واعلم بأن العمر ينقص مايزود/ فريق الغيم

واعلم بأن العمر ينقص مايزود/ فريق الغيم

‏​أمزح ولكن خل مزحك في حدود
ومن لا يحب المزح لا تمزح معه

المزح بعض أحيان مروي للكبود
لكن ليا من زاد ضربة موجعه

وأتْعب على خوّة عريبين الجدود
اللي مَعَك فـَ الضيق وإلا فـَ السّعه

وأحذر تعاشر راعي القلب الحسود
اللي ضرره أقرب لك من المنفعه

وأبعد عنِ مْخالط مبيّحة السدود
واللي على نقل الحكي متجمّعه

خليطهم إن ماورد همج العدود


وإلا سمع شيٍّ ما ودّه يسمعه


واليا عطيت إنسان ميثاق وعهود
خلك وفي وأدفع كثر مايدفعه

ولا تقابل راعي الطّيْب بجحود
وأحذر من اللي طيبها تتصنّعه

وان شفت طبع الظلم فـَ العالم يسود
أحذر من المظلوم لا هلّ أربعه

له دعوةٍ لا من دعا ترقا سنود
ومن صابِته دعْوَتْه ماطاب وجعه

وان شفت من نظرات أقاربك الصدود
حبل التواصل بينكم لا تقطعه

واصبر ولو ما أنته عليهم بمحدود
بكره تبي تحصد ثمر ما تزرعه



وأعلم بأن الودّ لو صابه جمود
شمس المحبه تصهره وتميّعه

وإن سآل في مجراه وأروى كل عود
أخضرّت أوراقه ولانت أفرعه

واليا طلبت وصال ناقضة الجعود
دوّر على اللي بالحيا متشبّعه

واظفر بذات الدين من حمر الخدود
يلقى بها قلبك مناه ومطمعه

واعلم بأن العمر ينقص مايزود
واللي يفوتك منْه صعْب ترجّعه

ولا تنْظر (( لماضيك )) لأنّه مايعود
فكر بحاضرك (( الجديد )) وسنّعه

وأبذل عشان (( أحلامك )) أضعاف الجهود
وباب (( الأمل )) بين المحاني شَرّعه

وأثْبت لنفسك بين (( خلق الله )) وجود
ودوّر على اللي (( قَدْر )) نفسك يرفعه

وإذا فتَر عزمك (( وحسّيت )) بْبرود
حفّز خفوقك (( بالطموح )) وشجّـعـه

نفسك بيدك تْقودها (( للعز )) قود
وتارد بها !!! عدٍّ (( قراحٍ )) منبعه

وهذي خلاصة (( تجربة )) عدّة عقود
وبْخط وافين (( الخصال )) موقَّعَه

مضمونها يروي (( معاطيش )) الكبود
ويلقى بها (( العاقل )) مناه ومطمعه

_ سعد بن جدﻻن_

حـُـلم ,hmsraqi ,غَيْم ..! معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

,hugl fHk hgulv dkrw lhd.,]L tvdr hgydl

نقل

مميز

دام

لنا

جمال

ذوقك

فرح معجب بهذا

انتقاء مميز
يعطيك العافية على جمال طرحك
لك الورد ..

فرح معجب بهذا

شكرا من القلب لا خلا ولا عدم

واظفر بذات الدين من حمر الخدود
يلقى بها قلبك مناه ومطمعه

واعلم بأن العمر ينقص مايزود
واللي يفوتك منْه صعْب ترجّعه

نقل مميز تسلم الانامل

تِسَلّمْ الأيَادِيْ
ولآحُرمِناْ مِنْ جَزيلِ عَطّائك
دُمتْ ودامَ نبضُ متصفحك
متوهّجاً بِروَعَةْ مَا تِطَرحْ
لروحَكَ جِنآئِن وَرديهّ

شكرا لك على الموضوع
يعطيك العافيه
احترامي

..

فاح العبق وأندلق عطركم يا احبة
لاجف مداد هذا السكب
يأبى آلآبدآع آلآ وآن يگون ملازما لكم
صفَحَه ترتَقِي بِالْجمَال الْعَاطِر
لَاعَدَمَنَا رَوْعَة مَجُهُوْدِكم
دُمْتم بِوِد وَكُل الْوَرْد

سلمت يمناك
يعطيك الف عافيه
في انتظار جديدك بكل شوق