله معاه ولا الله معينه
‏بيخرّب اللي يحسب إنه يصلحها
‏ِ
‏و العمر مهما يطول بتقضي سنينه
‏وأول ما يشهد على نفسك جوارحها
‏ِ
‏يالله بقلبٍ سليم .. ونيةٍ زينه
‏تفتح لنا أبواب ما نقدر نفتّحها ..!
؛

[نبض راقي]

نعاتب الوقت بس الوقت وش ذنبه
الذنب ذنب القلوب وطبعها القاسي

[غَيْم..!]

؛

اليّا كسبنا رضى ربي و مرضاته
‏تهون الأحلام، و الدنيا، و ما فيها ..!

[زهرة الشمس]

كيف أكتب الشعر وعُيونك قصيد
وكيف أوصفك وأنتِ القصايد كلَّها

[نبض راقي]

لو ضاقت دروبك وتاهت خطاويك
والهم سولف ،والمخاليق صقها

والخوف عشعش ليلةٍ في محانيك
والعين سلّت حزنها من حدقها

افلت حبيس الدمع واسجد لواليك
يطيح من روحك .. بقايا رهقها

وارفع لخلّاق السموات كفّيك
ما صك بيبانه .. لحيٍ طرقها

لو تطلب النفس الكريمه تلبّيك
وشلون لو تطلب كريمن خلقها

[زهرة الشمس]

‏لو يشوف البدر لو ثلث زينك
أرسل لأبو نوره قصيده وغنّاك ❤️.

[غَيْم..!]

الأصيلة تصعب على كل خيال
‏ولا أحد يقوى يوصل رسنها

‏أصيلة معربة الجد و الخال
‏ما ترخي إلا من يعطيها وزنها ..!

[زهرة الشمس]

مثلك مثل ذاك القمر مالك ثنين
لا حل زولك زادت الدنيا حلى 🌕♥️

[نبض راقي]

دامني مدمن غرامك والوصال علاجي
عالجيني بـ الوصال الحي جرعه جرعه

وإن تنشَّط قلبي المُدمن .. وفَل حجاجي
قرّبي لي ثغرك المعسول بـ اقصى سرعه

[رااامز]

تدري وش اللي بالخلايق يمشيك
ويحط لك بين الناس قيمه وشيمه

طيبك واخلاقك وصدق مباديك
ونفسٍ بشوشه بالتعامل حشيمه



وصادق مباديك
يستقيم البيت
بس روعه يسلموو

[رااامز]

تري كل العيون اللي تناظر فيك ماتنلام
انا ماشفت في زينك ابد مخلوق قدامك
راا..

[زهرة الشمس]

خدني ليك ولعينيك ورد وياسمين💜.

[نبض راقي]

سقى ل·‚الله ل·‚ليال ل·‚في ل·‚خيالي ل·‚تقول ل·‚أحلام
ل·‚تغيب ل·‚وتجيب ل·‚الذاگره ل·‚مامضى ل·‚منها

[غَيْم..!]

يدور الوقت و الواقع يغنّي لي على ليلاه
‏سراب الحلم يتعبني و صمت الليل يشقيني

‏تسرّيني الظنون إللي تحد الواحد لين أقصاه
‏على بابه .. و أنا ما كل .. سجّاتي تسرِّيني ..!

[نبض راقي]

الحاجه اللي عليها الناس ملتمه
يعيفها خاطري لو خاطري فيها ؟

[غَيْم..!]

طبع الوفا بقلوب الاجواد سنه
‏جعل الردى يفنى ويبقون الاجواد

‏راع الوفا مشروب هيله وبنه
‏وراع الردى ماله مكانن ومقعاد ..!

[نبض راقي]

لي أيآم كن بيني وبين الموآجع ثآر
وعيني على نوم المخآليق محتجه!

