يامتعب القلب قلي ويش غلطاتي

يامتعب القلب قلي ويش غلطاتي

متعب القلب قلي .. ويش غلطاتي
ان كنت انا اقدر اعدلهـا .. بعدلهـا
لاصرت تجهل عناء الدنيا .. وضيقاتي
من دون ماشرح لك اوضاعي تأملها
الوقت ضدي .. حرمني من ملذاتـي
والصد بعدك ذبح روحي .. وكملهـا
لا يغرك كثير الصمت .. وسكاتي
خل المشاعر تقول ( الآه ) وإسألهـا
يسكني الحب .. واضح من عباراتـي
وش عاد لجلك حروفي لـو أذللها
عذبني الشوق واسرفـت بخيالاتـي
روح ٍ تحبك دخيلك ليه .. تهملها
ياليتك إشوي تشعـر فـي معاناتـي
دنياك يمكن عليك تضيـق باكملهـا
الحزن كنه سفيـري فـي علاقاتـي
والهم خيّم على حالـي .. وطولهـا
اغديت دربي وتاهت فيـك خطواتـي
كل المواعيد مدري ليـش تجهلهـا
سنين احاول وضاعت كـل حيلاتـي
ماتدري اني ( حيـاة الـذّل ) مقبلهـا
لجيتك أسال وادوّر فيـك ضحكاتـي
كنك تعمد بيديـك اليـوم .. تقتلهـا
لا تترك الظـن يلعـب باحتمالاتـي
الكلمه اللي تحزّ بخاطـرك .. قلهـا
تعال شفني وحـس بحـال لوعاتـي
كن الدقايق بدونـك عـام مطولهـا
متى التباشر بقدوم ( الغـلا ) تاتـي
فرحة زماني بشوفـك مـا تخيلهـا
خلاص صبري تعـدى كـل هقواتـي
اتعبت نفسي ( اعزيهـا .. وعللها )
ابيك تنسى وتدمـح كـل ( زلاتـي)
بعض البشر صعب مانقـدر نزعلهـا
والحين جيتك ابمسح كـل غلطاتـي
دنيا ي دونـك وربـي ماتحملهـا

زهرة الشمس ,غَيْم..! معجبون بهذا

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

dhljuf hgrgf rgd ,da yg'hjd

يعطيك العافية على جمال الطرح
ل روحك الفرح ..

اقف اجلالا واحتراما وتوقيرا لكلماتكِ الراقية
حروفكِ عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمتِ بصحة وسعاده

طرح جميـــــل ..||
دام التألق ... ودام عطاء نبضك
كل الشكر لهذا الإبداع,والتميز...!!
وبآنتظار روائع جديدك بكل شوق...!
ودي وعبق وردي ..||

::

اختيار موفق
طبت

سلمت اياديك على الطرح القيم
ما ننحرم من فيض عطائك وإبداعك