المساجلة الشعرية

كل ليله تجي و تروح ماهي معاك
‏تبتدي بالحنين و تنتهي بالتعب ..!

بـجيك .. لو الليالي وقفت دونـك
ماهو بكيف الليالي يوم ماترضئ

الحب مفضوح والاشواق فضاحه
ما يقدر العاشق الصادق يخبــيهااا



و الجايع الميت اليا شاف تفـاحه
يبان في نظرته لو قال مابيهااا

انت الشعور الصادق وغيرك سراب
وانت المقر الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومواصلك مثل السحاب المنّهمر

حتى ولو قلبي شعر بـ الإغتراب
انت الوطن وأجمل ملذات العمر

رحت عنّي والوله في غيبتك : مربكني
‏ومرني ليل الحنين ، وشافني وحداني !
‏.
‏ليه بعد الحب هذا للسهر : تتركني ؟
‏و انت حالف لو يدور الوقت ما تنساني ..!

ياللي بطول البعد عذبت وأحرقت
قلبٍ تولع بك وبالشوق لك ضاق
لو ذقت من نار الوله مثل ماذقت
ماطال يالمشتاق هجرك لمشتاق،،

قررت اكون انسان بايع شعوره
‏لا الوقت يستاهل ولا الناس تسوى ..!

أحبك، ولو يمطر سحاب الدروب أحباب
رضيت بْـ ظماك، وخل الأنسام تسري به
أحبك، ولو عادت جميع الوجيه أغراب
خذيتك أمان، يْشرّد الخوف من طيِبه

هقيت أنا وياه نبقى فالزمان أحباب
‏وأثاري عشرته عيت تكمل عامها الأول ..!

لهفة الخاطر على شوفتك لهفة غرير
مستحيل يقاوم الشوق مهما يكبته

من عشق مثلك ما فكّر يتوب ويستخير
لين يلقى من جراير حبيبه نكبته ..!