تستفز الريح جنحان الحمام

تستفز الريح جنحان الحمام

تستفز الريح جنحان الحمام
وللسما رغم الهبايب مرجعه

ما أعرف الرمي من تحت الحزام
ولاني بـ تبّاعة / ولا ( إمّعة )

مجلس يكثر به اللغو الحرام
به شفاهي عن حكاي مشمّعة

مالهم مصلوح فيني و السلام
وغيري اللي مدحهم له يسمعه :

مايحبونه ، ولكن له مقام
ذا : يطبّل له ، وذاك : يلمّعه ..!

حشمتي لوجيه من مثلي حشام
و قدرهم فوق الثريا ، أرفعه ،

ان بقى في قلبي ل غالي كلام
أنثره قبل الظروف / تجمعه

من يضيّع خوتي وسط الزحام
ما أدور فزعته بالـ معمعة ،

و من حفر لي ، بالسريرة و الظلام
ما انكسر من ما حفر غير اضلعه

و من يحاول يوجع ب رمي السهام
ما أحقق له لو ابطى / مطمعه

عاقلة ، واوزن عتابي و الملام
لو دموعي بالمعاتب ، موجعة

هادية من داخلي مثل السلام
و خاطري مثل الفصول الاربعة

راضية و مسامحة لاجيت انام
للزعل جلباب ماضي ، و انزعه

ما أضرْ ، و ما أحب الانتقام
( للدعاء ، بيبان صدر مشرّعه )

لمس الروح ,حـُـلم ,رونق معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

jsjt. hgvdp [kphk hgplhl