إلا واهني الطير لا ضآق صدره طار
يشله جنآحه من غثى الأرض و اللجه

[دانه البحر]

وش يـقـول اللـيـل لامـنـه ســرى
لـلــمــولـع والـهـبـوب مـصـالـفـه


يـالله اللــي مـا لـنـا غــيـرك ذرى
لا تـخـلـيـهــا عـلــيـنــا ســـالــفـه

[نبض راقي]

قلي لـ مـن هـو لـجـل عينه تغيرت
مـاني بـ قـايـل شي لـكـن بـ عـرفـه
.
بـ كتب على الجدران عز الله أخترت
يـا مـفـرق الأحـبـاب و أحـط حرفه

[سرالهوى]

أحـدن على ربعـه .. شجرته مظلّـة=وأحدن على ربعه سموم ولواهيب
/
وأحدن وجوده .. بـس بلشـه وعلّـة=وأحدن وجوده .. يبري الجرح ويطيب

[وَجد]

.


إذا لعِبَ الهلال فخبروني
فإن الفنَ منبعهُ الهلالُ
أُمتّعُ ناظري بهلالِ نجدٍ
فمن قمصانهِ خُلقَ الكمالُ

[سلطان الزين]

أنا أشهد ان اللي ورا الناس كايد
بتموت ماتلحق وراهم منافيع

[زهرة الشمس]

ترا رفقة الطيب مثل رفقة الذيب ،
إن ماعطاك الصيد يحمي جنابك !

[سلطان الزين]

الله لو تدري عن الشوق يا فلان..
تحلف ان الصبر اقوى صفاتي..

[زهرة الشمس]

يعجبني الطيّب « اللي من كثر طيبه »
ينسى خطا الناس ما ينسى خطا نفسه

[نبض راقي]

ياليتني دكتــــــور واعالجــك زين
وافتـــح على شانك عياده جديده

واحط لك موعـد تجي كل يومين
من شان اطفي شـوق ناره وقيده

[زهرة الشمس]

انا أكثر إنسان بالدنيا ترى يكره
غيبة محياك وظروف إعتذاراتك

وأنا أسعد إنسان بالدنيا على فكره
لا شاف خطوة مجيّك وإبتساماتك "

[نبض راقي]

قلبـي معـــك عنـدك وضعته امانه
حاول تشــوف اخبار قلبـي ومافيه

لاتسألونـي يا الغـــلا عــــن مكانه
مكان قلبــي فــي ضلوعك مخبيه

مابه لزوم اعطـــي لحبـك ضمانه
ضمانتك حبك وعشقك سكن فيه

[زهرة الشمس]

مثل المطر لا جيتني جاني الخير
اترك جميع الخلق وافرح بشوفك

[نبض راقي]

ياليتني " أنا السفر وأنت الرحيل "
وفي كل درب أستقبلك وأودعك

[زهرة الشمس]

يانِعمة الرَحمن يالِذة دنيتي واجملُ اشيائي:53419164:

[نبض راقي]

كثر المواصل بالهوى ما هو بزيـن
ودك بخلـك بيـن مـدّه ومــدّه

لأن البنادم ما ترك طبعـه الشيـن
لا حب له شي وشبـع منـه هـدّه

لكن لا منّه جاك من حين لي حيـن
قـدّرت جيّاتـه وقـدّرت صــدّه

[زهرة الشمس]

‏وكيفَ أُخفيك والأشعارُ تفضِحُني
ولوعةُ الحبِ والأشواقُ والصورُ

[نبض راقي]

ياليت ماعندي مشاعر ولا احساس
ولا قلـــب يتأثــر بكســر الخواطر

من شان لاجتني مواجع من الناس
اصبـر وعديها علـى طيـب خاطر

[زهرة الشمس]

وصوتُ أُمِّي مَعَ الإصبَاحِ أسمعهُ
أَحَبُّ عندِي مِنْ الدُّنيا ومَا فيها

[نبض راقي]

حبي لك شرف مافيه اي تأليف
حبنا على النقى دوم وانت تدري

و ما بعد طيفك يراودني طيف
ولا بعد ابتسامتك شي مغري

اشتقت لعيونك الي تسقيني الكيف
فيهم جمال من الله سحري

[يقين]

ارحب لونك جمرة تحرق الجوف
ارحب عسى الله لايعيد انتظاري

[نبض راقي]

مادمت عايش ومستامن ومتعافي
اضحك مع الناس وليا رحت سامحها

دنياك ماهي بدايم وجهها صافي
يجي لها يوم ماتعرف ملامحها

[غَيْم..!]

