منتديات أحاسيس الليل - زله من لسان .....

سلام الله بعد مالبارق اللي فالسمـا قـد لاح
اقوله والقصيـد يجملـه طرقـي وقيفانـي

معاني في معاني ياكُثُرها والقلوب صحـاح
من اهجوسن مع الشعار تعرفنـي وتنخانـي

يامتعب واستمع للي باقوله واترك اللي راح
تراك انته مثل ياصاحبي واحد من اخوانـي

لقينا ناس ماتت مير موتتها بـدون سـلاح
ذبحها الخوف يامتعب من افلان ومن افلاني

وانا ماقول في سوق الرخامة تجني الارباح
اقـول المرجلـه وافسوقهـا لابـد تلقانـي

لكن قلي على ويش التعب والحرث يافـلاح
تبى تتعب وتحرث وانت لازارع ولاجانـي

سقيت الارض من دمك عشان الخوخ والتفاح
وخلق الله تبى التفاح في الاسـواق مجانـي

لكن المخطيه كبرت ولا جاء للخطـا دمـاح
وهي زله من لسان الردي ماهي من السانـي

يقولون الجمل طايح وانا اقول الجمل ماطاح
شداده فوق ظهره وان وسم من وسم جدانـي

تسير القافله والكلب الاسـود فالخـلا نبـاح
اثر نبح الكلاب السود يامتعب علـى شانـي

ولا لمت الكلاب السود شافت زندي القـداح
في ظلمة ليل يوم الليل خاويتـه وخاوانـي

ظفرت المعرفه والمعرفه بابِ والـه مفتـاح
ومفتاحه يبى يبقى معي لـو ربـي احيانـي

كسبت من المراجل ماكسبته والسنين اشحاح
وانا ماهمني شح الزمـن بعـد الله أعطانـي

يشح ولاذخرت الا جبينِ بالعـرق نضـاح
يوردني مواريد الرجال اطـوال الايمانـي

يقولون الضعيف دون بابه تسمع اله اصياح
وانا بالبندق ام الخمس واقـف دون بيبانـي

لكن الحاسد اللي مامعه غير الحسد ياصـاح
امانه علمه ان العمر وان طال ابـه (فانـي)

وامانه علمه والوقت مثل السـارق المـزاح
علومن من هواجيسي تجيه اشكال والوانـي

وقله دامت الدعوة بسيطه والجمـل ماطـاح
انا ماضرني نبح الكـلاب اللـي علشانـي