عبر عن حالتك النفسية ببيت شعر

[نبض راقي]

اثر الغلا لاخالط الروح بلوى
ياويل حال اللي دخل قلبه انسان

إن صد عنّه عاش من دون سلوى
وإن واصله دايم من البعد قلقان

[زهرة الشمس]

مادام قلبي يحس ان الوطن وجهك
لاتلومه ان شاف بوجيه البشر غربه !

[نبض راقي]

نفسي اضمه ضمة تنعش الرأس
اللين اشمه عطر واسكر حلاته

أبا اختلط به روح وانفاس واحساس
وأضيعه فيني وأجمع شتاته

[زهرة الشمس]

حافظ على إللي يختارك وسط الزحام
ترى يفرق كثير عن اللي ما لقى غيرك

[يقين]

يا مرحبا باللي مر حُبه و أحياني
‏ ياواحدٍ ماكنه الا ضلعٍ من ضلوعي

[نبض راقي]

قربك حبيبي هو ترى كل الارباح
ياكبر حظي فيك لو عاد تدري

اقبل وهمي كل ما أقبلت ينزاح
هذا مكانك بالحشى وسط صدري

[زهرة الشمس]

من مد لي طيبه على نص فنجال
مديت له من صادق الطيب دله

[يقين]

لا غبت ضاق الرياض بعينى
ون جيت زان وزانت ايامى

[نبض راقي]

مـن حبني مـن جـد حبيته بجـد
صدق المشاعر واضحه في كلامي

والي يحــبك بعــض الأيــام لـوصد
لابـد يقبــــل بـه عـــظيم الهــيامي..

[زهرة الشمس]

ناس تجي نعمه وناس تجي درس
حافظ على النعمه وتعلم من الدرس

[نبض راقي]

بعض البشر يعجبك حتى احترامه
وتحب فيه اجمل صفاته وترتــاح

وان غاب تشفق في لقاه وسلامه
وإذا حضر همك من القلب ينزاح

[زهرة الشمس]

تفوق من العذارى كل حسنا
مثل فرق الثريا في سماها
ظ°
تلين الارض لا وطئْت عليها
كأن الارض يعشقها ثراها

[غَيْم..!]

عساني خفيفة حضور في كل قلبٍ أجيه
‏وجعل ما يوالف قلبي .. إلا من يحبّه ..!

[نبض راقي]

وجهك بحر و رموشك السود سياف
وبين .. الغرق والموت برق و قلاده

الشال .. لا منه تهاوى لـ الأكتاف
شعرك خطف لون الدجى من سواده

ما عاد باقي لـ الجميلات أوصاف
خذتي وصوف العالمين و زياده

[زهرة الشمس]

نختار حاجه ويقسّم ربنا حاجه
والعُبد في حكمة الخالق وتدبيره

[نبض راقي]

وين اخبيك عن نفسي و انا فيك
وكيف اشوفك بقلبي وانت عيني..â™،

[زهرة الشمس]

قولـوالمـن يـشـكي غـرابـيـل دنـياه
لاعـادفي الدنـيايـضـيـع صـلاتــه
من ذاق لـذة طــاعــة الله وتــقــواه
ماعـكرت سـود اللـيـالـي حـياتــه

[غَيْم..!]

ياليل انا وياك صرنا ولايف
‏صار السهر معتاد يا ليل للعين
‏تسري بي الأفكار مسرى العسايف
‏لين النجوم اتغيب والناس ممسين ..!

‏تصبحون على ماتحبون ^_^

[زهرة الشمس]

تلاقين الخير وين ماتكوني

يــارب لامــنــي ذكـــرتــك وصـلـيــت
وذكـرت عـفـوك وانت لاضـقـت عـوني
ضحكت ضحكة طفل لاهي وسجيت
مـاهــمــنـي لـوالـجـمـيـع اخــذلـوني

[نبض راقي]

يامنبت الأزهار عاطرة الشذا
هذا الشذا الفواح نفح شذاكا

أدعوك ياربي لتغفر حوبتي
وتعينني وتمدني بهداكا

فاقبل دعائي واستجب لرجاوتي
ماخاب يوماً من دعا ورجاكا

[زهرة الشمس]

يا حظ من تدعي له الناس بالخير
گاسب قلوب الناس مـن فعل طيبه

فـي كـل قــلـب لـه مـعـزه وتـقـديـر
وطـاريه عـند الناس كـلـن يـجيـبه

[سيف الحزن]

يا بخيل الوصل شفتك بالمنام
‏عشقت النوم و رضيت بك حلم..

[غَيْم..!]

