كلمات سورية أصيلة ومعانيها
 

اسيييع : اوعى الزيت بمعنى ممكن تاخد طريق

اغييييييييي : هي للأبضايات وبس

تاكلك الدودة العميا : هي دودة القبر يعني الواحد يموت وياكله الدود ( بعيد الشر )

يبعتلو اتلو شو سمج : يبعتلو أتلو كمان يعني يموت ، وسمج يعني غليظ

موسوس : يعني مهووس بشغلة

وفي كمان ، عقلو جوزتين بخرج : يعني عقله صغير

متل الأطرش بالزفة : يعني مالو علاقة بالموضوع

حاج تحوص : يعني حاج تفتل وتدور

شوية لرخار : بعد شوي

بنت عمي : يعني مرتو وطبعاً والعكس

دشروا = حل عنو : يعني دعه وشأنه .. ومنه دشرني : أي حل عني

وحل عني يعني اتركني بحالي

ماني غضران : يعني لست بقادر وهي بالميداني
معبا ببنطرون : يعني واحد أجدب وجاية يحكي
ايدي بزنارك : تعبير يستخدم للتعبير عن الرجاء

دخيل الله : أيضاً تعبير والمقصود به هو الاستغاثة بالله

شعر متل الشوشة : أي أن شعره منفوش ومنكوش

وضراب السخن : وهي مسبة وتعني ( مابعرف بس مسبة )

كوكش : يعني فتش بحبش : أيضاً مفردة تعني البحث مع التمحيص

ينمحئ : ينضرب على قامتو ، يسطفل

يتحورق : كمان متل يبعتلو حمى

يتقوص : بنفس المعنى وفي كمان ( تتأمع ) هيك شي ينفس الباب كلها دعاوي تنطلق في حالة الغضب

عود يقعد رزك : ( اقعد يقعد رزك ) يعني خيلتنا حاجة تحوص والمعنى الأدق ،يقعد رزك يعني تموت والناس ياكلو رز ، لأنو لما حدى بيموت

من العادات انو بتصير عزيمة وبيطعموا الناس ( أوزي ) على روح الميت

والأوزي أكلة معروفة بالشام عبارة عن رقائق عجين محشية رز ببزاليا

وين غاطط : ياعمي وينك مو مبين

والسبع تنعام : يعني لنا الشرف

( حيط بياخدوا وحيط بيجيبو ) من كتر الترنح
منقول على يلي بيسكر ( الثمل )
مابيعرف الخمسة من الطمسة : عن الرجل اللي ماعندو ثقافة

سرّي مرّي : يلي بيخفق برات البيت لسا رايح جاية سري مري

مخبط : فايت بالحيط ، طاقق الفيوز كلهم للدلالة انو واحد ( ماعم يلاقي كلمة مناسبة ) بس يعني مخبط

مأنشح : كحتة وبيحب الشحتة ،أيدوا ماسكة ( على البخيل )

شاطط وماطط : يعني مدلع زيادة

نعيان : يعني هيك قلبو بارد

شاضومة :وعقلا صبياني يعني بنت مجلوقة يعني كيف بدي إلكن ، قليلة الأدب

شحاطة : ماانشرحت معي ، مايلبسه المرء في قدمه عندما يكون في المنزل
هههه منيح

تعسيلة : نومة بعد الظهر

ومن باب التقليع أي طرد شخص غير مرغوب فيه بجلسة؟
أضوي ، قحط ، حليق ، ورجينا عرض كتافك ، كروج

خود كريجتك وروح لعاب بعيد ، روح جبلنا دخان من موريتانيا

ومن باب تدليل المرأة لزوجها :

تقبرني ، تقبر قلبي ، ، تكفني

انشالله ما بحترمك ، سيد راسي..