مصير الايام تكشف لك خفايا الصدور
‏كانك تشوف الوجيه و تجهل قلوبها ..!

[نبض راقي]

فك قيد الصمت : لعيون الكلام
واحتضني بالكلام .. ولا علـييك

الثـقل ياصاحبي ، قبر الغـرام
فزلي كلك وشف كيف احتويك

[غَيْم..!]

احط راسي على كتف الكرامَه وأنام
‏لا دلهم الليّل وإحتاج الخليل الخليل
‏م…¤م…¤
‏أغناني الله : عن اللي يدّعون الغرام
‏والعالم اللي يحطون المشاعِر سبيل ..!

[نبض راقي]

حطيتك بعيني علشان ما انساك
‏وناديت لضلوع الغلا واستجابت

‏شف وشكثر هيبة محبتك لرضاك
‏حتى عواذيل الهوى منه هابت ��

[سرالهوى]

عّـز من يـعزك وحـطه على الرآس=والنـفس حذرى تهِين صـاحبهـا
الشامخ بطيبه يطول كل قرناس=والتواضع للـبشر عنوان مكسبها

[أصاايل]

ياحلو حكّيه لا حكى يوم احاكيه
كن الحكي يسكت ويسمع كلامه

يازين همسّه يوم عيني تحاكيه
اخاف ارمشّ بسّ واقطع كلامه

[زهرة الشمس]

غابوا عن العينِ والأيامُ تُشغلُهم
أمّا عن القلبِ لا واللهِ ما غابوا

نعمْ تمادوا ببُعدٍ باتَ يُحرقني
لكنّهم رغم هذا البُعدِ أحبابُ "

[نبض راقي]

يا عالم الغيب و النيات سبحانك
رحمتك خير من الدنيا و ما فيها

اسئلك يا رب توفيقـك وغفرانك
و سعادة ما تخيب قلب راجيها

[زهرة الشمس]

سلامي على اللي يبتسم والحمول ثقال
وسيع البنايد لا احتمى الوقت ، كلمته

[نبض راقي]

العـز يبقى والرفاقـه توافيق
ياحظ من خاوى النفوس الكريمه

لو خيروني بين كل المخاليق
أختاركم يا أهل النوايا السليمه

ويبقى غلاكم في صميم المعاليق
وتبقون راس المال وأكبر غنيمه

[زهرة الشمس]

على كثر ماشافت عيوني وجيه
مافيه وجهٍ غير وجهك ملاها

[نبض راقي]

فيني ملامح غربة وهم واحــزان
وفيني مهابه وعز تصعب عليـهـم

أهوى حروفٍ تعزف الشوق ألحـان
وأهوى قوافـي تبعث الـروح فيهـم

[زهرة الشمس]

وتشاءُ أنت من الأماني نجمةً
ويشاءُ ربُك أن يناولك القمر.

[نبض راقي]

قالوا تمن قلـت ياليـت ياليـت
ألحق هوى اللي تل قلبي وغدا به

[سرالهوى]

اترك مسافه بينك وبين هالناس=لا تقترب واجد ولا تبتعد حيل

خلك على ماقيل عارف بمقياس=يعرف متى وقت الجفا والمواصيل.

[غَيْم..!]

من يدوّر في عيون الناس عن قيمة وجوده
‏ تربكه بـ شفاههم كلمه .. و تغريه إبتسامه ..!