ما عفت من الطلوع إلّا الطلوع إللي على الأكتاف
‏ولا أحب من النزول إلّا النزول ( لـ رغبة الغالي )

[نبض راقي]

مَن قال وش فيه قلبك؟ ، قلت له مدري
إحساس ما ينوصف و الحال يرثى له

من غيبته والله انّه ، ضايق صدري
اللي غيابه مخلي .. حالتي حالة

ما أنام بدري ، لو إنّي ساريٍ بدري
على رجا انّه يجيني رقم جواله

[زهرة الشمس]

اطيب من الكلمه اللي مالها داعي الصده اللي تبيّض وجه راعيها

[يقين]

واللي جعل لك فالحنايا سياده
‏بيت ومقر وعرش واملاك و ركون

‏اني لا احـبـك كل ليلة .. زيـاده
‏واني لا اباهي فيك عاقل ومجنون

‏ازود بك .. لو ماني بناقص زيادة
‏انت الوحيد اللي على كلي تمون

[نبض راقي]

أحنّ لك و أشتاق لك في كل حين
و أنا معـك أحنّ لك و أشتاق لك

مدري أنا عنّك و منك أروح ويـن
من غبتك أطلع و أروح لساحلك

ما بيـن قلبٍ تملكه و رموش عين
تسكن ملك في موطـنٍ يستاهلك

[غَيْم..!]

مسكين ياللي تحسب الواجد شوي ..
‏العافية لو تنشرى وش ثمنها ..!

[سرالهوى]

جيت أنشد الشــــيخ مير الشـيخ ما أفتاني = والشــــــــيخ وجهه بشوش ولاضحك سنه

ســمع ســــؤالي .. بــعــد رحب وحـياني = ثـم قــال : شـف شــــيخ ثاني وانشــده عنه

وأنـا ســـــؤالي: عـن اللي با الهــوى جــــاني = وأبـغى جـــوابه بحـكم الـشـرع والســـنة

الآدمـي .. لا ســــرق قــلـب آدمـي ثـــــانـي = هو مـن اهل الـنار ؟! وإلا مـن هـــل الجـنـة

[رااامز]

كنت طيب وفجأه..
تغير احساسي تعب

[غَيْم..!]

يامالك الملك يارحمن سبحانك
‏لي خمس دعوات ياربّي تحققها
‏.
‏جودك وسترك وعافيتك وغفرانك
‏والخامسه روحي من النار تعتقها ..!

[نبض راقي]

أنا سجين الحال مهما تسليت
وأنا الطليق وكل شيٍ قضبني

حريتي لا عل يا كود ياليت
ما شفت حيٍ جاد لي ماسلبني

وليت يا ليل التباريح وليت
أما محاني الحزن ولَّا كتبني

كل السما في دفتري وان تجليت
مثل الشموس غبار قبري حجبني

لي صاحبٍ وان ما تخلى تخليت
لا بد ما نهدم ولا بد نبني

[زهرة الشمس]

على الله يزين الوقت وان كان ما زآن
مقآسيـم ربي گلها .. عندنا خــيره
.
فلا غيره المعطي : ولا غيره المنان
وأمور البشر تخضع لحگمه وتقديره

[نبض راقي]

‏أحبه وأحبّ ازعله و أحبّ رضاه
دفا عمري و ترويق بالي و تفكيره

لو اني اذوق المرّ منه اقول الله
عذابٍ معاه ولا سعاده مع غيره

[زهرة الشمس]

إن غابوا الناس عني قلت آنا فدوه
إلا انت لا تغيّب عن عيني وتجفيها.

[نبض راقي]

عادتك ما تترك لغـيرك مجال
يختفون الكل اذا نـجمك لمع

يضربون بنـورك الطاغي مثال
منزلك عالي وشانك مرتفع

[زهرة الشمس]

حط له ربي . . مقام وقابلية
كل يوم يزيد بالعين احترامه

[نبض راقي]

يطيب راع الطيب من دافع الطيب
ولا الردي لو طاب . . يومين و هوّن

[زهرة الشمس]

اضحك ولا تهمك تفاهات الحياه
اللي يدقق في الحياة .. يملّها

[نبض راقي]

زاد التصنّع فالبشر والتسامي
يظهر لنا الواقع .. بشتّى الزوايا

خلك على حقك شجاعٍ عصامي
وابقى على طبعك سليم النوايا

[زهرة الشمس]

الصاحب الي كل ما ضقت تنصاه
ودك تسـمي بيـض الأيـام بإسمه

[نبض راقي]

في زمانٍ من الغرابة والعجب
كيف رغم اللي نشوفه صابرين

والكتوف شلون شالت هالتعب
كم بكى مسكين من كثر الأنين؟

مثل صوتي لا بكى قهر وعتب
ومن يقول اليوم مافي طيبين

[زهرة الشمس]

لا نام جفني ترا مانامت افكاري
ياكثـر ماني على طاريك متوفـر

علمتني فـِ حضورك اقرا اذكاري
ياليتني قبل احبك كنت مستغفر

[نبض راقي]

أصعب من فراقك الموحش سؤالك
(كيف حالك ) يااااه ياهي منك غير

شوف أحد غيرك ويســـألني بدالك
(كيف حالك) منك تتعبني كثير .!

