صدى ذكرى؟!

صدى ذكرى؟!

.
.
مدخل..

كل عام والجميع بخير..
عيدكم مبارك وعساكم من عواده..
تتسارع الايام وتمضي بنا السنين
وتنقص الاعمار ونحن لانختار مصيرنا
بل مسيرين وليس مخيرين نصارع الظروف
وندعي الاقدار ان تكون بنا رحيمه لانعي ولاندرك
كيف مرت بنا الحياة مسرعة ماضيها ذكرى ناقوس
يدق في عالم النسيان وتصحو فينا من الذاكرة قصه.
نقلب جميل احلامها وشين ايامها وليس لنا منها
سوى مامر واصبح ماضيآ تقتات عليه ذاكرتنا
بين الحين والآخر لنستلهم العبر.
.
.

بيت القصيد..
.
.

مشتاق صوتك مشتاق مرحب هلا فيك
مشتاق اسمع ياروح روحي... واحشني

مشتاق لك جدآ ومشتاق ......طاريك
فرقاك توجع بعدك وربي .......تعبني

مشتاق لك كلك ومشتاق ...ماضيك
ماغاب طيفك ساكن معي.. ماتركني

تؤلمني الذكرى في ذكرك ....وابكيك
ابكيك وأذكر وجهك اللي..... جرحني

ابكيك لحظه وارجع أناظر.. وناجيك
جنيت بك وإنت الذي........ مارحمني

ورغم الجراح وخنجرك واللي خافيك
لازلت عايش محسوب في الروح مني

نفسي اشوفك وتنظر في عيني وحاكيك
وتشرب عيوني شوفة اللي.......... طعني

جروح قلبي ترياقها من........ شفاييك
تسٌكِر وتثمِل شفة اللي ........حرمني

شاريك قلبي وانتي غدرتي بشاريك
ليتك وفيتي وشللتي المشاريه عني

لازلت احبك رغم هذي .....وهذيك
محدٍ ترى قبلك في ظهري.... طعني

وفوق الجراح وفوق غدرك ومافيك
سامحت فعل الخاين اللي... غدرني

هذي الحياة اقدارها في.. حراويك
ماكل يومٍ تفرح وتسهر ........تغني

اصبحت طيب وكل طيب مخاويك
واللي حصل بالضبط كامل.. وصلني

في حفظ ربي وين كانت اراضيك
مع السلامه.يامن فراقه... وجعني

ماكان يخطر يوم اني..... بجافيك
لكن شكي سيطر على حسن ظني
.
.
مخرج..
هنا لي صحبة طيبه جمعني بهم الحرف
ستبقون دائمآ في الذاكره لن انساكم.
نحن لانختار بل نمضي الى المختار لنا.
هذه الحياة مهما تجمعنا لابد من الفراق
رااامز..

غَيْم..! ,ناطق العبيدي ,هجران و 4 آخرون معجبون بهذا

متيم ,دانه البحر ,زهرة الشمس ,رمق

المصدر: منتديات أحاسيس الليل - من قسم: • •₪• نــاي شــاعر •₪•

---

w]n `;vn?!