منتديات أحاسيس الليل - لا تنخدع بالناس في كل لمه..!

منتديات أحاسيس الليل (http://www.a7-lil.com/vb/index.php)

- • •₪• عذب الحروف لـ الشعر المنقول •₪• (http://www.a7-lil.com/vb/forumdisplay.php?f=32)

- - لا تنخدع بالناس في كل لمه..! (http://www.a7-lil.com/vb/showthread.php?t=7780)

لا تنخدع بالناس في كل لمه..!

يا صاحبي صدر الشقي زاد همه
ولا له على كثر الهواجيس راده

ايه التجارب بالأمور المهمه
تعطيك عن بعض الوجيه الإفاده

تنبيك من للهرج فعله يتمه
وتكشف لك اصحاب الرخاء والركاده

لا تنخدع بالناس في كل لمه
الحر تبرز قيمته في هداده

ياقف معك واحد يعوضك الأمه
أخير من أمه تزيدك نكاده

والناقص اليا جتك منه المذمه
من حيث لا يدري منحك الإشاده

خله بغيظه كل ما فار دمه
تحرقه ناره لين يصبح رماده

لا صار ما عنده على المجد همه
ما خلّد التاريخ حلم الوساده

ولا كل من يصعد وصل راس قمه
بعض الصعود يبين فيه ارتداده

والغيب ما نعلم بكيفه وكمّه
والعمر لا من راح ماله إعاده

وبالدرب لو نمشي على غير يمه
نفقد زمام السيطره والقياده

ولا أحدٍ يحجب الشمس بأطراف كمه
مثل الحقايق ضد بند الإباده

الله يبيح اللي حكابي بنمه
والله يسامح من سعى بالزياده

والله يبيح أقسى الأمور المهمه
اللي عطتني عن رداهم شهاده