أذكر إني ألـــــــف مره قلتهـا لك
ياحبيبي لــــو يـصــير اللي يصير

كيف حالي مرتبط في كيف حالك
دامك أنـت بخير أنــا مثـلك بخير

[زهرة الشمس]

عينن تسولفلك ب الخفى عن ملامحك
وقلبن يهذريبك تئاثير وعجاب .

[نبض راقي]

ياذا النجوم اللي سهرتني سهارى
قولي لنجم الياه يطلع مع سهيل

خلٍ احبه سر ماهو جهارى
ودي بشوفه واعسرتني المواصيل

[زهرة الشمس]

سولف عسانـي ماافقدك في حياتي
سولف وبادلني شعـورك والاشـواق

سولف وريـــح خاطـــري يا غناتي
سولف وطفـي ناري اللي بالاعماق

سولف ورب البيت هرجـك مناتي
سولف كلامك ذوق مابعده اذواق

سولف واسعدنـي واجمـع شتاتي

[نبض راقي]

أحبك .. إي والله أحبك باهتمام
حبٍ نقي ما جاه تزوير ودخيل

أبيك .. لو كل المسافات ارتطام
ولو إن دربك للمحبه مستحيل!

وابيك حتى لو بقى قلبي حطام
يبقى غلاك بداخلي شيٍ أصيل

[زهرة الشمس]

تبقى وليـــف الروح لو صـــار ماصار
وتبقى نظـــر هالعيــن لو ما اشوفك

وتبقى حبيبي انــت ماغيـــرك اختار
وتبقى الوحيد اللي سحرني وصوفك

وتبقى غرامـي لو بُعاد والزمــن جار
وتبقى الرفيـق وعايــشٍ في طيوفك

وتبقى المعنى في قصيدي والاشعار

[نبض راقي]

ما اقول مشتاقلك لا منك،،،،،تغيب
مير اني اعد الزمن في،،،،،،،،غيابك

غير الهجوس اللي توديني،وتحيب
والطارق اللي تالي الليل،،،،،،،جابك

متى على الله نلتقى قبل،،،ماأشيب
ومتى على الله باليدين،،،،،انتشابك

[زهرة الشمس]

صباحك انا واطيـاب عـــوده وفله
تطــري عليـــك وتنتثر ورد وازهار

يلــي غلاك استوطــن القلب كله
وخذ شعوري والمشاعر والاشعار

ياطيـر خــذ مرسـول قلبي وشله
واعبـر بشعـري للذي قلبي اختار

واهديه من قلبي سلامــــي وقله

[نبض راقي]

يــسعد صباح الرضا والحب وعيونك
بحات صوتك وبرد الصبح ونعاسك

والله أحـبـك محبه وأعشق جنونك
ياحلوكلمةصباح الـخـير بإحساسك

[زهرة الشمس]

الصدفة اللي جابتك يوم مرّيت
تسوى مواعيد العُمر والتلاقيّ

[نبض راقي]

ودي اضمّك لين اوجع ضلوعك
ما هي عداوه لكن حبك اتعبني

[زهرة الشمس]

تعال سولفلي عـن احلام دنياك
من ليلة البارح وانا ودي اسألك ..
تدري وش اكثر ماتمناه وياك
اقرأ ملامح ضحكتك واتأملك ..

[نبض راقي]

انشهد انك وسط قلبي تمكنت
غلاك في نون العيون ونظرها

ماغيرك اللي ساكن القلب واعلنت
لو نظرة العشاق زايد قهرها

[زهرة الشمس]

كني ملكت الكون في ساعة لقاك
وكني انولدت في جيتك عمر ثاني

[نبض راقي]

جيتك بنشـوة قلــب هذا إعترافه
أهواك أحبـك أعشقـك ماأخونك

يعني أحبك حــب أسمــه خرافه
وأقسم قسم بالله أعشق جنونك

[زهرة الشمس]

الشوق وانفاس الوله وآخر الليل
والشعر واحساسه ونفحة عبيره.
يسري بها العاشق قصيد وتعاليل
وقلب الهواوي كل طاري يثيره

[نبض راقي]

حـبـك بقـلـبي ثـابـتٍ ما تـغـيّر
والعين باقي في نظـرهـا خيالك

والبـال بامـرك يا ربيعـه مسـيّر
في رحلتـه يبقى مـداره مجالك

أنت الذي ذوقي لزيـنـك تخـيّر
يا مالك افكاري بطاغي جمالك

[زهرة الشمس]

ترى الغلا يعطى من الروح للروح ..
وأنت الذي تسكن معاليق روحي '
أسرار حبك دونها الصمت والبوح ..
وعطر المشاعر من غلاتك يفوحي '

[نبض راقي]

اصبحت بك شاعر وهايم ومعشوق
واصبحـــت لي عالم بربعـه وناسه

مايشبهك في العين والروح مخلوق
ياللي اخذتــي خافقــي من اساسه

[زهرة الشمس]