[أصاايل]

أجمل ثوآني العمر لحظة محبه
تتعآنق الأروآح في سآعة الذوق

اللــيل والقمر وشخص .. تحبـھ
رآبعكم الفرحه و خامسكم الشوق

[داانة البحر]

لو هو صحيح الاوادم تفهم الخاافـي
ما كان قيل المثل والخاافي اعـظـم



اهـم شيء كلمتي والموقف الـوافـي
والناس تفهـم مثل ما ودهاا تـفـهــم

[غَيْم..!]

خذ العفو وترفع عن الناس لو يخطون
‏ومن ظن فيك بسوء خله على ظنه

‏ترا سيئين الظن لأنفسهم يسيئون
‏يربي بصدره مخلب وينجرح منه

‏ولا شغلتك تحسين ظن اللي يظنون
‏ترا الناس ما بيدهم النار والجنه ..!

[سلطان الزين]

الشك باب ويفتحه كل مفتاح
وإذا إنفتح ضيّق عليك الزوايا

ان كان ودك تقضي العمر مرتاح
حاكم سلوك ولا تحاكم نوايا

[نبض راقي]

انا عليّ اجاوب الورق فالدوح
واقول .. ياقلب العنا عندكيها

خافي على روحي من الوجد والنوح
لايصير فيها شي ماهوب فيها

[سلطان الزين]

الشك باب ويفتحه كل مفتاح
وإذا إنفتح ضيّق عليك الزوايا

ان كان ودك تقضي العمر مرتاح
حاكم سلوك ولا تحاكم نوايا

[عَازِفه الْحُرُوفُ]

يا زين اللي يجون بثبات وود
يحسون القلب، ويزرعون أمل عذب

[غَيْم..!]

لا صار مالك صيت لا ترفع الصوت
‏خله مثل رتم الفعول.. متدنّي
‏.
‏المجد عند الناس واضح ومثبوت
‏شيٍ من التاريخ ماهوب منّي
‏.
‏لا تلحق اللي قد تلاحقهم الموت
‏كلٍ على صولات ربعه يغنّي
‏.
‏ولا تبهت الاجواد وتصير مبهوت
‏وتخطفك جنية ويركبك جني ..!

[يقين]

أشتقت_لك والشوق ماله مواقيت
‏يا أجمل أحـداث العمر في حياتي

‏قلبي وعيني ياغـلا الروح لك بيت
‏ولافيـه غيــرك يمتلك نبض ذاتي

‏أحبّك ولو عنـي تأخرت وابطيت
‏واموت بك يااغلا بشـر في حياتي

‏واهواك مهما في غيابك تماديت
‏وتبقى امل روحــي وكل امنياتي

[زهرة الشمس]

أنتِ صباحي وشروقُ شمسي
‏ أنتِ التمنّي وأحلامُ نفسي

[عذب الروح]

يا ليلُ طالَ سُهادي واشتياقي
قلبي بحُبّكَ نارٌ لا تُطاقُ
في كلّ نجمٍ أرى وجهَ الحبيبِ
يا ليتني بين أحضانكَ أُفيقُ

[بحر المشاعر]

‏تصبح الدنيا واهلها على شمس الصباح
‏وانت شوفك صبح ثاني وشمسٍ ثانيه

[زهرة الشمس]

جابك الله من بياض الفال والحظ الكبير
‏واستبشرت بـك ضلوع صدري وفزت :6s9lc6_jpg::12793985341:

[عذب الروح]

حبك في قلبي زي نار مشبّعة
عيني ما تشوف غيرك، والله معذّبة
يا ريتك جنبي، تضحك وأحسّك
من غيرك الدنيا ظلمة ومش مُطَبّعة

[غَيْم..!]

غير الوفاء والطيب لا ماتخيّرت
‏لو مالت الايام ماني بـ مايل

‏باقي على ساق الوفاء ما تغيّرت
‏تسوقني الشيمه واسوق الجمايل ..!

