تجين نموت ؟
يجوز ان الممات أحلى
غريبه من الممات نخاف
أحد منا سبق مات ورجع خبّر
وش اللي في مماته شاف ؟
يجوز ان الممات أحلى
مدام إن السنين إلي
قضتنا بالحياة إعجاف
يجوز ان الممات أحلى
بطعم الكستنا والتوت
تجين نموت ؟
يقولوا..
والحكي في ذمة الراوي
بإن اللي يموت يعيش
تجين نموت ؟
ونفهم ويش
معنى " يعيش " ؟
تعالي لحظه نتأمل
حياة الموت !!
يجوز ان الممات أحلى
تجين نموت ؟
تجين نموت ؟
نتكفن ؟
مدام أول فصل أبيض
أظن اللي بعد أحسن
وأظن فراق هالدنيا
سهل .. عادي ..
ويتعوض
تعالي نجرب إنا نموت
ونفرح موت
ونترك من يبي يحزن..
لحزنه لو يبي يحزن
وحنا نموت
يجوز ان الممات أحلى
تجين نموت ؟
تعالي
وانظري حولك
تبي قربي .. وأبي قربك
ولاني قادر أوصل لك
وفكرنا وفكرنا
وشحّت معظم حلولك
وانا حلـّي بإنا نموت
وبعد الموت نتلاقى
تعانق مهجتي سهولك
وخلينا من الدنيا
وخلي اللي يفوت يفوت
يجوز ان الممات أحلى
تجين نموت ؟
تجين نموت ؟
نتوفى ...
تعالي توسدي صدري
وخلي هالجفن يغفى
وأنا بغفى
إلين نموت
يجوز ان الجرح يشفى
بعد مـ/ نموت
يجوز إنا اذا صحينا
بنصحى خارج المنفى
ونصحى في حياة الموت
ونبحر وحدنا ندوّر
على مرفى
بيقبلنا بامانينا
مثل ما احنا
يجوز ان الممات أحلى !!
تجين نموت ؟
مقتل
إفتح يا قبر بابك خلـص متنا شبعنا موت
................... نبي نبدى العشق بدري نبي نزهر من ترابك
نبي نصحى شجر وارف نظلل تربتك بالتوت
.................... نبي لا هفهف الغربي ترفرف فوقنا اسرابك
أبي غصني اذا مال الحبيب وضمني بـِسْكوت
............ صدى صوتي حفيف بمسمعه يهمس ( أنا احبابك )
الإهداءات
15-Aug-2021, 10:37 PM
تجين نموت
العرض الشجري