يـوم الخـلآيـق دورت خيـر الآوطــــان
انـــا وقلـــــــبـــي فـــي عيـونـك وطــنّـــا

[نبض راقي]

قـلبي مثل طفل ٍ لقا راحــته فيك
طفـلٍ يتيم … ولايـع الوقت لاعـه

تكفى ليا شفته من الشـوق يبكـيك
ضـمّه على صدرك … وهـدّ الّتياعه

خله يطير من الفرح بيـن اياديك
وينسى معك حزن الزمان وضياعه

[زهرة الشمس]

خانني التعبير مدري ويش اقـول
وحارت الكلمه على حد الشفايف
==
من لمحتك صابني صمت وذهـول
صـرت انا والشـوق واللهفه ولايف
==
كـيف اعـبر لك وتعبيري يطول
كيف اوصّف زين مملوح الوصايف

[نبض راقي]

صباحك خير ياوجه الرضا والخير
وصباحي أنت ياأجمل صباحاتي,,

[زهرة الشمس]

يا صدفةٍ تسوى عطايا زماني
ويا نعمه تسوى الفين نعمه

[غَيْم..!]

؛

الله يسامح من ذكـرت ونسانـي
وانا ادري انـي لاذكرتـه تجملـت ..!
؛

[نبض راقي]

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
"وأحنّ لك وأحتاجك أكثر من أوّل

[زهرة الشمس]

جعل زولك من أزوال العرب ما يزول
يابعد شوف بعض العـرب و أزوالها

[نبض راقي]

‏ما يشبهك في طلّتك غير القمر
اما البشر في ذمتي مالك شبيه

[زهرة الشمس]

‏جيت لك والعمر فايت ماهو مردود
وش يفوتني وأنا معك يا أجمل أحبابي .

[نبض راقي]

تـستاهل أنغام القـصايد و الأشعار
و أغـلى معانيها بك يـصير منـظوم

يـاللي بقلبـي لك موده و مقـدار
أسبـاب حبك مـابها معاتب يلوم

[رااامز]

توي صحيت من المنام وماشبع جفني
نايم وعيني مفتحه والبال بك مشغول
راا..

[زهرة الشمس]

- أنت فرحة عُمري أنت أصدق شعوري 💕.]

[نبض راقي]

رفقاً ب قلبي والله أني قوي اعزوم
لكن غرامك هد حيلي وارهقني

ترا قبل اعرفك مرتبٍ جدولٍ لـ النوم
وبعد ماعرفتك جدول النوم فارقني

[سرالهوى]

الذاكرة تعبت .. وتمسح ملفات=شي نبيه .. وشي منه استرحنا
لكنها ما تمسح .. إثنين بالذات=اللي فرحنا معه .. واللي جرحنا

[زهرة الشمس]

والعذر في بعض الأحيان مايلقى قبول
في وسع صدرٍ تحمل الزعل لين إمتلى

[نبض راقي]

صكيت باب العتب ما عاد له داعي
وعودت نفسي على الفرقا و طاريها

من كثر مـا فهمت أعاتب زادت اوجاعي
واكبر همومي رفيقي ما درى فيها

[زهرة الشمس]

مابيك تاخذني على محمل الجد
ابيك تاخذني .. نروح نتقهوى :)

[نبض راقي]

مرحبا ياقرة العين يا اعز محبوب
مرحبا يادعوةٍ كل يوم ادعا بها

لو يطول الصد والهجر قلبي مايتوب
منك روحي ماقنعت لو تزيد اتعابها

[زهرة الشمس]

أرسمك فَي عيُون المواعِيد زوّار
وحدك تجي وجيّتك تكْفي بلد

[نبض راقي]

صحيح انـا محبوب للبيض والسود
لـكـن مـا غـيـرك لقـلبي عـشـيـقي

إليا فـتحت العـين ألقـاك مـوجـود
ذكـراك ترسـم صـورتك في طريقي

لا تشعل النارين يا مخصر العـود
انـا بلـيـا عــــود زايــد حـريـقي

[زهرة الشمس]

شفت المطر كيف تفرح به الناس
انت مطر عمري وفرحة سنيني

[نبض راقي]

الـنـاس يرضيـهـا قلـيـلٍ من الـقـوت
‏وانا بجوعك عشق واعشـق سنينـك

‏اهديت لك قلبـي وهو وسط تابوت
‏شوفـي عروقـه ناشفـه مـن حنينـك

[زهرة الشمس]

ياليتني جارٌ بِقُربِ ديارِكم
‏وجِداركم مُتلازمٌ بِجداري

[نبض راقي]

بعض البشر طيبه على الناس ظاهر
مايختفي مثل القمر دوم ينشاف

[زهرة الشمس]

وَرَأيتُ بَابَ الدّارِ يَحضُن زهرةً
فَعرفتُ أنّكِ مَن سَكنتِ الدّارَ "

[نبض راقي]

مابين صدري والمقابر علاقات
بالاسم والمعنى ودفن الضحيه

الفرق بان المقبرة تدفن اموات
وانا دفنت اشياء بالصدر حي

[لهفة شوق]

لو تموت ، آحلآمنآ تبقى آلسوآلف ،
مآتنسينآ : آلليآلي .. وش حكينآ !

