ابشرك / فريق المسك

ابشرك / فريق المسك

ابشـرك

للشاعـر / شريـان الديحانـي



يا مقصر العمر لا ترجع على شاني
طاريك روح و ضيع بالهوى صيته
أبشرك ..بادي أتعلق بأحد ثاني
بادي أحبه ..واشيد بالصدر بيته!
بادي أعيشه غلا من كل وجداني
بادي أسميه ..كل اللي تسميته!
بادي أخلي
ه الأول ..ماهو الثاني!
بادي أشوف بقصيدتي يبتدي بيته..
بادي أخليه ..يعشقني ويهواني
بادي كثير..وكثير اللي تهقويته..
ذاك لو بس يضحك تضحك أحزاني
هذاك هو الحبيب اللي تمنيته..
هذاك وافي ..وعوض كل خلاني
هذاك من وين ما يصعد ..تعليته..
هذاك..لو ضعت بالدنيا بيلقاني
هذاك ما أعرف أحزاني ليا جيته!..
هذاك أحبه كثر كرهي لحرماني
واموت به حيل و اتجدد ليا طريته..
عساي أموته غلا ..وألقاه يحياني
وعساه يبقى في قلبي مشتد بيته

حـُـلم ,فرح ,غَيْم ..! معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

hfav; L tvdr hgls;