شوفتك تِنعِشْ عُروق الجسم وتهديني / فريق المسك

شوفتك تِنعِشْ عُروق الجسم وتهديني / فريق المسك

ومن كلامك سحر بابل أو خمر دارينـي
ومن جمالك ظاهره منها البشر منحاسـه

لويشوفك عابدٍ شـارف علـى الستينـي
دق قلبـه للحـيـاه وللهوى مـرواسـه

ولو تمرين بدوي راعـي نيـاق ودينـي
يحترق بنه ويرمي مـن يـده محماسـه

ولو يشوفك (دانتي)ماجاب لـو حرفينـي
يرجع بخفـي حنيـن ويقطـع الكراسـه

ولو (نيوتن) يلمحك بيصير لـه قولينـي
قال أسـاس الجاذبيـه عينـك النعاسـه

ولو نظرك أدولف هتلر صاحب التمكيني
كان ماعدوه بارز مـن كبـار الساسـه

ولو رميتـي بيتهوفـن ضيـع التلحينـي
وأعلن بدنيا الموسيقا واللحـون افلاسـه

عذبينـي بالبعـاد وعـودي واحييـنـي
مثل مايحيي الهميل مـن الشجـر يباسـه

وزعليني ياغلاتـي وارجعـي راضينـي
واغمريني فـي حنـان القامـه المياسـه

والله اني مثـل وادٍ لـه ثمـان اسنينـي
ينتظر هامي السحاب ويرتجـي رجاسـه

كل مايشرق صباح اهديك دمعـة عينـي
مع عبير العود والجـوري ونفحـة آسـه

شوفتك تنعش عـروق الجسـم وتهدينـي
فرجي لي من هواجس فكري ووسواسـه

تبت عن غيرك وجيتك مثـل ماجيتينـي
يأاكسجين الروح يفديـك الغـرام وناسـه

اتركيني من سواليـف الوحـل والطينـي
وحدثيني عن حديث الجوهـره والماسـه

قد حلفت برب يوسـف والفلـق والتينـي
انك اجمل من ذوات البشـره الحساسـه

حـُـلم ,hmsraqi ,فرح و 1 آخرون معجبون بهذا

غَيْم ..!

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

a,tj; jAkuAaX uEv,r hg[sl ,ji]dkd L tvdr hgls;