منتديات أحاسيس الليل - ما له شبيه في المخاليق موجود !

منتديات أحاسيس الليل (http://www.a7-lil.com/vb/index.php)

- • •₪• عذب الحروف لـ الشعر المنقول •₪• (http://www.a7-lil.com/vb/forumdisplay.php?f=32)

- - ما له شبيه في المخاليق موجود ! (http://www.a7-lil.com/vb/showthread.php?t=1497)

ما له شبيه في المخاليق موجود !

يا شوق .. لا تقسى على عيونه السود
أنا دخيلك .. لا تعذب جفونه

ما زال في عمر الصبا .. ناعم العود
حرام غير الكحل يلمس عيونه

خلك ندى يا شوق.. وجناته ورود
أجمل زهور الكون .. تاهت بلونه

على صغر سنه تفرد على الخود
وتفردت فيه الوصوف الحنونه

اذا لمس ثوبه طرف صخر جلمود
صار الصخر كالغصن كله ليونه

واذا تكلم يطرب الناي والعود
وتساقطت طير السما من لحونه

وان امتزج ريقه مع بحر ممدود
صار البحر سكر عنب في غصونه

ما له شبيهٍ في المخاليق موجود
شبيه نفسه.. وقّف الحسن دونه

عمري بعد فرقاه.. ما هو بمعدود
ما للعمر ياشوق معنى بدونه

عزاي بغيابه عطا ماله حدود
طيفه يسامرني.. ويرسم فتونه

عليه من نفسي غيورٍ.. ومحسود
ويا كثر منهم في الحلا يحسدونه

حصنته بْعمّا.. وآيات من هود
يا رب.. عن عين الحواسد تصونه

هواه لوجودي مسرات ووجود
حملني يا شوق المفارق.. شجونه

لا تلمس الدمعه سنا ذيك الخدود
دنياي.. ما تسوى البكى من عيونه