نبتسم ... حتى لو آن : آلحلم تآلف ،
نزرع : آلآآمآل ... لكن ، مآجنينآ ؛

ننجرح .. ونقول : عآدي ، مآيخآلف
و كل جرح .. يوصي : آلثآني علينآ !

[يقين]

احبك والهوى جاير وبحت السر لك بسطور
وقلبي ماسلا عنك ولو يتعبه مشواره
ابرسل لك مع النسمه سلام الخافق المكسور
عسى يجبر عزاه انك تجيه وتنطفي ناره

[نبض راقي]

كثر ما عندي مزاجيه وعندي ميول
يوم أكذب نفسي أقدر على تصديقها

كل يوم يمر فـ داخلي أربع فصول
والحياة تطيقني … بس أنا ما أطيقها

تكبر أحلامي وأضحك وأنا أردد وأقول
خالق الأحلام قادر على تحقيقها

[غَيْم..!]

على الزعل ، والضيق حنا كبرنا
‏ماعاد فيه اشياء تستاهل الضيق

‏واذا اعتزلنا الكل .. محد جبرنا
‏العزلة أصدق من وجيه المخاليق ..!

[نبض راقي]

غلطت زماني جيت قلبي من أقصاه
في حب شخص صار وياي سلبي

توي صحيت وعشت جو المعاناه
وتوي عرفت وقلت ياويل قلبي

[غَيْم..!]

لو شبّهوني في حضوري بـ هالناس
‏__ باكر . . تبيّن في " غيـابي " فروقي

‏كل ماسمعت بقولة العِرق دساس
‏__قمت أحمد الله في سلايل عروقي ..!

[نبض راقي]

‏بعض المشاعر لوكتبنا بها ابيات
‏تعجز حروف الشعر والقاف عنها
‏
‏مهما كتبنا وابدع الحرف هيهات
‏ينصف مشاعر شاعرٍ قد رهنها

[سرالهوى]

المعذره يا صمت لا من تكلمت=دام السكوت احيان يصبح جريمه

بعض المواقف تجبرك لا تألمت=انك تضيف لعزة النفس قيمه

[أصاايل]

ماهو خطا حبه ولا هو بَ منقود
الليَ ملا قلبيَ غلاه وحنانه
أغليه واحساسيَ بليااه مفقود
غˆإن غـابَ عنيَ مـا تغيّر مكانه

[زهرة الشمس]

بعضُ الغياب حضورٌ في مشاعرنا
كم يسكُن القلبَ أقوامٌ وإن غابوا

[نبض راقي]

الناس تعايد، وأنا ما بعد حييت
العيد ما هو عيد أن ماشفتك بعيني

أعد الأيام وانتظر جيتك لالفيت
وأحط فنجالك ولا أحدٍ يسليني.

ظنيت لاقرب العيد جيت وضميت
جروح قلبي الي منك تجفيني

[زهرة الشمس]

- ‏روحي هادئة مثل معزوفة لم يستمع إليها أحد.

[نبض راقي]

عافني يارب .. واغفر ماتعدّا
وإجعل النجده تجيني من ذراعي

[زهرة الشمس]

فيني شمـوخ الخيل .. و فيني عناااده
‏وفيني من عزة النفس حد السماء وزياده♥️

[نبض راقي]

تعال اضمك وسط صدري وارتاح
ما هي كفايه تلتقي الروح بالروح

يمكن بضمه تنتهي كل الاجراح
والهم يتلاشي من القلب ويروح

[زهرة الشمس]

دعيت ربي يبدل الحزن بأفراح
واعطاني الله دعوتي يوم جابك

[نبض راقي]

جابعھ الله .. تمطر الدنيا و تزهرها رَحابه
يوم أظلعھ من طرف قلبي وقلبي راس مالي
ظ°
أنت مثل الدعوة اللي صادفت وقت استجابه
وأنت مثل الليلة اللي .. ما تعوضها الليالي

[زهرة الشمس]

مثل المطر لا جيتني جاني الخير
اترك جميع الخلق وافرح بشوفك

[نبض راقي]

لك أيام وتبخل في دقيقة
أجل وشلون لو كانت ثواني

بخيل بالعطا ما هي طريقـة
واحد مرتاح والثاني يعاني

تعال وفك من هالصدر ضيقه
تعال ولا تفرط في حناني

أنا مليت إذا تبغي الحقيقة
ولا ودي بغيرك حب ثاني

[عذب الروح]

وياخذني لك قلبي بنار الشوق يضوي
حبيبة عيني، أنتِ الجمال وروحي لكِ توي
بسمة شفاتك ليلي بنورها يحيا
يا سعد قلبي، معاكِ الزمن يغدو حياةٍ تروي

