ياطير عندي لك مهمات ياطير

ياطير عندي لك مهمات ياطير

*****

يا طير عنـدي لـك مهمّـات يـا طيـر
واسعف غريم ٍ يشْكـي الضيـم والجـور
وصـل رسـالات الـولـه والتعابـيـر
معهـا سلامـي يحمـل وْرود وعْطـور
وصّل قصيـدة (صـب) شوقـه تباذيـر
قصيدة ٍ يصغى لهـا كـل ( عصفـور )
يا طيـر خفّـق فـي مسافاتـك وطيـر
واقصـد مكـان ٍ ساكنـه سيّـد الحـور
دار ٍ رتـع فيـهـا أمـيـر الغنـاديـر
ودار ٍ بها قلبـي عـن الغيـر محظـور
قل له فوادي .. ما حصـل فيـه تغييـر
مـا زال فـي حبـك مقيّـد ومـأسـور
وقل له ترانا فالهوى مـا لنـا .. غيـر
حبك .. وحبـك يلعـب فخاطـري.. دور
وقل له بعادك جـاب للفكـر .. (تدميـر)
واصبحت ضايق عقب مانـي بمسـرور
والدمع فـوق الخـد سـوّا ( طوابيـر )
وآصفف دْموعي على الخـد ( بالـدور )
والفكر يسرح لـك ومـن غيـر تفكيـر
وخمس الحواس فبعدكـم مالهـن دور !!
لانـي بحـي ولا بميّـت ولا غـيـر !!
مـرّه توقّـف دنيتـي .. ومـرّه تْـدور
دخلـك تكفـف عنّـي البـعـد يآمـيـر
يـا حاكـم ٍ قلبـي مثـل حكـم تيمـور
ما أعتقد قلبك مثل .. صخـرة الجيـر ..
شفـاف قلبـك مثلمـا طـلّـة الـنـور
مشتاق لـك شـوق المعاطيـش للبيـر
شوق السجين اللي شْهدوا ضـدّه بـزور
شوق الجريـح اللـي جروحـه مغازيـر
واللي عجر عن طبّهـم كـل دكتـور ..
فيّه (قهـر ) كنّـه قهـر سالـم الزيـر
ودّه يـرد الـثـار وآخـيـه مـغـدور
وفيّه ( غـرااام ) يْفجّـر القلـب تفجيـر
(مزّع ) فوادي مثـل طلقـات شرشـور
يا طير قل له بانني .. طحت .. يا طيـر
طيحة كبير ٍ لـه مـن الحـزن جمهـور
دمعـي وهمّـي والمشاعـر .. جماهيـر
والمشكله مـا ريـت لـي فالهـوى دور
يـا طيـر طيـر ولا تهـاب المخاطيـر
هذي وصيّـه لـك وخفّـق مـع النـور
وان جيت له في الليل .. مسّيـه بالخيـر
وان جيت له في الصبح صبحـه بالنـور
وان ريـت خلّـي نايـم ٍ دون تكـديـر
لا تزعجه .. خلّه على النـوم .. معـذور
ما هو شراتي يشكـي الضيـم والضيـر
ولا يشتكي من هالزمـن كيـف معثـور
مرتاااح .. .. وآنا لي عيـون ٍ مساهيـر
لي دمعها نضّـاح .. سايـل .. ومنثـور
يـا ليـت عنـدي سلطـة ٍ للدساتـيـر
إن كاننـي شكّلـت للـحـب دسـتـور
يـا طيـر هـذي لـك رسالـة تعابيـر
واسعف غريم ٍ يشكـي الضيـم والجـور

….

حـُـلم ,متيم ,مطر صيف و 2 آخرون معجبون بهذا

* السلطان * ,غَيْم..!

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

dh'dv uk]d g; lilhj