منتديات أحاسيس الليل - والله اني ماتركتك يوم ولو زاد الملام

منتديات أحاسيس الليل (http://www.a7-lil.com/vb/index.php)

- • •₪• عذب الحروف لـ الشعر المنقول •₪• (http://www.a7-lil.com/vb/forumdisplay.php?f=32)

- - والله اني ماتركتك يوم ولو زاد الملام (http://www.a7-lil.com/vb/showthread.php?t=1687)

والله اني ماتركتك يوم ولو زاد الملام

https://s-media-cache-ak0.pinimg.com...efc088d40d.gif
ايه "أحبـــك" دام عندي انتهت كل الوصوف

لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق و غرام..

شفت لو مجنون ليلى يرجع و حبي يشوف
اشهد انه يعترف لي حبه من حبي ظلام

لو انا بسايقه بالحب والله اني اطوف
هذا لو انه تحدى ادري بيطلب سلام

لانه عارف ان حبي ماسكن في وسط جوف
لابشر لاجن قبلي ولابعد مليون عام

لو روحي في هواك تروح ماجاني حسوف
ولا يجيني احساس ان حبي على مثلك حرام

طيفك اللي لالفاني قلت ياحي الطيوف
يابعد ربعي و خلاني وبعد كل الانام

انت ساكن وسط قلبي و البشر كلهم ضيوف
انت في عيني وربي احلى من بدر التمام

احلف بخالق جبل..وادي .. سهل..ويا كهوف
اني والله كل ماشفتك عيوني ماتنام

اسهر اتخيل عيونك وارتجف ماهو بخوف
ولا هو برد ان ياحبيبي رجفتي حب و هيام

واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتك يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلب (ن) يحبك يابعد خلاني روف
تكفى لاتقسى على قلبي انا بعدك حطام

واعرف اني لو رحلت بيوم من سبة ظروف
يعني برجع مثل مايرجع الى البيت الحمام

في النهايه لي كلمة وكلها اربع حروف
بس والله انه معانيها ماتعدي أي كلام

ايه "أحبـــك" دام عندي انتهت كل الوصوف
مالقيت الا أحبــــك شفتها احلى ختام..
https://s-media-cache-ak0.pinimg.com...85c133a1df.gif