ابتدينا فاول المشوار لحظه وانتهينا

ابتدينا فاول المشوار لحظه وانتهينا

عدة ابيات علها تنال القليل من اعجابكم


لاتقول ان الزمن غدار وان الحكم جاير
الزمن مايعترف باللي لنا واللي علينا


آه من طعم الفراق وآه من كبر الخساير
ليتنا من حجنا قبل الموادع سالمينا


ياعيوني ياعيوني لا تهلين العباير
ابتدينا فاول المشوار لحظه وانتهينا


ادري ان الجرح ينزف وادري ان الدم فاير
وادري اللي باعنا مهوب راجع يشترينا


عظم الله اجرنا في موت صافيت الضماير
والبقى في راس من حفظو رياض الصالحينا


الليالي تدرج فالوقت واتدور الدواير
ماتغيرها الحقايق لن زعلنا وان رضينا


وانت ياللي من بدايتنا معك فالوصل حاير
تدري ان الوصل والهجران ماهو في يدينا


لنت مخلص فالغرام اللي تقول ولنت ذاير
مستفدنا من غرامك لن كتبنا وان قرينا


ادري انك في مفارقنا تسوقين البشاير
مير روح امع السلامه لا نجيك ولا تجينا


سامح الله من بنا بالحلم في وصلك عماير
اكتفينا مثل ماقالو من الهم اكتفينا

حـُـلم ,الحر ,ودّ✯ و 4 آخرون معجبون بهذا

* السلطان * ,غنج أنثى ,يقين ,غَيْم..!

المصدر: منتديات أحاسيس الليل - من قسم: • •₪• نــاي شــاعر •₪•

---

hfj]dkh th,g hgla,hv gp/i ,hkjidkh