[يقين]

ضمّني والله إن قلبي ملاه الجفاف
‏وعطني من السوالف مايبلّ الحشى

‏ناظر عيوني بتلقى لبحرك ضفاف
‏أنت أول بشر داخل هدبها مشى

‏ أستحليتني ماهو بحدّ الرهاف !
‏بشعورٍ غمر قلبي إلييين أنتشى

‏أذكر أني قبل ما أعرفك كنت أخاف
‏ومن بعد مابكيت بحضنك .. لا حشى

[زهرة الشمس]

‏تراك بعيني أغلى من على الدنيا يعيش
‏وتراك اللي خذا روحي قبل لا أقول جاته❤️

[غَيْم..!]

من يدور في عيون الناس قيمة وجوده
‏تربـكه بـشافهم كلمه ، وتغـريه ابـتسامه ..!

[يقين]

اسمع حنين الضلوع اللي تضم الخفوق
‏لـيتك تحـنه تـرى الايام مـا حنّته
‏ماتدري انه على طاري غرامك يتوق
‏عن حر رمضى زمانه شايفك جنّته

[زهرة الشمس]

‏ستظل سرآ

بين روحي و قلبي
وستظل رمزآ
بين حروفي و كلماتي
يراك الجميع شخصآ
و أنا أراك روحآ
يقرأونك حرفآ
و أنت رواية بداخلي❤️
✍🏻🌹💛🦋💛🌹

[يقين]

فقدتك ولا زلت أتوجد على لامّاك
‏واخاف إن صبرت شوي ماعاد تلقاني
‏أنا مثل ما كنت تخبر والعلوم عفاك
‏أعاني بعض الاحيان وأحيان ما أعاني
‏تدارك حطام الخاطر بشوفة محياك
‏ويازينها لو قلت توك على لساني
‏يا كم مرة ناديت بأسمك بدون إدراك
‏وانا داري انه .. بيبطي الرد ما جاني

[عبادى]

قلبي ينبض بكـِ
و روحي بكـِ مفتونـه
و جنـوني بكـِ
مع كل مساء يزداد ...
و شهيتي لِـ عيناكـِ
تغتالني بِـ شوق ملتهب
و براكين مشاعري بكـِ
قد ثارت و لا شي يوقفها
و شرقيتكـِ تسكرني
فـ أغدو عاشقآ متمردآ
لا يستكين ألا
بِـ جنونكـِ و دفء أحضانكـِ
كم أنــتِ شهيه في فصل الاشتياق

[نبض راقي]

في قوانين الهوى بين الآحبه
من تمادى بالجفا .. عنده بديل
الاكتفاء ابرز .. علامات المحبه
والتجاهل من علامات .. الرحيل .

[يقين]

ضمّني والله إن قلبي ملاه الجفاف
‏وعطني من السوالف مايبلّ الحشى

‏ناظر عيوني بتلقى لبحرك ضفاف
‏أنت أول بشر داخل هدبها مشى

‏ أستحليتني ماهو بحدّ الرهاف !
‏بشعورٍ غمر قلبي إلييين أنتشى

‏أذكر أني قبل ما أعرفك كنت أخاف
‏ومن بعد مابكيت بحضنك .. لا حشى

[نبض راقي]

باقي بقلبي حلم والعمر مافات
. يامنتهى رجواي شف لي طريقه
أبطت تجاذبني عليك الخيالات
. مدري متى يصبح خيالك حقيقه !

