أخطيت والعاقل يعدل خطاياه

أخطيت والعاقل يعدل خطاياه

أخطيت والعاقل يعدل خطاياه
من الخطأ ما فيه نفس معصومة

أكبر خطأ طاوعت قلبي و سواه
يوم إني أعمر بيوت مهدومة

يخدعني الصاحب بضحكة ثناياه
و أزود همومي و أخفف همومه

لين الزمن رده و حده على اقصاه
عيت سلومي لا توافق سلومه

حرصي على اللي تبهج الصدر لاماه
مالي ومال اللي تردت عزومه

قررت توديعه بغمره وحناه
أنا بدوي ما في ذرة نعومة

بعت الرخيص بلاش والحمد لله
حصلت لي في السوق لاش يسومه

لاش شرى له لاش مثله وشرواه
الله يلوم اللايم اللي يلومه

علقة وأكلناها و درس وفهمناه
ما فات مات ولا نجدد رسومه

الوقت ما يرحم ليا حد شلفاه
يصحي الغافل من اعز نومه

والصاحب الغالي عسى اللاش يفداه
طاري طاريه و لزومي لزومه

ذكري يماري به و يطلق محياه
يا جعل يومي ينكتب قبل يومه

والا الضعيف اللي صفاته محناه
ذكري يسبب له على الكبد سومة

قسمه ومقسومه و حقه و ما جاه
من دون لا ندخل معه في خصومة

اللي ليا منه هرج حك علباه
غده ولا تأخذ جدايد علومه

لو إن ما فالأرض غير أنت و اياه
إرمه وكفن صحبته في هدومه

والا أتركه و تجيه ناس تلقاه
من نفس قومه والا من غير قومه

اليوم حتى الذيب يرعى مع الشاه
ما أقول غير الله يعز الحكومة

وصل العطياني

زهرة الشمس ,غَيْم..! ,نَبض معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

Ho'dj ,hguhrg du]g o'hdhi

::

اختيار موفق
طبت

سلطان الزين معجب بهذا

انتقاء جميل
يعطيك العافية على جمال الطرح
ل روحك الفرح ..

سلطان الزين معجب بهذا

كل الشكر لمروركم العطر

سلمت اياديك على الطرح القيم
ما ننحرم من فيض عطائك وإبداعك

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري