سجل دخولك ببيت شعر

ماعاد بي شدّه على طرد السراب
‏ومراقبه شمسٍ توارت للغروب

‏أما وجود يلوي ذراع الغياب
‏ولا غياب يفضح الوصل الكذوب . .

يجيبك الشوق ، ولا تجيبك الحاجه
‏مصيرك اليا صفعك الوقت تذكرني

حاول توازن بين عقلك والإحساس
‏وعيش الحياة اللي تبيها لذاتك

‏إن كنت بتوّقف حياتك على الناس
‏بتموت ما سويت شي بحياتك ..!

؛

مابين الصعب ، وبين الخوف ، والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح ، أو خطا ، أو صدق ، أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بـ الغيب
‏ولكن رحمتك أكبر من اللي فيه أنا داري ..!

؛

يا زينهاا قهوة صبح وانت مرتااح
ولا انت في طرد المقفي معنااا


ينعشك ريح الهيل والبن لافااح
في مجلس مافيه قال وسمعنااا

لا غاب عنك اللي غيابه .. مصيبه
وطالت به الغيبه و لا جابه الشوق
ما فيه داعي تنشده عن ..مغيبه
ما غاب عنك الا وهو منك مسروق
ترى المحبه ما تجي بالغصيبه
لو السماء تطبق على الارض من فوق

من كثر ماودّعت في عمري أحباب
‏صارت " فمان الله " تشبه أحبك ..!

من لا يحس بقيمتك وانت موجود
‏ماهوب ناشدً عنك لا صرت غايب

‏حاول تفرق بيض الأيام والسود
‏ياقلب ما كُل الحبايب "حبايب ..!