لو تهون النفس حبك ما يهون

لو تهون النفس حبك ما يهون

لا تشكك فالغلا دامك تمون
وأنت تسكن بين قلب وبين عين

لو تهون النفس حبك ما يهون
ما تغيره الليالي والسنين

شف تفاصيل المحبة فالعيون
واضحة حتى لو ان قلبي حزين

الصدود يزيد فالقلب الطعون
والوصال يزيد عمر العاشقين

وأنت كيفك لو تبي رد الديون
فأعتبر وصلك معي تسديد دين

لا يموت الحب وأموت مغبون
وأنت ما ترضى تضر المسلمين

اعرفك دايم تجي فوق الظنون
ما تسمع في كلام العاذلين

وتعرف ان قلبي مثل غر المزون
لو يهل يجود لك شوق وحنين

بادره بالوصل لا تبطي .. وكون
مثل ما كان يتمسك فيك لين

قالو العالم وصل حد الجنون
وأنا من حبك وصلت الفرقدين

ايه احبك وأنت تدري وش تكون
يالجمال اللي يسر الناظرين

في هدب عينك ورمشك والجفون
سحر هاروت ف بلاد الرافدين

حطني فيها ولحفني بهون
وأعتبرني أول المستشهدين

حـُـلم ,غَيْم ..! ,مشاعر ليل و 3 آخرون معجبون بهذا

الحر ,لا أشبه أحد ,احساس عاشق

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

g, ji,k hgkts pf; lh di,k