غريب الاطوار اسم على مسمى

غريب الاطوار اسم على مسمى

السلام عليكم ورحمة الله وبركاته اليوم اشوف نفسي لي مزاج اكتب منها اطرح ماعندي ومنها أسليكم
أحب أقول ترا كثير مننا يخطي بفهم الامور بالحياه ومهما يكبر الانسان يبقى يتعلم احب اقول للجميع العمر مراحل وكل مرحله لها اجواء ومتطلبات ورغبات يعني عمر ال 15 الى 20 الافكار والمزاج وكل شي اختلف تماما لما وصل مرحلة 25 وينتقد نفسه كيف كان تفكيره وقتها ويدخل بمرحلة جديده ويوصل ال 35 يتغير كل شي كان يحبه ويميل له
المهم وهذي نصيحة مني لكم أجمل مابالحياه شي جميل جدا الوالدين واذا ماتصدقون أسألوا من فقدهم رحمة الله عليهم
بعد رحيلهم تغيرت الحياه كامله كل المراحل الي مرت هي وافكارها تافهه جدا وتكتشف ان فيه شي جميل لكن ماكنا نعرف جماله بالدرجه هذي الا بعد فقدانه
زبدة القول لو مهما يصف لك شي شعور معين ماراح توصل الاحساس الي هو يبيك تفهمه
وعلى سبيل المثال فقدت والديني رحمة الله عليهم وكانت صدمه كبيره بالنسبه لي تغير طعم الاكل تغيرت الالوان بعيني تغير كل شي بحياتي رحمة الله عليهم
اما الشعور الثاني فهو صدمه لكل شخص او شرحته لكن يبقى صدمه
بعد فقدان الوالدين رحمة الله عليهم وجت مرحلة الزواج وجوا الابناء هنا الصدمه الي ماكنا نعرفها شفنا غلا الابناء والبنات فلذات الكبد ما اتتمنى اي شي يمسهم من حبك وخوفك عليهم
هنا الصدمه لانه ماكنت تعرف ان هذا شعور والديك عليك يالله رحمتك وارحمهم وارحم اموات المسلمين

غريب الاطوار لم اختار هذا الاسم عبث واسموني به من عاشرني ودخل بحياتي احب اسولف لكم شوي عن غريب الاطوار
كل شي يتعلق بالماضي الي مر علي ويخصني هذا اجمل شي جميع صديق مر علي وحتى لو عشرة بسيطه ابحث عنه ولازم اقابله اعيد الماضي والذكريات وايام ما كانوا والدينا عايشين رحمة الله عليهم زملاء الدراسه اتواصل معاهم واحزن على من فارقناهم المهم لي ماضي جميل كنت محبوب ولازلت بفضل الله سبحانه
شخص مر بحياتي واول حياتي واول عمري واول مافتح القلب على الحياه شخص كان يكبرني بسنه تعرفنا انا بثاني متوسط والشخص بثالث متوسط ..
على فكرة نسيت اقول شي ظروري عن العلاقات العاطفيه زمان ايوالي خلق الكون لاتقارن نهائي بالوقت هذا يعني حب عذري روحاني يعني جلسة مع من تحب وكلام جميل خالي من مايشوه ويعكر المحبه وكان الحب حب طبعا فيه تلفون ارضي بس بالنسبه للبنات فيه صعوبه شوي وبالنسبه لعلاقتي كانت الرسائل وسيلتنا يعني يوم اسمع اغنية محمد عبده لاتردين الرسايل ويش اسوي بالورق وكل معنى للمحبه ذاب فيها واحترق

غبنا عن بعض سنين وسنين مايقارب 31 سنه ايوالله وكبرنا وعيالنا كبروا لكن جلست ادور هالانسان هذا رغم التكنلوجيا الي حنا فيها عجزت الى ان توصلت لانسان وسالته تعرف الشخص الفلاني قال اعرفه فرحت من قلبي انه عايش بس صار عندي فضول ودي اكلمه لا لشي بس اذكره بماضينا واقوله شف كم سنه 31 او اكثر والله مانسيتك
جاب لي جواله الشخص هذا وصرت بشعور غريب معقوله هذا فلان ولقيته وذكرياتنا وياما سهرنا وبكينا وتلوعنا
المهم جازفت بالرساله كانت مقاله ماهي رساله بديت فيها معقوله انك فلان احمد الله انك حي وطيب انا من خبرك والله ادورك وانا اليوم سعيد حتى لو مارديت علي كلام طويل بدون ما اذكر من الله والله العظيم دام حلفت بالله الكلام هذا قبل 33 سنه
المهم بعد يومين رد علي ويشهد الله نفس ماكان عليه احييت شخص ميت بداخله رجعته لجنًونه بي لكن الظروف لاتسمح لازم اغادر ونغادر بعض برغبتنا لان كل شي مايسمح الان
زبدة الكلام شفته لمحه ليتني ماشفته الكبر ماخذ حقه وحتى الصوت والملامح تاكدت الي مضى لا يعود واستغلوا كل يوم انتوا فيه حتى تصبح الحياه حلوه
احدن بالدنيا سعيد ومرتاح .. واحدن بها دايم تعيس وشكاوي ..
لاتلومني ياشوق في ماضين راح .. ذي دبرة الله وماعلى الرب قاوي
ياما سهرنا لين اصبح الاصباح .. وياما تهقوينا وخابت هقاوي

