عسى بعض الكلام اللي على هيئة حياة يدوم

عسى بعض الكلام اللي على هيئة حياة يدوم

::::


عصي البوح شيمتك السكوت وطبعك الكتمان
تحاصرك الطواري والهواجس حارمتك النوم

يبكيك المطر ومداعب النسمات للأغصان
وفي صدرك كلام وفي عيونك لا ابتسمت علوم

تداري عن عيون اللي يشوفك ندبة الحرمان
وللحرمان في وجه يصد من العيون وسوم

خذلك الظن يا موهوم لا تشره على الخلان
غفت عين العتب من بعد ما سالت دموع اللوم

هي الأيام هذا طبعها من سالف الازمان
من المؤسف بعد رغد الطموح تدور المقسوم

ياندمان السهر مافيه كاس ينسى الندمان
قصيدة ! سالفة ! بشرى تسلي خاطر المهموم

يداويني كلام وفي مراعاة الشعور إحسان
عسى بعض الكلام اللي على هيئة حياة يدوم

تبي مني شفوفي مايبي كسري من النعمان
عزيز النفس عن درب يورده الهوام يشوم

وش مخليك تستحوذ علي ! ياللي هواك إدمان
تجيني ذكرياتك جية الحاجة على المعدوم

عليك أنت البنفسج صار قطعا سيد الالوان
طبيعي ان المكان اللي تمره دايما مزحوم


———

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

usn fuq hg;ghl hggd ugn idzm pdhm d],l