البرد قاسي.. والدفـا فيـه ذكـراك

البرد قاسي.. والدفـا فيـه ذكـراك

لاح الفجر ياللـي وعـدك أول الليـل
في طرفي اللي ماسهـر ليـل لـولاك
راح الظلام آمال .. لاح الفجـر ويـل
واستسلمـت لليـاس نفـس ٍ تحـرّاك
فات الوعد.. مات الوعد.. مابقي حيل
الا عيـونٍ تنظـر هنـاك و هـنـاك
لاح الفجر وجهـه عصافيـر ونخيـل
يضحك .. وتبكي في يدينـي هدايـاك
ياموعدي ليلـة شتـا والمطـر سيـل
والبرد قاسي.. والدفـا فيـه ذكـراك
فيه انتظاري موت .. لولا المواصيـل
واحترت في موتين .. وصلك وفرقـاك
ان غبت اخاف ان الحزن يطوي الحيل
وان جيت اخاف اموت فرحه بلقيـاك
يهنـاك نومـك وانتظـاري تساهيـل
ياللي الخجل ردّك عن اللـي تمنّـاك
ليت الوفا فارس .. وليت الزمن خيـل
ماكان قلبـي فـي غيابـك تباطـاك
لـولاي احبـك ماعشقتـك غرابيـل
أو صارت عيوبك بعينـي ..مزايـاك
أو جبت لك من دون ترسل مراسيـل
عذرك.. وقلت العيب واللـوم عـدّاك
حبي لك أكبر مـن وعـد أول الليـل
وان غبت تكفي عن حضورك .. نواياك

حـُـلم ,غَيْم..! ,نبض القوافي و 3 آخرون معجبون بهذا

يقين ,لمس الروح ,سلطان الزين

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

hgfv] rhsd>> ,hg]tJh tdJi `;Jvh;