[يقين]

أنا ماذنبت والله يوم .. حبيته
هو اللي نام في صدري وعانقني
خذا كل الضلوع اللي بناحيته
وبنا سفنه .. وشرّعها وغرقني

[يقين]

أنا ماذنبت والله يوم .. حبيته
هو اللي نام في صدري وعانقني
خذا كل الضلوع اللي بناحيته
وبنا سفنه .. وشرّعها وغرقني

[عبادى]

اللهم يا ولي نعمتي
ويا ملاذي عند كربتي
اجعل ما اخافه واحذره
بردا وسلاما علي
كما جعلت النار
بردا وسلاما على ابراهيم

[قلب العنا]

صباح الخير يانور الصباح
يامن سكنت القلب صبحك بالخير

[نبض راقي]

جيتك .. وباب الجفا ضيعت مفتاحه
. مشتاق لـ وصالنا و حضورك المربك
.
وشلون تبعد .. وتتمنى لي الراحه
. مادام تـدري هنآي و راحتي قربك

[يقين]

كل المشاعر،تقول لك:يانظر عيني
حُبك في هذا اليوم،زادت أمواجه

[نبض راقي]

تعال لك وحشه ترى القلب مشتاق
أقلط تربع وسط قلبي هلا بك

صبيت لك فنجال من حب وأشواق
أشرب غلا يا غايتي مرحبا بك

[يقين]

‏تذبحني الغيره وانا واثق ن فيك
‏اخاف من غيري يجي في مكاني
‏
‏ازعل عليك من الغلا وقصدي ارضيك
‏وارضيك لاشفتك تدور حناني

[سلطان الزين]

رهنت شوقي .. بايع الناس لرضـاك
وانهد حيلي مـن غرايـب طبوعـــك..!!

[نبض راقي]

يرحب بغيري وانا واقف هناك
امسح بقايا دموعي بأطراف كمي

يعني نسيت ايامنا والغلا ذاك
يعني رضيت الجرح ياكبر همي ؟

وشلون أبقى غيبتك وأتناساك،
ياحرقة اعصابي وياحرق دمي

بعد الفراق اليوم انا وين بلقاك
لا انت ولد خالي ولا ولد عمي

[يقين]

تكفون مالي بغيره لا تلوموني
‏هو نبض قلبي و هو دمه وشريانه
‏ابيه ما ابي بداله لو منعتوني
‏الروح بشوفته بالحيل شفقانه
‏لا تحرموني هوى بالي ومضنوني
‏لا غاب عني نزل دمعي على شانه
‏ابكي على غيبته وابيح مكنوني
‏والعين تذرف طوال الليل سهرانه

[لمس الروح]

هي سلوتي في غربتي وتغربي
تأتي كما طيف جميل بادي

[نبض راقي]

حبك بقلبي لا و لاشي يسواه
عمري و روحي كلها ما تساويه

أغلى من الغالين يا زين والله
تآمر على قلبي و انا اقول لبي

[غَيْم..!]

ترا حياة الرغـد و النـوم و الراحـه
‏تأخذ من ايام عمرك وانت ما تدري ..

[غَيْم..!]

ليت القدر لا جمع الناس بالناس
‏يجمع قلوب الناس كلٍ وطبعه

‏ما يستوي الألماس في جنبه نحاس
‏ولا يروي الصافي سوى عذب نبعه ..

[يقين]

وش المحبه دون وصل المحبين
‏ووش المواصل دون شوق الحبايب
‏ترى المحبه تقسم القلب نصفين
‏وعزي لمن نصفه غدا اليوم غايب

[غَيْم..!]

ياليل مافي شي يغريني أسهرك
‏بنام ؛ وتصبح ذكرياتي على خير ..!

[يقين]

وان مت في دافي حشاه ادفنوني
‏في مستكن الروح ما هوب برا
‏يا ليتهم بالحب ما ولعوني
‏كان ابعدوا عني بخير وشرا

[غَيْم..!]

رضيت بـ إسلوب الأوادم ما شكيت ولا زعلت
‏والناس تزعل يوم . . أعاملها بنفس أسلوبها ..!

[بحر المشاعر]

‏هي اربع اشياء اللي تشرح الخاطر
‏ الورد والغيم والأمطار والقهوه

[يقين]

كثر المعاتب يعل القلب ويضره
يصيب قلب الولايف بكثر الانكادي

لاشفت في الجو غيم وللعتب جره
صد بهدوءك ترى كثر العت غادي