طرد المقفي...

طرد المقفي...

يا الله عسى باقي حياتك تساهيل
روح وانأ باروح والشك زايل

إنا سمحت من العنى والبهاذيل
من لا يودك جعل دربه سهايل

طرد المقفي عيب عند الرياجيل
مثل الذي يطرد سراب القوايل

لا واردً عدً ولا صادر محيل
يا تايه الخطوه ترقب وخايل

لا تلتفت للي مضى واعدل الميل
دور على غيري وتلقى الهوايل

صبري وصل حده طفح عندي الكيل
عجزت اضحي لك واسوق الجمايل

لا والله الا مقديً فيك بالحيل
هذي سوات اللي يدور خمايل

طبعي كذا ما أحب أجامل ولا أعيل
وتغثني كلمة ترى فلان قايل

من يستمع للهرج والقال والقيل
يتوه في دنياه ناشد وسايل

راحت حياته كل بوها غرابيل
يا عنك بعض الناس للهم شايل

حـُـلم ,عطر المساء ,يقين و 2 آخرون معجبون بهذا

غَيْم ..! ,مسگ

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

'v] hglrtd>>>