اتمنى ان كتبت لكم شي يونسك حفظكم الله ورعاكم

حـُـلم ,غَيْم..! ,عشق و 3 آخرون معجبون بهذا

عطر المساء ,* السلطان * ,همس الاحساس

المصدر: منتديات أحاسيس الليل - من قسم: •₪• زاوية حرة •₪•

---

yvdf hgh',hv hsl ugn lsln

لكل عمر حلاوته
ومثل ما ذكرت كل ما كبرنا تفكيرنا ونظرتنا للامور تتغير ،
والله يرحم الوالدين ويرزقك بر عيالك
يعطيك العافية ع الفضفضة الحلوة
عساك ع القوة

[quote0]. المهم بعد يومين رد علي ويشهد الله نفس ماكان عليه احييت شخص ميت بداخله رجعته لجنًونه بي لكن الظروف لاتسمح لازم اغادر ونغادر بعض برغبتنا لان كل شي مايسمح الان [/quote0]

ليش لا زم تغادرون
ماتتواصلون مثل قبل
والان اسهل جولات مكالمات فيديو !
وحتى اذا انت بمدينه وهو بمدينه. >>> لقافة الحريم

الله يرحم والدينك ويرحم امي
وفعلا الحياه من غير ام ناقصه .
يعطيك العافيه
كلام جميل وانبسطت وانا اقراءها

شكرا همس على كلامك الجميل وابشرك كبرت وتعلمت صينية الفرن وشغلات كثيره ما ابي افصح عنها الان

ياهلا وغلا بمسك ماودنا نفترق لكن هذاك الوقت له ظروفه والان يالله حسن الخاتمه صار عندها ماشاءالله بنات وعيال واصبحت جده وانا جاي ادور الماضي وحنينه مافيه شي يشفي حرقة القلب الا البكاء الماضي جميل ولكن حزين الذكريات لاتغيب لكن هذي سنة الحياه وذكرتيني بهالابيات


لما كيفه طاب وراق .. جاني نادم على الفراق ..
جاء يذكرني بحنين قد نسيته من سنين ،، شفت دمعه في عينيه
تقولي لاتقسى عليه .. الهوى ماله امان ذا حبيبك مهما كان .
سرت وقلبي في صراع .. بين رغبة وامتناع .. ماني داري اعمل ايه
ارجع لحبه ولا ايه ..
الله يعلم الشعور الي بي الان وشو يكفي عندي شوق وعندي حنين ربي يحفظ عيالك ما سميت شوق وحنين من عبث لاوالله ماودي اكمل احيانا اتفاعل مع مايدو بالخاطر وانسى نفسي

مسگ معجب بهذا

[quote0]. ياهلا وغلا بمسك ماودنا نفترق لكن هذاك الوقت له ظروفه والان يالله حسن الخاتمه صار عندها ماشاءالله بنات وعيال واصبحت جده وانا جاي ادور الماضي وحنينه مافيه شي يشفي حرقة القلب الا البكاء الماضي جميل ولكن حزين الذكريات لاتغيب لكن هذي سنة الحياه وذكرتيني بهالابيات [/quote0]


ايوووه انا فكرته صديق ي غريب الاطوار
ماتوقعت تكون أمراه *_*
وعشان كذا قلت ليش وش المانع ماتتواصلون !

الف

شكر

لطرحك

المميز

مسگ معجب بهذا

شكرا على مرورك اخي الغالي السلطان والله يا اختي مسك هذا الكلام مرحله عندي وعدت وصارت مثل الاحلام الى ان وصلت الى مرحلة هيهات ان يتحرك القلب لذلك الشعور

مسگ معجب بهذا

موضوع راقي برقي حضورك
يعطيك العافية ولا عدمناك

-


الف شكر ع جمال ما قراءتهـ
وهذا حال تفرق او تجمع
الله يطول بـ عمرك وعمر الجميع
يغفر ويرحم والدينك . ويغفر لي أمي وأبوي وموتي المسلمين

يعطيك العافيهـ