منتديات أحاسيس الليل - اعلان للي بعد ماجرب الحب...

منتديات أحاسيس الليل (http://www.a7-lil.com/vb/index.php)

- • •₪• عذب الحروف لـ الشعر المنقول •₪• (http://www.a7-lil.com/vb/forumdisplay.php?f=32)

- - اعلان للي بعد ماجرب الحب... (http://www.a7-lil.com/vb/showthread.php?t=4888)

اعلان للي بعد ماجرب الحب...

السلام عليكم للجميع ...

اليـــوم جبت لكم قصة أعجبتني ،، قراتها

لشـــاعر الكبيــر ,, محمد بن فطيس

،، قصة تحكي عن الحب

وتناقض نظرات الناس له // مابين مجرب ،، ومن لم يجرب بعد ..

تناقض النظرة للحب،، مابين شااب مندفع ،، وشاايب حكيمـ

يقول ابن فطيس ،، كنت توي شاب وجالس مع الوالد ،، وربعه .. سوالف وعلوم رجال وقــــصيد

المهم واحد من الرجال ،، قال يالربع اليوم كنت ماشي في طريقي

شفت لي بيتين شعر مكتوبه على جدار ،، تقول :

أعلان للي مابعد جرّب الحـب
...........يترك طريق الحب قدر استطاعه
فيه الهنا ياتيك ساعه ويذهـب
...........وفيه العنا ياتيك في كل ساعـه

المهم ابن فطيس يقول البيتين اعجبته ،، وقعد يفكر فيها!!

تعرفون توّهـ شباب ،، وانـــدفاعه // كان السبب لاخذه ورقه وقعد يكتب ..

المهم من باكر والرجال جالسين قال محمد يالربع ،، أنا قريت بيتين

وبقولها لكمـ :

وقال ....

اعلان للي مابعد جـرب الحـب
...........يسلك طريق الحب بس بشجاعه
فيه الوفا والغدر والصدق والكذب
...........وفيه الفراق وفيه شوق اجتماعه
حظك على حظك تشجّع وجـرب
...........ان صبت والا غير تاخذ مناعـه

ضحك والد محمد ،، وقال // من كتب هالابياات ؟ ،، قال محمد : أنا

قال أبوهـ عطني الورقة ،، و كتب عليها :

أعلان للي مابعـد جـرب الحـب
..........يتـرك طريـق مايجـوز اتباعـه
مع الرجا والخوف والياس والذنب
...........لو دام وصله ماومنـت انقطاعـه
شيئ غريب يشاع بالشرق والغرب
...........تركـه قلاعـه واتباعـه قلاعـه

المهم انا اعجتني الابيات كثير كثير وحبيت اجاريهم في بيتين لو اني مو مثل محمد وولده لاكن
طموحي اصير مثلهم وقلت ف البيتين؟؟

اعلان للي بعد ماجرب الحب..
.........يسلك طرق الحب بس ابراعه..
فيه الهنى والشوق والبعد والقرب..
........وفبه الحزن والهم كذب وخداعه..
وفيه الدموع وبه مفارق وبه حرب
.....ويعلن قوي الباس ضعف الشجاعه..
هذي دروب الحب ياسلك الدرب..
.......جرب وغامر مثل باجي الجماعه..

سمعتها الربع والجماعه وايدوني وسمعتها يدي وهو شاعر ولما خلصت قالي صح السانك..وقال جيبلي ورقه وقلم.يبتله الورقه والقلم وتم دجيجتين او ثلاث يكتب وعطاني الورقه وقالي عدها..قال فيها

اعلان للي بعد ماجرب الحب...
.......يخاف يوما مايطول نزاعه..
يترك طريقه قبل ماطاح ونكب...
.....ياخذ طرق الخير ويطول باعه

مما راق لي