سيف العشق ~للشاعر مساعد الرشيدي.. رحمه الله

سيف العشق ~للشاعر مساعد الرشيدي.. رحمه الله

كيف أطفي الريح بثيابك وكيف اشعلك
كيف اتنثر على جمرك وكيف احتويك

نقضت ليل الحرير وجيت ماانت ل هلك
سمّيت باللي فتني بك وقلت ابتديك

هذا اول الدرب او هذا الطريق اولك
جيت آتوقّا عذابات المدى ..واهتديك

شوقي مسافة وهمساتك مدار وفلك
ان ماظميتك غلى ..ياعلني ماارتويك

إية اعرفك واعرف اني من غلاك اجهلك
مرات اضمّك واخاف اني مشبة عليك

مرات اشوفك بنفس الوقت واتخيلك
وانشد كفوفي عن اخر سالفة من يديك

أعنّ لك لو تصّب الموت ...واتهيّلك
واجوع لك وآتمنى خنجرك واشتهيك

ماقلت لك عمر سيف العشق مايقتلك
ماتشوفني حي قدامك وانا اموت فيك

اشتقت لك قبل اجيك وجيت واشتقت لك
البارحة طول ليلي بين هذي ..وذيك

مليت جمر انتظارك واستحيت أسألك
واحسبتني ما بعد جيتك وفكرت اجيك

اثرك بقلبي من البارح وانا استعجلك
واثري نسيتك من الفرحة وقمت احتريك

مساعد الرشيدي.. رحمه الله

*اللي يعرف يشرح معنى الشطر الأول في مطلع القصيده
له هديه (كيف اطفي الريح في ثيابك وكيف اشعلك)

حـُـلم ,فرح ,غَيْم ..! و 3 آخرون معجبون بهذا

احساس عاشق ,لا أشبه أحد ,* السلطان *

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

sdt hguar Zggahuv lshu] hgvad]d>> vpli hggi