Aziz
02-Jul-2021, 08:31 AM
لياسلهم الثلث المونّس من الليل
يبدا معي ثلث المقطّب جبينه
تظهر صور بالعين مثل التخاييل
اشوف فيها ناس من كل طينه
كن الصور تركيب جيل على جيل
الا (نقى) له صورةٍ جنب حينه
الحين (بإثْره) جعلها دوم للسيل
اثله ودار الطين بالحوش كينه
جيراننا حولك تحب التعاليل
لو ماتقدّم كود جغمة شنينه
ياحليل جارك وانت ياجاره احْليل
ما للتكبر في هكالوقت عينه
قولوا لابويه انهكتني نوازيل
قولو وليدك شلوطنّه سنينه
امي وضيف الله على قول ماقيل
مشوا وراك بكل خطوه سكينه
وبالامس الأدنى ودّع القلب حلحيل
تضم حايل في ثراها حنينه
دام ارتحلتوا مابقى داخلي حيل
لاتتركوني غصّة الدمع شينه
مع السلامه يابو نادر وانا اشيل
من حزن فرقاكم ثقيلٍ ألينه
وصلاة ربي عد نبت المحاصيل
على سراج الكون نور المدينه
بقلمي
يبدا معي ثلث المقطّب جبينه
تظهر صور بالعين مثل التخاييل
اشوف فيها ناس من كل طينه
كن الصور تركيب جيل على جيل
الا (نقى) له صورةٍ جنب حينه
الحين (بإثْره) جعلها دوم للسيل
اثله ودار الطين بالحوش كينه
جيراننا حولك تحب التعاليل
لو ماتقدّم كود جغمة شنينه
ياحليل جارك وانت ياجاره احْليل
ما للتكبر في هكالوقت عينه
قولوا لابويه انهكتني نوازيل
قولو وليدك شلوطنّه سنينه
امي وضيف الله على قول ماقيل
مشوا وراك بكل خطوه سكينه
وبالامس الأدنى ودّع القلب حلحيل
تضم حايل في ثراها حنينه
دام ارتحلتوا مابقى داخلي حيل
لاتتركوني غصّة الدمع شينه
مع السلامه يابو نادر وانا اشيل
من حزن فرقاكم ثقيلٍ ألينه
وصلاة ربي عد نبت المحاصيل
على سراج الكون نور المدينه
بقلمي