انا ادري ان الجهل آفه دائما والعلم نور

اقتباس:

المشاركة الأصلية كتبت بواسطة خالد

سؤال وجهته لاحد الشاعرات المميزات احببت ان يكون تحت انظاركم وفي حالة ردها ساورده هنا



ياشاعرتنا لو نقول ان الشعر حس وشعور
واش ياخذ امن الاوله واش ياخذ امن الثانيه



هل الشعور اللي يخلي للشعر نقطة عبور
او ان احاسيس القصيد اتولع النيرانيه



ازريت اخمن واش كتب يالشاعره بين السطور
رغم اعتزازي بالقصيد العذب والقيفانيه


وانا ادري ان الجهل آفه دائما والعلم نور
والشعر جزء امن الشعور بداخل الانسانيه


لو القريحه شابها احيان شي امن الفتور
لابد ماترجع بعنف وتفتح البيبانيه


ياما تغنو قبلنا الشعار في بدر البدور
واهدوهم احساس الوله في مجمل الالحانيه


وياما كتب في مدح من غاصو بعبات البحور
اهل الفعول اللي ترجح كامل الميزانيه


اما نسميهم اسودن ضاريه والا نمور
والا سيوفن فالملاقا تتعب الفرسانيه


واحيان يكتب غيض كامن في دهالز الصدور
اما هدم بنيانيه والا عمر بنيانيه


واحيان ننصح به شعوب اتلف مرات وتدور
واحيان نقطف به ثمر جل الغصون الدانيه


مثل الضيافه فالمجالس للنشاما والبخور
مطرزه بحلا عطور الورد والريحانه


لوكان فيها عمي بعض احيانا واتدرج بعور
بس الفهيم اللي يميز زاهي الالوانيه


المدرك اللي يعرف اللي ينكتب بين السطور
اليا قرا يرسم لها من فكرته عنوانيه

هلاء وغلاء
تسمح لى الرد ع الابيات
؟؟؟؟؟