لولا ضيق الوقت ما يكفي معك العمر

لولا ضيق الوقت ما يكفي معك العمر

علم العفا وعفاك .. يا وافي الكيـل
بساطه أبشّرك .. في خيـر وعفـا

نكفي بعضنا ,, وانتكافا على الشيل
واللي تعب من الحطّ والشيل يكفـا

من ذاق حرّ القايلـه يعشـق الليـل
ومن شبّ ضّوه ليلة البرد .. يدفـا

لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفـا

امسيت من جيل ٍ ولاهوب ذا جيـل
واصبحت ... والاّ ديرتي شبه منفا

كنّا على فـال الشحـم والمعاميـل
ونفوسنا انقى من نقى العدّ .. واصفا

وانا ولو راحت بقولـة : تساهيـل
صلف وصروف الوقّت تحتاج صلفا

ياحجر جدّاني .. زحول الرجاجيـل
يحرم فلا لي عنك ياحجر مقفـا

إمّا لطمنا العيل .. والاّ الطم العيـل
مادام شبّ النار منـدوب الأطفـاء

خل ابرهه الأشرم على ذمّة الفيـل
وانظر لشيٍ .... مايوصفّه وصفـا

ياذيـل والله ماتجـي راس ياذيـل
علمٍ ماهو يغبـى ولاهـوب يخفـا

واللـي حمـا بيتـه بطيـرٍ ابابيـل
ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل
جيتك وجرح الظلم .. غاديه يشفـا

جيتك بكلمة .. كنّها صعقـة الويـل
إن قلت تكفـا ... لا تهـاون بتكفـا

تكفـى .. تراها كلمـةٍ تقطـم الحيـل
لا بالله الا تنسـف الحيـل نسـفـا

تكفـى .. ماهـي لمدهنات المجاديل
تكفـى لصلف وعـادة القـرم صلفـا

تكفـى .. ترى تكفا لها هـدرة السيـل
في صدر حرًّ .. ينتف الطيب نتفـا

تكفـى .. ترى تكفا لها تسرج الخيـل
إن كان لك باالخيل سرج ٍ و عسفـا

تكفـى .. تبيّـن كـلّ لاشٍ وحلحيـل
تسمع لهـا بالصـدر هبـدٍ ورجفـا

تكفـى .. وتكفـا ماتسـاق لمهابيـل
تكفـى .. تخلي القـرم لاشٍ وهطفـا

تكفـى .. تجنّبني هل القـال والقيـل
مانيب من ينكف علـى كـل ملفـا

تكفَى .. تراني من قـروم ٍ مشاكيـل
حمّاية الساقـه .. بسيـفٍ وشلفـا

تكفى تــــــــرا تكفـى تهز الرجاجيل
ولولَا ضرُوف الوَقت مــا قلّت تكفـى

تكفى يـــــا قرم ما يبا العلم تفصيل
المشكلـــه كبرت على الناس تكفـى

مــــا قلت تكفـى غير من فترة الحيل
وانتـــــه ولد من يفعل الطيـب تكفـى

انخاك من كثــــر العنـــــا والبهاذيل
وَلولا ضـروف الـوقت مــا قلـت تكفـى

حـُـلم ,فرح ,غَيْم ..! و 2 آخرون معجبون بهذا

احساس عاشق ,رحال

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

g,gh qdr hg,rj lh d;td lu; hgulv