عزالله اني كنت من قبل مغليه

عزالله اني كنت من قبل مغليه

عدة ابيات اضعها امام انظاركم علها تنال القليل من اعجابكم



بعض العرب مدري واش اللي مخبيه
سوسة نخل لويعجبك في كلامه



مدري يجيب الهرج والا يوديه
عجزت لعرف بعدها واش نظامه



تبت يدين اللي يخاويه وايديه
خوت فلس مدري عذاب وندامه



عزالله اني كنت من قبل مغليه
لين اكتشفت انه نزل في مقامه



ماكنت في بعض المواضيع مسخيه
واليوم يالله من غلاه السلامه



بعته برخص وكنت من قبل شاريه
عليه من بعض السوالف ملامه



طعن الظهر ماني من الناس راعيه
ابعد عنه لو بعض الاشخاص سامه



اما الصديق اللي ليا قلت لبيه
يقول لك لبيه حب وكرامه



هذاك شفي جعل ربي يخليه
عزيز قوم اوواضحن في مرامه



واقول له لبيه لاجيب طاريه
يالهامه اللي ماتعلاك هامه



واتعب على حرف الجزاله واسويه
واحط لاحساس المتابع علامه



وان جبت كل اللي بقلبي مخبيه
غني على غصن الطرب ياحمامه

حـُـلم ,عاشق الغيم ,* السلطان * و 4 آخرون معجبون بهذا

غَيْم ..! ,N@gh@m ,لا أشبه أحد ,نَبض

المصدر: منتديات أحاسيس الليل - من قسم: • •₪• نــاي شــاعر •₪•

---

u.hggi hkd ;kj lk rfg lygdi