[زهرة الشمس]

وقد ذقتُ من حلوِ الزمانِ ومرِّهِ
‏فلا الحلو أنساني هواكِ ولا المرُّ ♥️

[عذب الروح]

أشتاق لك، شوق الغريب لأهلَه...
وشوق الحروف لاسم ما تنسَّه

[سرالهوى]

اتعبت نفسي في رضا الناس وازريت =وان قلت لك راضي فـ لانيب راضي

ياخي امتلى صدري هموم وتناهيت =يا ليت صدري مثل مخباي فاضي

[مجرد حلم]

مانشدت الشمس عن حزن الغياب علمتنا الشمس نرضى بالرحيل

[زهرة الشمس]

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله !.. نزاهة ضمير ورأي
يغيب الغياب ، اللي يخلّيه !.. متواجد

لاتشره عليّ يوم أبتسم في وجيه عداي
محبّيني !.. أكثر من معاديني ، بـ واجد...

[سلطان الزين]

كن سنداً لنفسك لا تنتظر شيئاً من أحد ."

[رااامز]

.
.
من البارح ما غمضت عيني ولا نامت
معك سارح في ذكرى من ثلاث سنين
راا..

[سرالهوى]

‏اغمض واقهر الدمعه واقول بخير=وانا ضيقي بصدري واصلٍ حده

.حلفت انك معي تبقى حسبتك غير=واشوفك رحت وقت الضيق والشده

[غَيْم..!]

ماني من اللي يشكي الحال والوجد
‏ لا المدح يطربني ولا القدح ينقصني

‏ومن يسعى للطولات و قمة المجد
‏ يجي في مسعاه ضاري قلبه ما يثني ..!

[زهرة الشمس]

عاداتنا شامخه وهذي طبايعنا
والحمدالله على إلهامه مراسينا
مانشتري بالكرامه شخص بايعنا
ولا نبيع بكنوز الأرض شارينـــا...

[نبض راقي]

غرامك و جور الوقت والبعد والتفكير
في دنيا العنا كيف أتحاشا مخالبها

أرسل لك أشواقي مع الشكر والتقديّر
لو أن بسمة فؤادي عنا الوقت ناهبها

ومع أشواق قلبي شعر ما خانه التعبير
بيوته .. مثل ماجات ماني مرتبهااا .

[عيسى العنزي]

شكرا لك
على الموضوع القيم والجميل
يعطيك العافية
احترامي

[عَازِفه الْحُرُوفُ]

الوقت يمشي والليالي تدور
والعمر ما يرجع ورا لو نبيه
اصبر على الدنيا ترا الصبر نور
واللي معه صبر يلاقي رضيه

[غَيْم..!]

؛




عزت علي نفسي ونفسي عزيزه
‏ماهيب ترضى موقف الذل والهون

‏الله جعل فيها الكرامه . . غريزه
‏يا أكون في راس الهرم " ولا ما أكون..!

[يقين]

لو يبور الملا ما احسب حبيبي يبور
‏واحسب اني اموت ولا يموت الوفى
‏واحسب انه على هاك المودة غيور
‏ما احسب ان الشعاع اللي بقلبه طفى
‏كيف يا نور عيني وانت للعين نور
‏يختفي نور وصلك في ظلام الجفى
‏أثر قلبك على فرقى الولايف جسور

[غَيْم..!]

على بساط الليل نسري بالاحلام
‏ونسامر نجوم السماء بـ الاماني ..!

[زهرة الشمس]

أهلًا بِوَجهكَ لا حُجِبتَ عن نظرِي
‏يا فِتنةَ القلبِ بل يا نُزهَةَ البَصَرِ!

[غَيْم..!]

وانا من الناس يا سهلي و ياصعبي
‏بحرٍ تشوفه ، ولا تقدر على عومه ..!؟

[يقين]

علّمني إن الشعور اللي لغيري حرام
‏ولّا تغير مكاني و اختلف موضعي

‏أتعبني الخوف و التفكير و الأهتمام
‏قل للظنون أطمئني وأيقني وأسمعي

‏طبطب على قلبي المُنهك وزدني غرام
‏إحضن يديني وخذني لك ولمّ أذرعي

‏" علمني إني بـ صدرك رغم كل الزحام
‏وحدي تسيّدت في قلبك وقلبك معي

[يقين]

علّمني إن الشعور اللي لغيري حرام
‏ولّا تغير مكاني و اختلف موضعي

‏أتعبني الخوف و التفكير و الأهتمام
‏قل للظنون أطمئني وأيقني وأسمعي

‏طبطب على قلبي المُنهك وزدني غرام
‏إحضن يديني وخذني لك ولمّ أذرعي

‏" علمني إني بـ صدرك رغم كل الزحام
‏وحدي تسيّدت في قلبك وقلبك معي

[زهرة الشمس]

‏لي شفتك أعيش في عيونك أزماني
‏وأخذ من نجومها و أشعل بها شمعي

[غَيْم..!]

