بحبك يا مصر ... وبعشق ترابك
 

	بحبك يا مصر ... وبعشق ترابك بَحِبِّكْ يامصر بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أميره .. وأحبِّكْ يا مصرْ . بحبِّكْ ملايه .. ومنديلْ بِقُويا . مقالبْ من أختى .. وغتَاته مْنْ أخويا . ودعوه مِنْ أمى .. تنسينى همِّى .. وحِكْمَه مْنْ أبويا. وأحبِّكْ صبيِّه .. على البحرْ جايَّه .. فى ساعةْ عصَارى . ونسمه قُبَالْها .. تطيَّرْ فى شالْها .. تبَيِّنْ جمالها .. وتِرجعْ تدارى . وأحبِّكْ مراكبْ .. تعدِّى إللِّى راكبْ .. لبرْ الأمانْ . يدوبْ جوَّا نيلكْ .. ويعطشْ يجيلكْ .. يقوللِّكْ كمانْ . وأقابلِكْ ببُوسه .. فى زفِّةْ عروسه .. ولَمَّه فى بيتنا .. مع ولادْ حارتْنا .. تدُقْ المزاهرْ .. ترُدْ المزامرْ .. تزَغْردْ جارتْنا . نهلِّلْ .. نغنى .. وحلمْ التمنِّى .. ينورْ ليليتنا . وأحبِّك زياره لبيتْ عمْ سيدْ .. ده أصله فقير مِشْ حيقْدرْ يعَيِّدْ .. نعَيِّدْ عليه .. نفرَّحْ عنِيهْ .. ويدعيلْنا دعوه بمليونْ جنيه . فى أرضِكْ يحِسْ الغريبْ إنُّه مصرى .. وإحنا الأجانبْ . ويلْقَى الرعايهْ .. ويلْقَى الحمايهْ .. على كلْ جانبْ . ويمشى ف ربوعِكْ .. ويشبعْ بجوعِكْ .. ويعملْ مصايبْ . ويرحلْ وينسى .. جِميلِكْ ويقْسَى .. ويطْلَعْ يعايبْ . ويرْجعْ تسامْحى .. يا ساكنه فْ ملامحى .. يا سِتْ الحبايبْ . ولادِكْ بَنُوكى .. بروحْهُمْ فَدُوكى .. ويِشْهدْ عليهمْ ترابكْ فى سينا . ومنهُمْ با عوكى .. عشانْ الشِيروكِى .. وفيلا فْ مارينا . يعيشوا فى خيرِكْ .. ويدُّوهْ لغيركْ .. ولادْ اللَّذِينا . ولوْ جارْ زمانْهمْ .. يعودُوا لْمكانهمْ .. يلاقوا السَكينَهْ . وتِنْسِى جحودْهمْ .. وتبكى عليهمْ .. عنيكى الحزينهْ . فى أرضكْ سرَحْتْ .. فشَلْتْ ونَجَحْتْ .. وعشْتْ بْبساطَهْ . صاحِبتْ الحمَامْ .. ونِمْتْ فْ سلامْ .. ولوَْ عَ البلاطهْ . تِغَيَّرْ فى شَكلى ..همومى ومشَاكْلى .. لكِنْ روحى لأْ . أعَبَّرْ بغنْوهْ .. وأقولْ نُكتهْ حلوهْ .. لكِنْ يأسْ لأْ . ما طيقْشْ الغَتاتهْ .. وقلبى المسالمْ ما يعرفْ شّماتهْ .. وأقولْ بالتلاتهْ .. بحبك ** بحبك ** بحبك يامصـــــر

رد: بحبك يا مصر ... وبعشق ترابك
 

بحبك يامصـــــر

واحلى من شرفنا من مصر
نور ربي يسلم دياتك لجمال كلماتك
ربي يحفظك ويحفظ مصر

تقييمي والختم والرفع
مع الاضافه

رد: بحبك يا مصر ... وبعشق ترابك
 

بارك الله فيك...

جزاك الله خير الجزاء,

ولك الشكر والامتنان,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.

رد: بحبك يا مصر ... وبعشق ترابك
 

بَحِبِّكْ يامصر

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.


كلمات جميله نور
صح لساانك

رد: بحبك يا مصر ... وبعشق ترابك
 

حروفك تراقصت معنى الجمال
سلمت اناملك الذهبية
يعطيك العافيه

رد: بحبك يا مصر ... وبعشق ترابك
 

خاطرة جميلة جدا
يسلم احساسك ويعطيك الف عافية
بانتظار جديدك القادم
ل روحك الجوري ..

رد: بحبك يا مصر ... وبعشق ترابك
 

هنآ يخرس قلمي عن النطق ..
لكي يسجل للدهر أني نلت شرف المشاركة
في متصفحك الرائع والراقي .. !
أعجز عن الوصف .. لأن الوصف بذاته
ينحني خجلاً عندما تمر به أطيافك .. !
فدمتِ للقلم .. وللإحساس .. وللروعة أصدق مترجم
شكراً لك حتى ترضى ..
أرق تحيه ..

رد: بحبك يا مصر ... وبعشق ترابك
 

نور

تسلمين على هذا الجمال الابداع

رد: بحبك يا مصر ... وبعشق ترابك
 

سلمت يمينك..
طرح فاائق الجمال ..والروعه
تحياتي لك..

رد: بحبك يا مصر ... وبعشق ترابك