بيت من الطين ( الجزء السابع والاخير )

بيت من الطين ( الجزء السابع والاخير )

الجزء السابع


ام سالم : يالولدي انافي خاطري ترتاح وتتنبه لشغلك وتخلي هذي المسكينه نوره تروح لزوجها ولشيبانها

قال جاسم : ياام سالم انا منتبه لشغلي واعمالي ونوره هي اللي الوصل بيني وبينكم ومانبغي حكي الناس اللي ماله داعي ونوره فتره بسيطه لين يرجع ابوسالم من السفر وترجع لزوجها
ام سالم : ياولدي ودي اسئلك ومستحيه منك ابوسالم يكلمنا يقول انه طيب وبخير ودي اسئلك عن مرضه وعن علاجه يوم انت متابع حالته
قال جاسم : يام سالم سرك حال ابوسالم طيب وبخير والتقاريره كل اسبوع تجيني وصحه في تحسن والله يقومه بسلامه
في بيت ابوسالم

حصه : اسمعك تكلمين مع جاسم عن ابوي ابوي عسى مافيه شئ
ام سالم : لا يابنتي ابشرك ابوك طيب وبخير واسأله عن كيف حالته لانه هو اللي يتابع حالته في الخارج وابوك تعرفينه مايقول شئ الا انا طيب وبخير
فحبيب اسال جاسم عن حالته الصحية وبشرني الرجال ان ابوك طيب وبخير
حصة : الله يسلمه والله يقوم ابوي بسلامه . يمه الاختبارت النهائيه على الابواب وماقدرت اذاكر فكري كله مع ابووي ومشعلني
ام سالم : حصووه ابوك بس المشغل بالك متاكده ولا ......
حصة : يام سالم فكري والله انه مع ابوي الحين واللي في بالك صحيح بس ابوي فديت تراب ارجوله هو اللي شاغل فكري
ام سالم : مرت على حصه وتضربها بكتفها وهي تقول بس ابوك وهي تضحك
حصه : يمه صدقيني مو وقت مزحك الثقيل
في هذي الاثناء الا نوره داخله عليهم وشافت ام سالم وحصه يضحكون وكانها وحده من العايله قالت
نوره : يارب الضحكه تدووم وبرجعه ابوسالم لكم
قالت ام سالم : نوره سمعتي حصووه شتقول
نوره : ويش تقول
حصه : يماااااه
ام سالم : تقول ان الامتحاتات قربت وان فكرها مشغول في بوها بس
نوره : وهي صادقه مسكينه البنيه تفكر في ابوها المريض ولاهي في حال شئ ثاني ولا احط في ذمتي شئ يام سالم
حصه : نوير انتي مع ام سالم اجتمعتوا ويش فيكني منكم اقول اخليكم اروح افتح لي كتاب ابرك من سوالفكم اللي مالها معنى وهي تضحك
ضحكوا كلهم مع بعض الثلاث

في المستشفى في الخارج

ابوسالم على السرير الابيض مركب عليه مغذي وحالته الصحيه مستقره
بصدفه كان معه منووم شخص اسمه علي فاذا ضاق ابوسالم راح يزور علي .
وعلي بالمثل

دخل علي :على ابوسالم وشافه ضايق وشارد الذهن وكان يناديه يابو سالم !!يابوسالم وبوسالم ماانتبه له فحركه بيده فنتبه ابوسالم قال سم
قال علي : صارلي ساعه وانا اناديك ماترد علي
قال ابوسالم : ياخوي الاتواخذي راح فكري عند عويلي واشتقت لهم .
قال له علي : هانت يابوسالم راح الكثير مابقى الاالقليل قال ابو سالم :صدقت بعدها اعتذر ابوسالم لعلي من
عدم الرد عليه يوم كان يناديه قال له علي هذي مرينا قيها وانا اخوك في هذي الاثنا دخلت الممرضه عليه فقالت
صباح الخير ردوعليها صباح النور عطت ابوسالم الدواء وجلست تشيك على الحراره والضغط وطلعت الممرضه
فقال علي يابوسالم حنا هنا اكثر من اخوان وصحيح مهوب ناقصنا الا شوقة عيالنا وربعنا ضحكوا شوي مع بعض

في مكتب جاسم

جاسم في مكتبه يرن تلفون المكتب

جاسم : الو يس دكتور
الدكتور : حاله ابوسالم مستقره الحين ويقدر يخرج من المستشفى
جاسم : طيب يالدكتور واشكرك على جهودك معنا في علاج ابوسالم
الدكتور : لا شكر على واجب

انتهت المكالمه مع الدكتور
واخذ جواله واتصل على نوره
جاسم : الو وينك في البيت
نوره : لا عند عمتي ام سالم صوتك فرااحان فرحني معك
جاسم : ابشرك ابوسالم خلص علاجه وهوطيب وبخير واسمحوله بالخروج من المستشفى
نوره : من فرحتها لولشت وتضحك وعندها ام سالم وحصه الله يبشرك ياخوي ابشر بابشرهم