تربينا على العَليا ولا شيء يجبرنا
‏نوطّي هاماتٍ على العزّ معتـاده ..!

[يقين]

مقابلك بعد الغياب يطوّل العمر القصير
‏اقرب وانا اقرب ماورانا إلا المقابر والنعي

[زهرة الشمس]

‏ربينا على العز وكلٍ على مرباه
‏عشقنا المبادي ماعشقنا مصالحنا💛

[عذب الروح]

هات يدك وحلم معاي
نرسم الدنيا على كيفنا وننسى وراها العنا

[زهرة الشمس]

لأنك شى مايتعوض بـ دنيتي
احبك كثر ما اخاف افقدك والله...

[عذب الروح]

كنك الروح وأنا الجسد لا فارقك لحظه أبد
لو غبت عن عيني يوم، عن قلبي ما لك بعد

[زهرة الشمس]

إخترتك العمر ، يوم إن العمر مرة
‏كنت الصّحيح الوحيد من إختياراتي🤍

[عذب الروح]

عيونكِ سحرها يدوّخ القلب المشتاق،
زي قمر بالليل ينور كل الأعماق.

[سلطان الزين]

على طاري سواليف الموده والسهر والتيه
أنا عندي من الماضي كلام و ودي أتمّه

[زهرة الشمس]

لو أنك بقربَي الأن لأهديتُك عناقًا
يجعَلك لاتُفرق بينَ نبضَي ونبضُك.

[بحر المشاعر]

‏لو كان القمر قلبا
‏لأصبحت نوره وسط الظلام
‏ولو كان الليل قصة
‏فأنت سطرها الأجمل والكلام
‏ولو كان الفرح وردة
‏لكنت رحيقها الهائم في الأحلام
‏أما لو كان العمر سفينة
‏ فأنت شاطئها وسلامها وطمأنينتها

[عذب الروح]

ضمني بصدرٍ رحب وامسح همومي
خلّك أمان الروح وقت العواصف
في حضنك أنسى ضيقتي والغمومي
وألقى السعادة بين همسك وخواطر

[زهرة الشمس]

عندما أكتب عنك.....
يقرؤونك بين حروفي وكلماتي...
فيحسدونك...
فماذا لو سمعوا نبضات قلبي....
حين تناديك............

[بحر المشاعر]

‏ضمني مثل الامانه والوصاه
‏وانتشلني من غثا الدنيا واسر

‏اعتبرني دعوةٍ ( بـ اخر صلاة )
‏واعتبرك ( اليسر من بعد العسر)

[عبادى]

غالي ولك باب الغلا دوم مفتوح
وأنا في بحر ودك على الدوم سباح
البعد عنك يسبب لقلبي جروح
وقربك يسر القلب ويصير مرتاح
غلاك ما يحتاج تفسير وشروح
مثل القمر دايم على الكون وضاح

[زهرة الشمس]

‏خذني معك تكفى بجي مثل ضلك
انا اموت بشوفتك حيل واهواك

اعشق وجـودك ياعساني ماملك
معطيك روحي يالغلا جعلي فداك

[بحر المشاعر]

‏جاني وأنا مالي بالمحبه ميول
‏وحبيني بسوالف ماكنت أحبها

[نبض راقي]

اطغيت حتى القلب بالغدر معميه
الصبح لك قلبٍ مع الحب يهواه

والليل لك قلبٍ من الغدر ماليه
كنت الامل والنفس مثلك تحراه

[زهرة الشمس]

-‏الأماني كبيره و السعاده طموح
والعوض عند ربي دام ربي كريم .❤️

[يقين]

لولا الحياء والملام وهرج عذّالي
‏لاقول بيتٍ يراودني وخبّيته
‏فلان كل الوجيه اللي على بالي
‏وفلان كل القصيد اللي تغنّيته

[عبادى]

احتويني .. فأنا املك كل معاني العشق من اجلك انتى
واملكيني .. ودعيني اودع عالم الوحدة واجد مُهجتي
فأنا اشتاقك .. احتاجك .. اتمناكي .. لنهاية العمر

[نبض راقي]

تدري وِش إللي لآع قلبي و هده ؟
ذآك إلوليف إللي قسى ي عشيري ,

أجي و أهدي لَه من ألحب ورده ,
و يروح و يهدي وردِتي لشخص غيري

[يقين]

سيد البال تاخذني عليك الطواري
‏اثر مالي لو يطول الجفا عنك صده

‏انت ليل تخاطفني عليه المساري
‏و انا ما جابني لك غير صدق الموده

[عبادى]

لن اكتفى من البحث عنك
بين نبض الحروف وشغف العشاق
سوف ابحث عنكى
فى جميع دروب المحبين
وسا اسال عنكى محطات الانتظار
وقطار الراحلين

[نبض راقي]

يامساء الشوق واحساس الغياب
ويامساء اللــي ذكر خـلـه بـخـيـر

مـــن ذكـرتـه أنـفـتـح للمساء باب
هـمــي الـمـعـتـاد والشوق الكثير

[يقين]

اي والله اني (اشتقت لك ) بس أكـابر !
واقول لك : " في غيبتك ما تأثرت "
والخافق اللي بـ الجفا كان صابر ..
بغى يموووت من الولـه لو .. تأخرت..

