ماعاد يرضيني وفا ولا يزعلني جفا

[الَسِمًوٌ.!]

....http://img-fotki.yandex.ru/get/4400/art-polygone.4b/0_5b89e_f7e4175a_L.gif.jpg


ماعاد يرضيني وفا ولا يزعلني جفا
متساويـ(ن) في خاطري ظلم العرب وانصافها

ولا تاقف الدنيا على شمع الغرام اللي طفا
بعض الشموع انا اتعمد كسرها واتلافها

من اول لــ خفيت لي علمــ(ن) عن الناس اختفا
واليوم هذي حالتي مابه حد ما شافها

قعدت احسب وش ربحت ووش خسرت ووش صفا؟؟
ياحي روس اموالنا قبل الطمع باضعافها

تعبت ادور ف القلوب البارده ليلة دفا
والقى استغلال النفوس وكذبها واجحافها

حتى اقرب العالم لو يوقف معك وقفت وفا
اصبر وتدري وش دوافع وقفته واهدافها

عاد انت يالوجه الجديد اللي تبي وصل وصفا
احبال وصلك شوف لك ناســ(ن) تمس اطرافها

انا على موعد مع واحد وكانه مالفا
ما عاد ابي شي من السنين سمانها وعجافها

لاني عقب مارمش عيني صاحب النوم وغفا
حلفت ما رده على اشيا(ن) من عرفها عافها

العشق وامراض المحبه واستحالات الشفا
واغلب علاقاتي مع العالم اشوف انكافها

وذا الحين عن اذنك وسامحني اذا لساني هفا
نفسيتي ماعادني بـ قدر على لطافها

والموعد اللي كنت قبل شوي جالس له عفا
ما جا ودقايق موعده راحت وقدني خلافها







width=200 height=200

http://img-fotki.yandex.ru/get/4400/art-polygone.4b/0_5b89e_f7e4175a_L.gif.jpg

[مسگ]

اختيار رااائع
سلمت يمناااااك .

[يقين]

يعطيك العافيه يارب على الموضوع
دمتِ ودام ابداعك

[غَيْم..!]

طرح مميز ورائع
سلمتي على جمال طرحك
ل روحك الفرح ..

[الموج..!]

سلمت يمينك..
طرح فاائق الجمال ..والروعه
تحياتي لك..

[شمس]

طرح رآقي وأنتقـــاء مميـــز ومجهود رائـــع
الله يعطيكـ العافيه

[متعب]

تقديري واحترامي
لقلمك المبدع في الطرح والإختيار
شكراً لك ويعطيك العافيه
دام تميزك

[نبض راقي]

طَرَحَكَ رَائِعٌ وَ مُمَيَّزٌ
تُسَلِّمُ يَدِيُّكَ عَلَى رَوْعَةِ الْاِنْتِقَاءِ
دُمْتُ وَدَامَ رُقِيُّ ذَوْقِكَ

[حـُـلم]

انتقاء في غايه الروعه
سلمت يمناك
الله يعطيك الف عافيه