منتديات أحاسيس الليل - الدم واحد لامشى فالشرايين

منتديات أحاسيس الليل (http://www.a7-lil.com/vb/index.php)

- • •₪• نــاي شــاعر •₪• (http://www.a7-lil.com/vb/forumdisplay.php?f=12)

- - الدم واحد لامشى فالشرايين (http://www.a7-lil.com/vb/showthread.php?t=28797)

الدم واحد لامشى فالشرايين

ابيات قليله تعبر عن نفسها

ياصاحبي معاد باقي عناوين
تعبت واتعبت القوافي والاوزان

تعال ابكتب لك من الشعر بيتين
قصة غرامن عشتها سالف ازمان

ابعتبرها طيش من بين قوسين
واقول فيها كان في بعض ماكان

عشقت روح الروح من خمسه اسنين
عشقتها والعشق في بعض الاجيان

يصيب قلب العاشقين المساكين
مثلي برمح الموت من خدر الاعيان

قلبي عشق من قبل ماتعشق العين
وشعري هداك امن اجمل الورد بستان

كنت اتخيل شوفتك يوم تمشين
واشوف جسمك غض والعود ريان

واقول هاذي من سلالة سلاطين
والا ملاك وتطلع ابهيئة انسان

حتى كلامك شدني يوم تحكين
فيه الفرح ممزوج مع بعض الاحزان

فيه الغلا والبعد والهجر والبين
والغنج فيه المترف اشكال والوان

ليتك عن احساس المحبين تدرين
في لحظتن فيها يغيبن الاذهان

لحظة غرام اتخلي القلب نصفين
والشوق يظهر لاكثر الناس وايبان

والله ثم والله رب المصلين
ان الحشى لك يجمل البيض مسكان

رسمت لك فالقلب نخله وسيفين
لانك وطن الا بعد كل الاوطان

تسلطنيبه غصب حتى تموتين
وان مت قبلك يسترونه بالاكفان

وانتي وانا من ملحقين المخلين
اهل الفخر والفعل والسيف شامان

الدم واحد لا مشى فالشرايين
يملا عروق القلب شريان شريان

اتجين والا ياحياتي تغيبين
القلب لك في كل الاحوال مسكان