عقب الفقر حطّت شريحة وجــوّال

[سلطان الزين]

كانت تجيني تشتكي قلة المال ** وتصيح لاجا طـاري الفقرصيحـه

تقول ابويه دايم الدوم رحال ** وامي كبيـره سـن دايـم طريحـه

وانت الوحيد اللي لك القب ميال ** دايم يصارحني وانا له صريحه

طفله وانا معشوقها بين الاطفال ** جريح حب وطاح له في جريحه

كنا سوى نرسم على التربه امال** وأحلام تقتلها الحياه الشحيحـه

كم دمعةٍ كانت على الخد تنهال ** واذا نزلت ضاقت عليّ الفسيحـه

الله كم صرخه..وهمسه.. وموال ** الله كم جادت علينـا القريحـه

الله كم بيتٍ كتبناه يختال ** واقول انا (عبـدالله) وانتـي( مليحـه)

نخيل لومافالسما برق وخيال ** وانكذب الايـام لوهـي صحيحـه

تقول لاحطيت لك بشت وعقال ** وسخّرلك الرحمن عيشه مريحـه

اخاف تتركني على عثرة الفال ** للفقر ووجيـه الحيـاه القبيحـه

وحبيتها بين الخلايق والازوال ** حبٍ يطول الوقت محـدٍ يزيحـه

وسلمتها قلبٍ تباريه الاهوال ** وطاح الخفوق . وطيحة القب طيحه

راحت وخلتني مع القيل والقال ** شاعر صواريف الدهر تستبيحـه

ودار الزمان وغير الحال بالحال ** وجاها الزمان بكل ورده وشيحه

فلة ..وخدامه.. ولكزس.وجوال** وانا عجزت ادفع رسوم الشريحه ..

[زهرة الشمس]

متصفح رائع
طرح بمنتهى الرووعه
تسلم الانااامل يعطيك الف عاافيه
أتمنى لك مزيد من التميز
تقديري وأحترامي

[غَيْم..!]

انتقاء جميل
يعطيك العافية على جمال الطرح
ل روحك الفرح ..

[بحر المشاعر]

انتقاء جميل
يعطيك العافية على جمال الطرح

[الحر]

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري

[قلب العنا]

قصيدة رائعة جداً
شكراً لك على انتقائك الرائع
وربي يسعدك

[عبادى]

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري