بحبك يا مصر ... وبعشق ترابك

#1 25-Sep-2021, 05:58 AM


	بحبك يا مصر ... وبعشق ترابك بَحِبِّكْ يامصر بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أميره .. وأحبِّكْ يا مصرْ . بحبِّكْ ملايه .. ومنديلْ بِقُويا . مقالبْ من أختى .. وغتَاته مْنْ أخويا . ودعوه مِنْ أمى .. تنسينى همِّى .. وحِكْمَه مْنْ أبويا. وأحبِّكْ صبيِّه .. على البحرْ جايَّه .. فى ساعةْ عصَارى . ونسمه قُبَالْها .. تطيَّرْ فى شالْها .. تبَيِّنْ جمالها .. وتِرجعْ تدارى . وأحبِّكْ مراكبْ .. تعدِّى إللِّى راكبْ .. لبرْ الأمانْ . يدوبْ جوَّا نيلكْ .. ويعطشْ يجيلكْ .. يقوللِّكْ كمانْ . وأقابلِكْ ببُوسه .. فى زفِّةْ عروسه .. ولَمَّه فى بيتنا .. مع ولادْ حارتْنا .. تدُقْ المزاهرْ .. ترُدْ المزامرْ .. تزَغْردْ جارتْنا . نهلِّلْ .. نغنى .. وحلمْ التمنِّى .. ينورْ ليليتنا . وأحبِّك زياره لبيتْ عمْ سيدْ .. ده أصله فقير مِشْ حيقْدرْ يعَيِّدْ .. نعَيِّدْ عليه .. نفرَّحْ عنِيهْ .. ويدعيلْنا دعوه بمليونْ جنيه . فى أرضِكْ يحِسْ الغريبْ إنُّه مصرى .. وإحنا الأجانبْ . ويلْقَى الرعايهْ .. ويلْقَى الحمايهْ .. على كلْ جانبْ . ويمشى ف ربوعِكْ .. ويشبعْ بجوعِكْ .. ويعملْ مصايبْ . ويرحلْ وينسى .. جِميلِكْ ويقْسَى .. ويطْلَعْ يعايبْ . ويرْجعْ تسامْحى .. يا ساكنه فْ ملامحى .. يا سِتْ الحبايبْ . ولادِكْ بَنُوكى .. بروحْهُمْ فَدُوكى .. ويِشْهدْ عليهمْ ترابكْ فى سينا . ومنهُمْ با عوكى .. عشانْ الشِيروكِى .. وفيلا فْ مارينا . يعيشوا فى خيرِكْ .. ويدُّوهْ لغيركْ .. ولادْ اللَّذِينا . ولوْ جارْ زمانْهمْ .. يعودُوا لْمكانهمْ .. يلاقوا السَكينَهْ . وتِنْسِى جحودْهمْ .. وتبكى عليهمْ .. عنيكى الحزينهْ . فى أرضكْ سرَحْتْ .. فشَلْتْ ونَجَحْتْ .. وعشْتْ بْبساطَهْ . صاحِبتْ الحمَامْ .. ونِمْتْ فْ سلامْ .. ولوَْ عَ البلاطهْ . تِغَيَّرْ فى شَكلى ..همومى ومشَاكْلى .. لكِنْ روحى لأْ . أعَبَّرْ بغنْوهْ .. وأقولْ نُكتهْ حلوهْ .. لكِنْ يأسْ لأْ . ما طيقْشْ الغَتاتهْ .. وقلبى المسالمْ ما يعرفْ شّماتهْ .. وأقولْ بالتلاتهْ .. بحبك بحبك بحبك يامصـــــر

حـُـلم ,لسعة عشق ,ندى الورد .. و 3 آخرون معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

fpf; dh lwv >>> ,fuar jvhf;

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أخلاقك في بيتك	البارونه	•₪• زاوية حرة •₪•	8	02-Jun-2025 11:40 PM
ارجوك لا تصنع معاقاً فى بيتك	همس الاحساس	• الحمل والولادة , عالم الطفل	13	12-Oct-2024 12:47 PM
كيف تحافظين على اسرار بيتك	سليدا	•₪• الحياة الزوجية •₪•	16	28-Sep-2024 11:13 AM
القلب بيتك والميانه طايحه	السكب 12	احاسيس الشيلات والقصائد الشعرية الصوتيه	11	28-Jan-2024 06:20 PM

فـعـآلـيـآت آلـمـنـتـدى

الإهداءات

بحبك يا مصر ... وبعشق ترابك

بحبك يا مصر ... وبعشق ترابك بَحِبِّكْ يامصر بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ .