الصمت والبوح

الصمت والبوح

انا الصمت الذي خلفه كثير من الحكي والبوح
‏ولكن ماعرفت احكي شعورٍ عاش ب اعماقي

‏انا فيني جروحٍ مايداويها طبيب جروح
‏ولايعرف بما في داخلي ياكود خلاّقي

‏اساير وقتي بضحكه ولو ان داخلي مجروح
‏وضحكاتي سلاحي .. كل ماكوني علي ضاقي

‏اغني للسما والطير .. وابكي للورق وانوح
‏وانا ما شكي لاحد همي .. ابوحه داخل اوراقي

‏انالي حرف يحكيني وسري له ترى مفضوح
‏يواسيني ويفهمني واشوفه درعي الواقي

‏احس انه يضم الجرح بيدينه .. احسه روح
‏انا ما احسه الا اغلى محبيني وعشاقي

‏علاقتنا تعدت شاعر وحرفه بكل وضوح
‏ولاغيري بعينه لاق وغيره لي مالاقي

‏ولايحتاج اقول الوضع ياحرفي وهو مشروح
‏وتعرف قلبي اللي غير طعم المُر ما ذاقي ..

الحان

متيم ,حـُـلم ,بحر المشاعر و 8 آخرون معجبون بهذا

شغف ,الحر ,نبُض جآمح ❥ ,الجادل ,احمد حماد ,احساس عاشق ,* السلطان * ,غَيْم..!

المصدر: منتديات أحاسيس الليل - من قسم: • •₪• نــاي شــاعر •₪•

---

hgwlj ,hgf,p