كثير من الطلبة بيلاقوا صعوبة فى فهم بعض النصوص الانجليزية – لكن انت تقدر تستعين بصديق – صديق مخلص لا يكل ولا يمل من مساعدتك فى أى وقت لو انت بتستخدم متصفح Google Chrome تقدر تنزل له اضافة اسمها Google Translate –
هو دة اللى حيبقى صديقك الوفى طول الوقت – اليك الخطوات السهلة :
اول حاجة اضغط هنا للذهاب لصفحة الاضافة ثم اضغط على زر Add to Chrome
بعد التنزيل ما يتم – بياخد ثوانى فقط – حتظهر لك فى متصفح كروم – فوق على يمين شريط العناوين – ايقونة زرقاء فيها حرف G – زى الصورة المنشورة فوق – اضغط عليها بالزر الايمن للماوس – ثم من القائمة اللى حتظهر لك اضغط على Options
امام My primary language اختار Arabic
لا تغير شئ آخر – فقط اضغط على Save
والان جرب ان تفتح أى صفحة مكتوبة باللغة الانجليزية – أو أى لغة اجنبية.. المانى ايطالى فرنسى اسبانى صينى يابانى.. أى لغة – واختار أى كلمة او جملة مش فاهمها – بانك تضغط بالماوس على اول الكلمة ومن غير ما تشيل ايدك تمر على باقى الكلمة او الجملة حتى نهايتها – حتلاقيها بقت بخلفية زرقاء – واول ما تشيل ايدك من زر الماوس حتظهر لك ايقونة زرقاء – اضغط عليها حيظهر لك شباك فيه المعنى بالعربى – وكمان حتلاقى ايقونة سماعة – اضغط عليها عشان تسمع النطق السليم للكلمة او الجملة باللغة الاصلية
شكرا لك على الموضوع الجميل و المفيد
جزاك الله الف خير على كل ما تقدمه لهذا المنتدى
ننتظر ابداعاتك الجميلة بفارغ الصبر..
بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك يا رب..