[عبادى]

عيب النفس في كتر الخطايا
وعيب العين من قلة النوم
وعيب العقل في موت الخلايا
وعيب القلب دسان الهموم
وعيب الروح في خبث النوايا
وكل العيب في كثرة اللوم
وعيب الكون في الاخر نهايه
وغير الله ما واحد يدوم

[قلب العنا]

اتنفسك حب واعشقك شوق
واتيه بك واغليك ياكل احبابي

[نبض راقي]

الليل موحش في غيابك وانا ابيك
والصبر طال وَ حالتي ماتسرك .!

[يقين]

على طاري سواليف الموده والسهر والتيه
أنا عندي من الماضي كلام و ودي أتمّه

مقاسيم الهوى ماتنصف المحروم مدري ليه
تماشي صادق النيه و هي ما عندها ذمّه

سلام الله على فايت غرامٍ خافقي مضنيه
بقى له في الحنايا مايعلّ الحال ويسمّه .

[نبض راقي]

قلبي مساك وليلي بشوفتك غير
يااللي غشاك الليــل قلبي يحبك

يسعد مسا قلبك انا قلبــي بخير
بس انت قلي يا الغلا كيف قلبك.

[يقين]

تعال بين الضلوع العوج .. شف قدرك
قصر من الحب .. يبنى لك ويبنيني

ما ودي اقول في بعدك .. غريب امرك
ودي لو اسمع صدا ( يا من يراعيني )

اعتبرك الروح .. ولا شتبغي اعتبرك
ما دمت يا اغلى الخلايق مني وفيني

[نبض راقي]

ياللي خـذيـت القلب مـني وصديت
ياكيف تهجـر بالهــــــوى من تـودّه

انت طلبت القلب وانـا لك اعـطيت
إما تصـــــون القـلــــــب ولا تـردّه

[يقين]

مابيك بالقوه ..ولابيك بالطيب
‏أبيك من كيفك تحس بحنيني
‏مابيك تقبل باخر العمر وتغيب
‏أبيك دايم بين رمشي وعيني

[لمس الروح]

أتقنتُ تأبينَ الجراحِ ودفنها
‏وعلى أماكنها قرأتُ الفاتحة

[عبادى]

فانا لست شهريار ولا مجنون ليله
انا من ارسل روحى اليك فى كل ليله
وكنت صامتا عن البوح

[نبض راقي]

ياليت أنا وياك في ظلمة الليل
اسرد لك ابيات غزل كلها سرد

أقول لك بأذنك أنا أعشقك حيل
تقولي ضمني .. ترى صابني برد

[غَيْم..!]

توسَد الغيم ، يا احساسي النادر
‏مكانك آلغيم دون آلغيم لاترضى ..!

[غَيْم..!]

؛




مهما تسوي طيب تلقى عواجه
‏ماكل خلق الله تذكر محاسنك

‏يازين هرج اللي يبي منك حاجه
‏وياشين هرجه لا خذا حاجته منك ..!

[يقين]

أحبك، ولو يمطر سحاب الدروب أحباب
رضيت بْـ ظماك، وخل الأنسام تسري به
أحبك، ولو عادت جميع الوجيه أغراب
خذيتك أمان، يْشرّد الخوف من طيِبه

[لحن]

يا وجهٍ كل ما جاء في بالي تبسّمت
‏كونك بخير هذا اقصى امنياتي

[غَيْم..!]

ياليل سامرتك أبي راحـه البـال
‏وأثـرك تثيـر الذكريـات الدفينـه
‏.
‏ياليـل من علمـك تنبيش الأحوال
‏هـي دمعـه المجـروح ولا ونينـه ..!

[يقين]

تعال بين الليل والصبح والشوق
‏تعال خذني في كفوفك قصيده
‏اقراني بانفاس المحبة على ذوق
‏ترجمني ابنظره شفوقه سعيده

[غَيْم..!]

البارحة مرني طيفك . . بنص الكلام
‏أشتقت لك لين قالوا : كمل السالفه ..!

[بحر المشاعر]

‏اشتقت اسولف معه لاصابني ضيق
‏ويطيب مافي خاطري من كلامه

[يقين]

كل يجي ويروح والبال ساهي
إلا إنت في كل شي لاغبت أشوفك
غيابك أتعب قلبي والشوق راهي
القلب عندي.. والمشاعر تحوفك
ياهي تموت بحبك الروح وياهي
تهواك عيني وإتمنى طيوفك
حتى أحبك لا نطقتها شفاهي
أرسم في بالي قلب واكتب حروفك