ولا : أداة تستخدم في النهر والشتم

تقبرني .. من شدة المبالغة من القبر

تشكل آسي .. أي تضع تبات الآس على قبري عندما أموت

تقبش عظامي .. بنفس معنا تقبرني

كربوج .. لطيف و ودود

مهضوم .. خفيف الدم

ورقة .. ليرة (( العملة السورية ))

ليش .. لماذا

شلونك .. كيفك

شو .. ماذا

شبك .. ما بك

بدي .. أريد

هادا .. هذا

أجدب .. أحمق

طاقين فيوزاته .. مجنون

يللا .. هيا

أبضاي .. قوي و شهم

زكاتك .. لو سمحت

أديش .. كم

يسلمو .. شكرا

بوسة .. قبلة

منيح .. جيد

لعمى .. تقال من الدهشة و هي تخفيفا لكلمة : لعمش

فوت .. ادخل

اجى .. جاء

لازم .. يجب

زفت .. سيء جدا

خراس .. اخرس

سد حلقك .. اسكت نهائيا و هي ثقيلة و الأخف : سكوت

على أبو موزة .. دليل العشوائية و عدم التركيز

أبو أربع عيون .. للذي يلبس النظارة

حليق ، قحط .. اذهب

ببو .. طفل رضيع

حرامي .. لص ، سارق

زلمة .. رجل

دبدوب .. سمين أو لديه كرش

تمسيح جوخ .. مدح شخص للغاية

شحو ، ليكو .. هو ظاهر أمامك

فز .. انهض

باطل .. عيب أو عار

خاطرك .. مع السلامة

يعدمني ياك .. الله ياخدك

اضوي .. نفس قحط ، حليق

يو الواه الواه .. مفردة شهيرة جدا جدا عند النساء و الله ما عم أعرف اشرح معناتا مع إنو بعرف إيمت بتنقال

و السبع تنعام .. لنا الشرف




و المصطلحات الحموية أي من محافطة حماه ..

لك شو يا خيوه .. ماذا تريد

وينك .. أداة نداء

أعطني جبسية .. أعطني بطيخة

شرابة .. قطعة سكر أو بونبونة

أرواح .. إذهب معي

سنفور .. سرفيس

طوشة .. مشكلة أو معركة

أزوط .. أنحراف في العين (( أحول ))

تلقح .. استلقي

طواية .. صحن معدني يقلى به (( مقلاة ))

باطرش .. متبل فوقه اللحمة و البندورة

دفعو صواب بالشنتيانة جاب أجلو .. أي ضربه ضربا مبرحا بالسلاح الأبيض


أما اللهجة اللاذقانية .. أي من محافطة اللاذقية

عين ( الياء مشددة ) .. انظر

ريحة .. بارفان

خفافة .. حذاء للرياضة

السيبا .. السلم

العمىىىىىىىىىى .. تقال في حالة الصدمة الشديدة و غالبا شيء ما كويس

جلموء .. مصلحجي

معلاء .. بيتدخل بكل شي

بالورب .. بالمايل

آآآآآآآ (( مد لازم 12 حركة و فتح الفم ) .. للتعجب و الإستفهام

شفاتير .. شفايف

شحاري ، إيا عزاااااااااة .. للتعجب الكثير

.. لتعجب

وا قرود الأرض .. للتعجب الكثير

كلاكيش .. أغراض

عمشة .. وسخة

دربكو ، دعتروا .. أوقعه أرضا

زنزوءة .. مرجوحة

خروء .. ضعيف

رد: كلمات سورية أصيلة ومعانيها
 

لاك يسلمووو سلطان على هالنقل الجميل

انتقاء ثري لكلمات يتداولها السورين فيما بينهم

عبر كل المحافظات

شكرا سلطان على جمال ما طرحت

محبتي و تقديري

رد: كلمات سورية أصيلة ومعانيها
 

الشكر لمرورك العذ والجميل..

رد: كلمات سورية أصيلة ومعانيها
 

كثير حلوة اللهجة الشامية
ربي يحفظ الشام واهلها

راق لي موضوعك

مودتي

رد: كلمات سورية أصيلة ومعانيها
 

اللهم امين ..

كل الشكر لمرورك

رد: كلمات سورية أصيلة ومعانيها
 

فيضَ مَنَ الجَمــالْ الَذي سكبتهْ
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفية ..ولـآحرَمنآ منَكـً
بإنتظَآرَجَديِدكًـ بشغفَ

رد: كلمات سورية أصيلة ومعانيها
 

كل الشكر لمروركم الجميل.

رد: كلمات سورية أصيلة ومعانيها
 

رد: كلمات سورية أصيلة ومعانيها
 

طرح قيم ومفيد
يعطيك العافيه
بنتظار جديدك المميز
تحيتي
..

رد: كلمات سورية أصيلة ومعانيها
 

الله يعطيك العافيه
عل طرحك الموضوع الجميل
بنتظار جديدك