ام سالم : نوير وشفيك تلولشين تشوفينا في حاله فرح وابونا منوم في الخارج
نوره : ابشركم ابوسالم طيب وبخير واسمحوا له بالخروج من المستشفى
حصه : بدون شعور لولشت وتضحك وتقول الله يخلي لك جاسم والله ماننسى فضله علينا بعد الله
ام سالم : الله يبشركم بالخير صدقتي بابنتي جاسم فضله علينا بعد الله
نوره : جاسم ماسوى شئ ومسوى الاالواجب
سمعت ريم وسالم الولاش فطلعت من حجرتها قالت من تزوج حصه انخطبت من جاسم
هنا وجه حصه صااار احمر من الخجل وبكت وراحت مسرعه لغرفتها
ام سالم : لا يابنتي ابوك طلع من المستشفى وبيجي قريب
ريم : طيب ليه حصه راحت لغرفتها تبكي
نوره : فيها انك احرجتيها يام لسانين وراحت نوره وراها لغرفتها
وشافتها منسدحها على سريرها وتبكي من احراج اختها لها ومن فرحتها بابوها وسلامته ماعليك من كلام ريم
حصه : وصوتها مبحوح ومتقطع من البكى انا ماعلي من ريمووه بس انحرجت وفرحانه بسلامت ابوي
نوره : يعني مهوب علشان جاسم
حصه : نوير خلينا من هذا الكلام الحين انتي صرتي اقرب لي من امي وتعرفين كل شئ صح
نوره : صح ويعلم الله ان غلاتك الحين من غلات جاسم ولا زود تصدقين بشئ
حصه : شنو
نوره : تصدقين ان جاسم يغار منك انتي وامك
حصه : ليه
نوره : لاني اقوله ان حصه وامها اغلامنك ولا مثل حبي لك
حصه : نوير لاتبالغين ترى اخوك وحيدك
نوره : صدقيني مابالغ
حصه :هذا من طيبك وكرم اخلاقك الطيبه
نوره : وانتوا بصراحه تنحبوون
حصه : الله يحبك ويخلي لك اخوك وامك وزوجك

رجع ابوسالم من رحلة العلاج بعد ثلاث اشهر وكانت صحته على احسن حال .


وبعد فتره من رجوعه خطب جاسم حصه من ابوها فوافق ابوسالم
وتزوج جاسم من حصه وسافر معها شهر عسل ورجعوا الى بيت ابوها
وقال جاسم ياعم ابوسالم اترك انت وعيالك هذي المنطقه واسكنك باحسن فيلا في المدينه فرفض ابوسالم وقال الانتقال الى المدينه
وعاش جاسم وحصه حياه سعيده وكان مع غناه والرفاهيه لا يرتاح الافي بيت الطين بيت ابوسالم

وتمت القصه

حـُـلم ,Eashqi ,مسگ و 2 آخرون معجبون بهذا

سلطان الزين ,N@gh@m

المصدر: منتديات أحاسيس الليل - من قسم: •₪• حــكي الغــيم •₪•

---

fdj lk hg'dk ( hg[.x hgshfu ,hghodv )

وعاش جاسم وحصه حياه سعيده وكان مع غناه والرفاهيه لا يرتاح الافي بيت الطين بيت ابوسالم

بيت من الطين ( الجزء السابع والاخير )
وإكتملت القصة بـ النهاية السعيدة
وإكتمل الإبداع فيها
بهذا التسلسل المتناسق
وبـ القلم الرحب الخيال
تمنياتي بـ المزيد من القصص الوافعية
والمزيد من النجاح والتوفيق
كل التقدير
تحياتي
لـ الحصري
كافة الإضافات .

ابو صالح معجب بهذا

N@gh@m


تسلمين على روعه وجمال مرورك الراقي

المهم مع بعض يعيشون السعاده بمعناها الحقيقي.


لك الورد ياجميل

ابو صالح معجب بهذا

اقتباس:

المشاركة الأصلية كتبت بواسطة سلطان الزين

المهم مع بعض يعيشون السعاده بمعناها الحقيقي.


لك الورد ياجميل

سلطان الزين

تسلم على روعه وجمال مرورك الراقي

قصة جميلة ورائعة
سلمت اناملك الذهبية
يعطيك العافيه

ابو صالح معجب بهذا

اقتباس:

المشاركة الأصلية كتبت بواسطة عاشق انفاسك

قصة جميلة ورائعة
سلمت اناملك الذهبية
يعطيك العافيه

عاشق انفاسك


تسلم على روعه وجمال مرورك الراقي

يعطيك الف عااافيه ابو صالح
سرد مميز
تقييمي..

ابو صالح معجب بهذا

اقتباس:

المشاركة الأصلية كتبت بواسطة مسگ

يعطيك الف عااافيه ابو صالح
سرد مميز
تقييمي..

مسگ

تسلمين على روعه وجمال مرورك الراقي

يعطيك العافيه لـ سردك
ولـ نهاية جدآ ممتعه وسعيدهه..
الف شكر الك ..

ابو صالح معجب بهذا