منتديات أحاسيس الليل - القلب المكسور

أهل جايبين بنتهم المستشفى مغمى عليها من البكاء نتيجه إنهيار عصبي، فهمنا من الأم إنه كان زعل بينها وبين زوجها والزوجه عصبت جدا وبدأت تتشنج لحد ما وصلت للمرحلة هاي...
الغريب إن ملامح الزوج ماكان متأثر نهائي مش فارق معاه اي شىء وجاي معهم غصب عنه تقريبًا، واقف برا المستشفى كل اللي فارق معاه إنه بدوا الموضوع يخلص ويروحوا.
اجت له مكالمة وضل يصرخ ويقول هي كل يومين تعمل نفس الموضوع ونجيبها على المستشفي؟!! ..
المكالمة كانت طويلة وكلها قسوة، وصار يقول
".. لا مش رح ادخل لها، أمها معها جوة بعدين براضيها بكلمتين لما تخرج ونروح" البيت
مرت ساعة وما كان مبين على ملامح الزوج غير الجحود...
لحد ما اجت اللحظة اللي الأمن نادى فيها على اسمها
وقام الرجل بامتعاض شديد حتى يشوف شو صار ،
وقال له كلمتين...
"البقاء لله زوجتك توفت تعال عشان والدتها مغمي عليها جوه!"
كانت الكلمة كافية إن الزوج يوقع على الأرض في لحظتها واتحول الجحود على وجهه لبكاء شديد، وصراخ وهستيريا طفل مش رجال كبير!!
كان يردد: "خلص والله قولولها ترجع، وأنا مش رح ازعلها مره ثانيه، ما رح اضايقها ولا امد إيدي عليها خلص أنا غلطان والله، أنا كنت بفكرها بتكذب لما كانت بتقول قلبي بيوجعني

الزوجه أتوفت نتيجة الإصابة بمتلازمة القلب المكسور،
أو ما يعرف بـ
"Broken heart syndrome"
ويعرف ايضا باحتشاء عضلة القلب

واللي أحد أهم أسبابها فعلا الشعور بالحزن المستمر والضيق والضغط العصبي. والزعل الشديد

كل الناس راحوا يطبطبوا عليه ويشيلوه من على الارض
للاسف الحياة مش دايمًا راح تعطيك فرصة تصلح اللي خربته؟! شفت إن قسوتك عليها ما عملت شىء الا انها خذتها منك للأبد ! رفضت تدخل تراضيها بكلمتين كان ممكن يكونو فارقين معها
رغم إن القدر نافذ لكن على الأقل مش رح تعيش مكسور من بعده وحاسس بالذنب.

بلاش القسوة وبلاش العناد وبلاش تأجلوا تصليحكم للغلط، الحياة مش على مزاجك وما رح تتركك تختار الوقت اللي تصلح فيه غلطك...

الحياة مش دايما رح تعطيك الفرصة اللي أنت عايزها!
في ناس بتفكر ان الزعل والنكد المستمر عادى مش رح يفرق....
تسميم البدن المستمر وكسر النفس والضغط العصبى المستمر عادى... بيتخيلو ان الى قدامهم جبل او ما بيحس..
بيضغطوه وهما مفكرين انه رح ينضغط ويعيش حياة سعيدة....
لا هو يا بيعيش حياة تعيسة.. ورح ينفجر... او رح يموت اصلا ..
لا تسلموا انفسكم للزعل الشديد
مهما كانت الاسباب..اعطوا فرصه للخروج من دائرة الخلافات والزعل .. لحتى ما يضعف القلب ويبطل يتحمل

منقول لحتى نأكد لكم انها حصلت كثير وبتحصل ورح تحصل🥺🥺🥺