إستفهامات شعرية

ابتسم للوقت واضحك للحياه
‏لا يروح الوقت .. في هم ونكد

‏عيش يومك واحتسب للي وراه
‏من يعد الوقت يبلش في العدد ..!

:

ماعلمك طول الغياب إني كبير
‏وإني على كثر إشتياقي ما أتبعك

‏ماقلت لك قبل التمادي استخير
‏خل العناد اللي غدابك ينفعك ..!

من عادتي أرقى سنود على مرقاب
‏ماألتف للي كثر حگيه في قفاي

‏أمضي على الطيب يوم الطيب طاب
‏لي في قرب نسل الأحرار أبوي وخوالي ..!

ماني صديق اللي يشيل بقلبه
‏انا صديق الطيّبين الندّر

‏أشباهي اللي طيبته من قلبه
‏يسامح المخطي قبل يتعذّر ..!

؛

استر عيوب الناس تستر عيوبك
‏يا اللـي لسانك للمخاليق فضّاح

‏واترك ذنوب الخلق وانظر ذنوبك
‏ ترى الزمن دوّار ،، والسّر ينباح ..!

وينك؟ تعال الجو بعدك ولا شي
ما فاح ريحانه و لا اهتز عوده

بسألك سؤال وبعدها الله معاك
‏تصنعت الغرام ولا جد حبيت ؟

و راك يا حبل المودة تراخيت
ليه أنثنى طولك و هو كان مشدود؟

؛

اللي بدون أسباب يزعل علينا
‏خلوه يزعل لين يلقى له أسباب ..!

؛
ماكل من تعرفه ترتاح لأطباعه
‏الناس فالقلب من قيمة مواقفها

‏تقابل انسان وعيونك على الساعه
‏وانسان لاقابلك ودك توقفها ..!