على عزف الحزن بشويش لا تقسى على الاوتار/فريق الغيم

على عزف الحزن بشويش لا تقسى على الاوتار/فريق الغيم

على عزف الحزن بشويش لا تقسى على الاوتار
جميله هي لحون الحزن لو يحزن مغنيها

تماثل للشفا جرح و نزف جرح و بدأ مشوار
تنازل بادي جروحي و خلاني لتاليها

حزين و حزني أكثر شيء يجبرني على الاصرار
لبسمه خلفها الاحساس ما يشبه معانيها

كرهت الدار من غناّ على سمعي حمام الدار
يفتش عن جروح العام و الايام تطويها

غريب الدار لو هو مغترب ماهو غريب اطوار
تعابيري وطن والحزن حاميها حراميها

على ارض الواقع ظروف الحياة تمثل الاسوار
وانا اسوار الحياه الشاهقه وشلون أعديها

يهونها علي وصال من وصله سحب و امطار
ادور راحتي وليا حضر بانت مواريها

تعبتك حزن يا اوضح سر كنيتك عن الاسرار
وانا ادري كل نبره حزن مني ما تدانيها

و مع كل الظروف القاسيه يا اجمل الاقدار
شف احلامي على اسمك من غلاتك قمت اسميها

فديتك لو لقيتك في السنين اللي مضت ما طار
من غصوني عصافير إنكسر صوتي يناديها

والا يا مصدر الالهام شوقي من لهيب النار
لكن ماهو مثل و النار تحرق رجل واطيها

لا والله تحرق اعصاب البني ادم لين ما ينهار
ويقول النار فالاشواق تحرق قلب راعيها

حـُـلم ,غَيْم ..! معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

ugn u.t hgp.k fa,da gh jrsn hgh,jhvLtvdr hgydl