واللي وصل نص الغلا / فريق المسك

واللي وصل نص الغلا / فريق المسك

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنيـاك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اللـه يعز غاليك
وإن كان لـي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك

شايف غلاهم لِك .. أكثر أنا أغليك
واللي وِصَل ( نِص الغلا ) يمكن أمّك

حـُـلم ,hmsraqi ,فرح معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

,hggd ,wg kw hgygh L tvdr hgls;