منتديات أحاسيس الليل - كتبت لك حرفً يهز المشاعر

منتديات أحاسيس الليل (http://www.a7-lil.com/vb/index.php)

- • •₪• عذب الحروف لـ الشعر المنقول •₪• (http://www.a7-lil.com/vb/forumdisplay.php?f=32)

- - كتبت لك حرفً يهز المشاعر (http://www.a7-lil.com/vb/showthread.php?t=23727)

كتبت لك حرفً يهز المشاعر

كتبت لك حـرفٍ يهـز المشاعـر
‎كتبت لي سطر ٍ على الود مكتـوب

‎ابيك قلب ٍ يحمل الطيـب شاعـر
‎وابيك حـبٍ ماخذلنـي ولانـوب

‎ابي الوفاء والود حكـم المساطـر
‎بمجمل الوجدان فالعشق محبوب

‎ماتخون ودي واكتشف حب غـادر
‎كل يوم مع غيري تساقيه لعـذوب

‎ودي بشخصٍ مايخـون المشاعـر
‎ابيه حـبٍ كامـل بكـل ماجـوب

‎محتاجته في يوم تكفـي المناظـر
‎ويدوم لي حب الوفا طيب لاهـوب

‎مابيـه حـبٍ غامـرٍ بالمخاطـر
‎ابيـه حـب مـا الاقيـة مقلـوب

‎حب على وضح النقـى والمفاخـر
‎ماهو علا ذنبن عن الناس محجوب

‎مشتاق قلبي للحـروف ومساطـر
‎اخط مكتوب الغلى لـود محبـوب

‎ابيه قلـبٍ ماشـرك حـب فاجـر
‎ابيك حبٍ صافـي بكـل مرغـوب

‎اعطيه له قلبن بالاخـلاص عامـر
‎مع نور صبح ومظهره مابه عيوب

‎الله يجيب اللـي كلامـه جواهـر
‎واخلاقه أغلا من حلا كل مشـروب

‎اللي بقلبي يـا جماعـة مخاشـر
‎لو هو غدا ذنبي فلا عنـه أتـوب

هذي من قصائدي القديمة
بس بمسمى غير ذكريات
السنين